Luka 2:34 - Sơ̆p Hlabơar Nơ̆r 'Bok Kei-Dei

³⁴ Đơ̆ng noh Simiôn apinh 'Bok Kei-Dei tơgŭm bre sư. Sư kư̆m khan kơ Mari thoi âu: “'Bok Kei-Dei ăn kơ bơ̆n kon nge âu wă tơgŭm lu bơngai Isơrael jing hiôk, mă-lei lu bơngai kuă kơ lui kơ Sư jing răm. Sư bơngai 'Bok Kei-Dei ăn wă tơgŭm bơ̆n ră mă-lei đei lơ bơngai gô pơjĭp pơjăm Sư. Yua kơ thoi noh na bơ̆n gô băt jơhngơ̆m lu đe ei kơnê̆ tơpă.

Luka 2:34 Iomraidhean Croise

Bl 14:19

Sư sơkat ăn kơ Abram đei pŭn hiôk thoi âu: “Apinh Kră Yang 'Bok Kei-Dei mă tih hloh, Kră Yang Tơ'ngla pơjing plĕnh teh, ăn tơdrong pŭn hiôk kơ Abram!

Bl 47:7

Đơ̆ng noh Jôsep chông 'bă sư năm tơ'bơ̆p Pharaôn. Jakôp sơkat ăn wă kơ đei pŭn hiôk kơ Pharaôn.

Le 39:43

Môis lăng lăng tôm tơdrong jang, 'bôh lu sư pơm kiơ̆ thoi nơ̆r Kră Yang khan pơkă boih, thoi noh na Môis bơnê sơkat ăn tơdrong pŭn hiôk kơ lu sư.

Êsai 8:18

Âu, inh hăm lu kon mă Kră Yang Sư ăn bơih kơ inh noh tơdra wă pơsĭt lăm Isơrael đơ̆ng Kră Yang Tih Hloh. Tơ'ngla oei kơpal kông Siôn.

Hôsia 14:9

Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Mathiơ 11:19

Na gah Inh Kon Bơngai jur tơ teh âu, sŏng sa mơh 'nhot hơdai kon bơngai, na đe jô̆ kơ Inh khan bơngai sa bơlŭk, et dư, tơbôl hăm bơngai iŏk jên thuê̆, lu bơngai yoch mơ̆n. Mă-lei dah bơ̆n 'bôh đe jang 'lơ̆ng, bơ̆n băt kơ đe jang trŏ jang hơgei.”

Mathiơ 12:46

Kơplah Yêsu oei bơtho lu đe ei, na đei oh Sư hăm mĕ Sư dơ̆ng tơ 'ngoaih chă Sư wă pơma dơnuh.

Mathiơ 21:44

Tơmo mă iĕm kuă noh, dah bơngai bu huŏng hơtat 'bơ̆t tơmo noh, bơngai noh gô tơgơ̆ jơ̆ng ti sư păng pơchah kơ̆l sư. Dah tơmo noh huŏng 'bơm bơngai bu, akâu bơngai noh gô pơchah hĕch hoch thoi 'mui teh.”

Mathiơ 27:63

Lu sư khan kơ Pilat: “Ơ 'bok, nhôn 'blŏk kơ bơngai hơlĕnh noh hơtai Sư oei arih Sư khan thoi âu: ‘Pêng năr đơ̆ng rŏng kơ Inh lôch, Inh gô iung arih dơ̆ng.’

Luka 2:35

Păng ih kư̆m gô tơ'bơ̆p lơ tơdrong sơ'ngon tơpă mơ̆n ning-mônh, yua kơ dôm tơdrong đe pơm kơnê̆ kơ kon ih.”

Yo 3:20

Bơngai bu pơm tơdrong kơnê̆, bơngai 'noh sư ưh kơ wă kơ tơdrong hơdah păng sư ưh kơ wă năm jê̆ tơdrong hơdah, yua kơ sư hli, dah năm jê̆ tơdrong hơdah sư tơchĕng 'Bok Kei-Dei 'bôh hloi tơdrong kơnê̆ sư.

Yo 5:18

Kơlih kơ tơdrong noh lu bơngai Juđê chă tơdrong wă kơ gơh rôp pơlôch Sư, yua kơ lu sư khan Yêsu tŭk tơdrong kơ̆m lăm năr pơdơh Sa'bat; păng khan 'Bok Kei-Dei 'Bă Sư, dang wă khan Sư tih atŏ hăm 'Bok Kei-Dei.

