Luka 19:47 - Sơ̆p Hlabơar Nơ̆r 'Bok Kei-Dei

⁴⁷ Yêsu bơtho rim năr tơ lăm hnam akŭm 'Bok Kei-Dei tơm. Na lu 'bok soi tih, lu thây bơtho tơdrong juăt păng lu đe kră pơlei wă rôp pơlôch Sư ră.

Luka 19:47 Iomraidhean Croise

Mathiơ 21:23

Yêsu năm dơ̆ng tơ hnam akŭm 'Bok Kei-Dei tơm wă bơtho đe tơ noh. Kơplah Sư oei bơtho đei lu 'bok soi tih păng lu đe kră sek tơlang năm jet Yêsu thoi âu: “Bu ăn kơ Ih pơpuh đe mơdro đơ̆ng hnam akŭm âu păng chă bơtho đe lăm hnam akŭm âu mơ̆n?”

Mathiơ 26:55

Kơplah noh mơ̆n, Yêsu khan kơ lu bơngai mă năm rôp Sư: “Lơliơ iĕm năm tơ âu chĕp tak đao 'long tơnôn dang lĕ đe rôp bơngai tơtông klĕ? Bĭ rim năr Inh bơtho iĕm tơ lăm hnam akŭm tơm iĕm kuă kơ kiơ kơ rôp Inh tơ noh lĕ?

Markôs 11:18

Lu 'bok soi tih păng lu 'bok thây bơtho tơdrong juăt đe Juđê kơtơ̆ng tơdrong 'noh, na lu sư chă tơdrong wă rôp pơlôch Sư. Lu sư hli kơ Yêsu kơlih kơ đĭ-đăng bơngai 'maih mơ̆ng tơdrong Sư bơtho, yua kơ lu sư mơ̆ng hlĭch tơpă.

Markôs 12:12

Na lu 'bok soi tih, lu thây bơtho tơdrong juăt đe Juđê, hăm lu đe kră sek tơlang chă tơdrong wă rôp hloi Yêsu yua kơ lu sư băt dôm tơdrong Yêsu pơma pơjuang noh hei trŏ hloi kơ lu sư tơpă. Mă-lei lu sư hli kơ lu kon pơlei pơla 'bơ̆t ei, na lu sư weh đơ̆ng Yêsu 'noh năm tơ nai.

Markôs 14:1

'Bar năr hơdrol kơ Năr Giĕng Năm Brih păng giĕng sa 'Bĕng Mi Ưh Kơ Đei 'Buih Pông na lu 'bok soi tih hăm lu thây bơtho tơdrong juăt đe Juđê, lu sư pơđâu chă tơdrong gơh rôp tơtông Yêsu na pơlôch.

Markôs 14:49

Bĭ rim năr Inh oei tơ tŏk-bŏk lu iĕm, bơtho iĕm tơ lăm hnam akŭm tơm, iĕm kuă kơ kiơ kơ rôp Inh tơ noh lĕ? Mă-lei tơdrong noh 'Bok Kei-Dei ăn wă kơ 'blep kơ tơdrong đe chih roi lê̆ hơdrol lăm sơ̆p hla bơar Sư sơ̆.”

Luka 19:48

Mă-lei lu sư ưh kơ gơh rôp thoi yơ, yua kơ lu sư hli kơ kon bơngai 'bĕnh-'bang hưch hanh wă mơ̆ng Sư bơtho tơpă.

Luka 20:19

Lu thây bơtho tơdrong juăt đe Juđê păng lu 'bok soi tih wă rôp hloi Yêsu kơplah noh ră yua kơ lu sư băt dôm tơdrong Yêsu pơma pơjuang noh hei trŏ hloi kơ lu sư tơpă. Mă-lei lu sư hli kơ lu kon pơlei pơla mă oei mơ̆ng bơtho 'bơ̆t ei, na lu sư jing ưh kơ yĕng kơ rôp Yêsu ôh.

Yo 10:39

Thoi noh lu bơngai Juđê wă rôp Sư ră, mă-lei Sư jăk hloi đơ̆ng anih noh.

Yo 18:20

Na Yêsu khan: “Inh ling-lang bơtho tơ bơngai tơpôl, tơ rim hnam akŭm. Inh bơtho tơ hnam akŭm 'Bok Kei-Dei tơm. Tơ yơ yơ lu Juđê akŭm, Inh bơtho kơ lu sư mơ̆n. Inh ưh kơ đei bơtho ôn ôh.

Yo 7:19

Hăm trŏ kơ Môis ată ăn kơ iĕm tơdrong juăt, mă-lei lăm lu iĕm ưh kơ đei bu răk tơdrong juăt noh? Na iĕm khan Inh ưh kơ răk tơdrong juăt Môis, na iĕm khan wă pơlôch Inh. Kơlih kơ kiơ iĕm wă pơlôch Inh noh?”

Yo 7:44

Lu mơ'nah wă rôp Sư ră, mă-lei ưh kơ đei ti bu chro rôp Sư dơ̆ng.