Luka 2:27 - Sơ̆p Hlabơar Nơ̆r 'Bok Kei-Dei

²⁷ Na Yang Bơhngol 'Lơ̆ng athei Simiôn mơ̆t lăm hnam akŭm 'Bok Kei-Dei tơm. Lăp mĕ 'bă Yêsu anhăk Yêsu mơ̆t tơ noh boih wă pơyơ̆r Sư kơ 'Bok Kei-Dei kiơ̆ kơ tơdrong juăt Kră Yang pơkă,

Luka 2:27 Iomraidhean Croise

Je 32:11

Inh iŏk hloi hla bơar tĕch hla bơar inh 'nao kĭ răt kiơ̆ kơ khôi juăt păng hla bơar chih rok hai.

Mathiơ 4:1

Đơ̆ng noh na Yang Bơhngol 'Lơ̆ng anhăk ba Yêsu tơ char glă kơdrô̆ Sư, wă kơ yŏng pơgơ̆r yang kơnê̆ anăn sư Satan pơlong lăng Sư.

Luka 2:22

Truh kơ năr mĕ Sư wă hơmet akâu kiơ̆ thoi tơdrong juăt Môis pơkă sơ̆, na mĕ 'bă Yêsu anhăk Sư năm tơ Pơlei Jêrusalem. Sư kư̆m wă pơyơ̆r Yêsu kơ Kră Yang 'Bok Kei-Dei tơ ei mơ̆n.

Luka 2:28

na Simiôn iŏk pôk Yêsu, krao khan bơnê kơ 'Bok Kei-Dei thoi âu:

Luka 2:41

Rim sơnăm trŏ kơ năr giĕng mă đe anăn Giĕng Năm Brih na bre mĕ 'bă Yêsu juăt kơ năm tơ Pơlei Jêrusalem.

Luka 2:48

Lăp mĕ 'bă Yêsu 'bôh Sư tơ noh na bre sư chrêu kơ đon, na mĕ Sư khan kơ Sư thoi âu: “Ơ dăm, yua kơ kiơ Ih pơm kơ nhi thoi âu? Nhi 'bă Ih chă Ih tôch đon hli kơ Ih hiong.”

Luka 2:51

Đơ̆ng rŏng kơ 'nei na Yêsu brŏk kiơ̆ mĕ 'bă Sư tơ Pơlei Nasaret. Sư chu yom kơ mĕ 'bă Sư ling-lang. Na mĕ Sư oei tơchĕng 'blŏk ling-lang kơ tơdrong noh hei păng dôm tơdrong đe khan lê̆ hơdrol gah kon sư, mă đơ̆ng sơ̆.

Luka 4:1

Lăp Yêsu wih đơ̆ng krong Jôrđăn, Yêsu Sư 'bĕnh blai kơ Yang Bơhngol 'Lơ̆ng na Yang Bơhngol 'Lơ̆ng anhăk ba Sư,

Jang 10:19

Pêtrôs sư oei tơchĕng tơdrong sư 'bôh hei, na Yang Bơhngol 'Lơ̆ng khan kơ sư: “Pêng 'nu bơngai truh tơ âu, sư chă ih.

Jang 11:12

Yang Bơhngol 'Lơ̆ng athei inh năm hơdai păng lu sư păng khan kơ inh thoi âu: ‘Ih 'nĕ pă tơchĕng giĕng tơdrong mơ̆t lăm hnam tơmoi ưh kơ khŭl Juđê.’ Bôl inh âu tơdrâu 'nu kư̆m năm hơdai hăm inh mơ̆n. Na nhôn mơ̆t tơ hnam Kôrnei.

Jang 16:7

Lăp lu sư truh tơ jih apŭng Misi ei lu sư wă mơ̆t tơ dêh char Bithini, mă-lei Yang Bơhngol 'Lơ̆ng đơ̆ng Kră Yang Yêsu ưh kơ ăn lu sư mơ̆t tơ ei ôh.

Jang 8:29

Na Yang Bơhngol 'Lơ̆ng khan kơ Philip: “Năm bĕ ih, yak hơdai păng bơngai hao gre aseh noh.”

Galati 4:4

Mă-lei truh boih năr 'Bok Kei-Dei pơkă, Sư wơh Kon Sư jur tơ ala teh âu. Kon bơngai bơ̆n tơpŭ kơ Sư, thoi noh na Sư kiơ̆ tôm tơdrong juăt kon bơngai.

Tơdrông Tơ'bôh 1:10

Đei minh năr, mă năr giĕng kơkuh kơ Kră Yang, na Yang Bơhngol 'Lơ̆ng tơ'bôh kơ inh tơdrong hlĭch. Inh kơtơ̆ng tơ rŏng inh nhen đei nơ̆r pơma re jơwa thoi đe hlôm keng

Tơdrông Tơ'bôh 17:3

Linh jang ei pơma đang boih, klaih kơ noh inh ưh kơ băt thoi yơ Yang Bơhngol 'Lơ̆ng ăn kơ linh jang pôk anhăk ba inh tơ bri chơngue. Na inh 'bôh bơngai drŏ-kăn ei hao kơpal sem 'brê. Tơ akâu sem ei đe chih 'bĕnh-'bang lơ tơdrong pơma blông kơ 'Bok Kei-Dei ngăl. Sem 'brê ei đei tơpơh tŏ kơ̆l, mơjĭt tŏ ake.