Luka 2:12 - Sơ̆p Hlabơar Nơ̆r 'Bok Kei-Dei

¹² Tơdrong 'nâu wă tơbăt kơ iĕm chă Sư: Iĕm gô 'bôh minh 'nu kon nge tơsu khăn, tơ'bĭch kơpal 'nhĕt kro lăm war rơmo.”

Luka 2:12 Iomraidhean Croise

II Pot 19:29

Ơ Hesekia, 'nâu minh tơdrong tơdra tơbăt kơ ih. Sơnăm 'nâu ih gô sa tơmam đơ̆ng găr adrĕch hơlŭng na rah kơdih, sơnăm mă 'bar, ih gô sa tơmam đơ̆ng găr chăt kơdih, mă-lei sơnăm mă pêng, lu iĕm gô rei păng kĕch yuă, pơtăm 'long hơmu păng sa plei sư.

II Pot 20:8

Thoi noh, na Hesekia pơma hăm Êsai: “Hăm tơdra kiơ wă tơbăt Kră Yang gô pơklaih jĭ inh păng truh tơ năr mă pêng, inh gô gơh năm tơ hnam akŭm kơkuh kơ Kră Yang.”

Horiso 22:6

Mă-lei inh nhen thoi hơdrông ưh kơ trŏ kon bơngai. Inh jing tơmam pơm kơ kon bơngai pơjăm, Păng tơmam pơm ăn kơ kon pơlei hiĕk ăr.

Le 3:12

Kră Yang 'Bok Kei-Dei khan: Inh gô oei hơdai hăm ih; 'nâu tơdrong wă kơ ih băt tơdra Inh wơh ih năm: Lăp ih chông kon pơlei lĕch đơ̆ng dêh Êyiptơ boih, na lu iĕm gô kơkuh awih awăn kơ Kră Yang 'Bok Kei-Dei tơ kơpal kông 'nâu.

Êsai 7:11

“Apinh bĕ Kră Yang 'Bok Kei-Dei ih, tơ'bôh kơ ih tơdra, tơ anih jrŭ dơnâu ŭnh sŭng dah tơ kơpal plei 'lơ̆ng tơ plĕnh ti.”

Êsai 7:14

Yua kơ noh bơih Kră Yang gô tơ'bôh kơ lu iĕm tơdra: Minh 'nu adruh gô anăp tơpŭ kơ minh 'nu kon drŏ-nglo, đe anăn kon sư noh Êmanuel.

Luka 2:13

Klaih kơ noh lu sư 'bôh blư bla linh jang 'lơ̆ng lơ tơpă dơ̆ng hơdai păng buăl sư mă jur hơdrol. Lu sư hơri bơnê kơ Kră Yang 'Bok Kei-Dei thoi âu:

Luka 2:7

klaih kơ noh sư tơpŭ kơ minh 'nu kon kơdră sư. Sư tơsu kơ kon sư minh blah khăn, klaih kơ noh tơ'bĭch kơpal 'nhĕt kro tơ lăm war rơmo yua kơ ưh kơ đei anih boih lăm hnam 'bĭch tơmoi.

I Sam 2:34

Tơdrong âu gô truh kơ 'bar 'nu kon drŏ-nglo ih Hopni păng Phinêhas wă tơbăt kơ ih; dôm tơdrong gô trŏ thoi Inh đei khan bre sư gô lôch lăm minh năr.