Luka 19:20 - Sơ̆p Hlabơar Nơ̆r 'Bok Kei-Dei

²⁰ “Minh 'nu bơngai jang kơ sư nai dơ̆ng pơtruh kơ yŏng sư khan: ‘Ơ 'bok, âu jên ih. Sơ̆ ih athei inh mơdro ră, mă-lei inh 'nŭng 'măn lê̆ lăm che ling-lang.

Luka 19:20 Iomraidhean Croise

Mathiơ 25:24

“Bơngai mă iŏk minh hlak jên yŏng sư noh, kư̆m hơdai năm khan mơ̆n, sư khan: ‘Ơ 'bok, inh băt kơ ih bơngai wă pơgŏ nhôn, na ih athei nhôn năm mơdro ăn kơ ih, wă kơ ih iŏk đĕch thoi đe pơtăm 'ba, ih gô wă kĕch iŏk kơdih.

Luka 19:13

Hơdrol kơ sư wă năm, sư krao mơjĭt 'nu bơngai jang kơ sư. Sư pơjao ăn rim 'nu kơ lu bơngai jang kơ sư minh hlak jên hu so sơ̆. Sư pơkă athei chă blơ̆ sa kơdih kơdih truh tơ năr sư wih dơ̆ng. Lăp sư pơjao ăn kơ lu đe noh đang boih na sư năm.

Luka 19:19

Na yŏng tơ'ngla sư khan: ‘Ơ dăm, ih jang kơ inh 'lơ̆ng tơpă. Ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih 'biơ̆, pơjao ăn kơ ih wei-lăng lăm pơđăm tŏ pơlei.’

Luka 19:21

Inh hli kơ ih na inh 'nŭng 'măn lê̆ yua kơ inh băt kơ ih bơngai chă pơgŏ nhôn, na ih athei nhôn năm mơdro ăn kơ ih thoi bơngai nai pơtăm 'ba, na ih gô kĕch iŏk.’

Luka 3:9

'Bok Kei-Dei sek tơlang kon bơngai, Sư pơlong lăng thoi âu: Sung Sư, Sư 'măn hiă rim kơ tơnơm 'long boih. Dah 'long ayơ ưh kơ đei plei 'lơ̆ng lei 'Bok Kei-Dei gô kăl tŭk 'long noh klơ̆m tơ ŭnh.”

Luka 6:46

“Yua kơ kiơ iĕm krao Inh Yŏng iĕm, mă-lei iĕm kuă kơ pơm kiơ̆ kơ đon Inh bơtho?

Yo 11:44

Lasarơ mă lôch ei iung đơ̆ng bơsat lĕch hloi tơ 'ngoaih. Mă-lei jơ̆ng ti muh măt sư đêl đe chôm pơ̆n păng che oei oei 'bơ̆t akâu sư. Yêsu khan kơ lu sư: “Yaih che đơ̆ng akâu sư bĕ wă kơ sư jah wih tơ hnam.”

Yo 20:7

Che đêl đe gom kơ̆l Yêsu 'noh chơ̆p lê̆ tơ anih kơdih.

Ya 4:17

Dang ei iĕm băt boih, na bơngai bu băt boih kơ tơdrong 'lơ̆ng tơdrong trŏ mă sư ưh kơ wă kiơ̆, bơngai noh yoch tơpă.