Jang 13:45

Lăp đe Juđê 'bôh lơ bơngai năm akŭm tơpă, lu sư 'nhĕng. Lu sư pơjăm Pôl păng che bơle kơ sư, jâu sư khan bơngai kơnê̆.

Jang 17:6

Mă-lei lu sư chă bre Pôl păng Silas ưh kơ 'bôh. Thoi noh na sư rôp anhăk Jason păng lu bơngai lui nai mơ̆n, anhăk lu sư tơ kră pơlei. Sư pơma pơret khan kơ lu đe Jason ei khan: “Lu khŭl bơngai âu pơm kơnê̆ jơ̆p kơ teh đak. Dang ei lu sư năm tơ pơlei bơ̆n âu boih păng Jason âu ăn kơ lu sư oei tơ hnam sư. Đĭ-đăng lu sư ưh kơ kiơ̆ tơdrong juăt pơtao bơ̆n ôh. Lu sư khan sư đei minh 'nu pơtao nai, anăn Sư Yêsu.”

Jang 24:5

Bơngai 'nâu sư pơm kơnê̆ ling-lang. Sư pơhlŭ lu bơngai Juđê tơhil băl jơ̆p kơ teh đak. Sư pơm kră pơgơ̆r lu đe Nasaret.

Jang 28:22

Mă nhôn wă mơ̆ng tơdrong ih bơtho yua kơ lơ bơngai jơ̆p kơ teh đak khan khŭl iĕm kiơ̆ Yêsu ưh kơ 'lơ̆ng.”

Jang 6:7

Đe bơtho nơ̆r 'Bok Kei-Dei rai đunh rai jơ̆p. Lu bơngai lui lăm Pơlei Jêrusalem rai lơ tơpă, kư̆m đei bơngai 'bok soi lui kiơ̆ kơ Yêsu lơ mơ̆n.

Rom 9:32

yua kơ lu sư ưh kơ gơnang kơ Yêsu gơh tơgŭm sư jing bơngai 'lơ̆ng hăm 'Bok Kei-Dei. Lu sư gơnang kơ akâu lu sư kơdih đĕch wă kiơ̆ tơdrong juăt 'Bok Kei-Dei pơkă khan jing bơngai 'lơ̆ng hăm 'Bok Kei-Dei. Lu sư băt mơ̆n kơ Yêsu, mă-lei ưh kơ wă gơnang kơ Yêsu ôh. 'Noh hơmơt tơblĕnh kơ lu sư dêh thoi lĕ kơ đe 'bôh boih tơmo tŏk-bŏk trong mă-lei ngê̆ kơ kơtơih pơ̆k 'mơ̆i.

I Kor 1:23

Gah bơ̆n bơtho khan kơ đe tơdrong Yêsu lôch tơ 'long pơglang, mă-lei bơngai Juđê ơh klai, na mă lu bơngai nai lăng bơ̆n bơtho tơdrong 'noh nhen tơdrong kơtul đĕch.

Hêbrơ 7:1

'Bok soi Mêlkisêdek sư pơm pơtao Pơlei Salem, sư kư̆m pơm 'bok soi wă soi kơ 'Bok Kei-Dei Kră Yang Tih Hloh. Sư năm sơng iŏk Abraham brŏk đơ̆ng tơblah kơ lu pơtao nai. Na sư krao khan apinh 'Bok Kei-Dei tơgŭm Abraham.

Hêbrơ 7:7

Thoi noh na ưh kơ đei bu pơma kiơ kơ Mêlkisêdek gah tơdrong sư krao khan kơ Abraham, yua kơ sư tih hloh kơ Abraham tơpă.

I Pet 4:14

Hiôk chơt bĕ lu iĕm dah đe che bơle kơ iĕm lui kơ Yêsu Krist, iĕm hiôk yua kơ iĕm đei Yang Bơhngol 'Lơ̆ng mơsêh mơyang đơ̆ng 'Bok Kei-Dei jur oei hăm iĕm boih.

I Sam 2:20

Hêli sơkat pŭn hiôk ăn kơ Êlkana hăm akăn sư khan, apinh Kră Yang ăn kơ ih kon hơ'lơ̆p păng bơngai drŏ-kăn âu đei kon hơ'lơ̆p plơ̆ng wă tơplih kơ kon sư mă pơjao boih kơ Kră Yang. Đơ̆ng noh bre sư wih brŏk tơ hnam bre sư.