Luka 19:26 - Sơ̆p Hlabơar Nơ̆r 'Bok Kei-Dei

²⁶ Na 'bok pơtao khan kơ lu sư: ‘Inh khan kơ iĕm tơpă, bơngai bu jang pơnam đei tơmam lơ, Kră Yang mơnat rai ăn pơthim tăm. Bơngai bu alah, tơmam ưh kơ đei lơ, rai hiong tơmam đơ̆ng sư kơdih tăm.

Luka 19:26 Iomraidhean Croise

II Sam 7:15

Mă-lei tơdrong 'mêm Inh ưh kơ weh đơ̆ng sư thoi Inh weh đơ̆ng Sôl, bơngai mă Inh achăng lê̆ wă pôk hơtŏk ih pơm pơtao.

Horiso 109:8

Ăn kơ măng năr lu sư arih rai tŏ sĕt. Ăn kơ bơngai nai tơgar iŏk anih tơdrong jang sư.

Mathiơ 13:12

Bơngai bu hlôh, 'Bok Kei-Dei gô pơthim ăn kơ sư hlôh hloh kơ noh na sư gô hlôh tơpă. Bơngai bu ưh kơ wă mơ̆ng, bơngai noh rai hiong dôm tơdrong sư hlôh.

Mathiơ 21:43

Tơdrong noh gô trŏ kơ lu iĕm na Inh khan kơ iĕm: Iĕm pơm kuă kơ Inh thoi noh, na 'Bok Kei-Dei ưh kơ wă pơm pơtao iĕm ôh. Sư pơm pơtao lu bơngai nai đĕch, lu bơngai nai gô pơm kiơ̆ kơ Sư.

Markôs 4:25

Bơngai bu hlôh, 'Bok Kei-Dei gô pơthim ăn kơ sư hlôh hloh kơ noh dơ̆ng tơpă. Bơngai bu ưh kơ wă mơ̆ng, bơngai 'noh rai hiong dôm tơdrong sư hlôh.”

Luka 16:3

Na đam kơiĕng sư ei tơchĕng lăm to khan: ‘Yŏng inh wă pơpuh inh boih, na inh wă jang tơdrong kiơ dơ̆ng? Inh choh mir kư̆m ưh kơ kĕ ôh. Inh kư̆m mơlâu kơ chă apinh sa đơ̆ng đe mơ̆n.

Luka 19:25

Lu bơngai jang kơ sư khan: ‘Ơ 'bok, sư đei mơjĭt hlak jên boih lah, liơ ih khan wă ăn kơ sư dơ̆ng?’

Luka 8:18

“Thoi noh na iĕm athei mơ̆ng Inh mă nhên. Bơngai bu hlôh, 'Bok Kei-Dei gô pơthim kơ sư hlôh hloh kơ noh dơ̆ng tơpă. Bơngai bu ưh kơ wă mơ̆ng, bơngai 'noh sư tơchĕng sư hlôh ră, mă-lei sư gô hiong dôm tơdrong sư hlôh.”

Jang 1:20

Đawit chih lăm sơ̆p hla bơar tơdrong hơriso hơdrol kơ đe tam mă tơpŭ kơ Juđa thoi âu: ‘Hnam sư gô adro ưh kơ đei bu oei. Tơdrong jang sư bơ̆n ăn kơ bơngai nai iŏk.’

II Yo 1:8

Kơlih kơ thoi noh na iĕm athei kơchăng hŏ hli kơ lu sư hơlĕnh kơ iĕm, na iĕm lui kơ lu sư. Dah iĕm kơchăng tơpă lei dôm tơdrong iĕm jang iĕm huay kơ hiong ôh. Na iĕm gô đei iŏk tôm tơdrong apah ning-mônh.

Tơdrông Tơ'bôh 2:3

Inh băt mơ̆n iĕm đei tơdrong gleh truh yua kơ jang tơdrong Inh, iĕm oei adrin khŏm khŏm ưh kơ lê̆.

Tơdrông Tơ'bôh 3:11

Ưh kơ đunh ôh Inh wă jur dơ̆ng. Dang ei iĕm lui kơjăp boih, iĕm 'nĕ kơ achăng lê̆ dôm tơdrong Inh, wă kơ Inh huay kơ iŏk agăl pơkao iĕm, ăn kơ bơngai nai.

I Sam 15:28

Samuel khan kơ sư: Năr 'nâu Kră Yang kư̆m hek teh đak Isơrael đơ̆ng ih kư̆m thoi noh mơ̆n, na pơjao ăn kơ bơngai nai đơ̆ng, trŏ hloh kơ ih.

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.