Luka 19:17 - Sơ̆p Hlabơar Nơ̆r 'Bok Kei-Dei

¹⁷ Na yŏng sư khan: ‘Ơ dăm, ih jang kơ inh 'lơ̆ng tơpă. Ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih 'biơ̆, pơjao ăn kơ ih wei-lăng lăm mơjĭt tŏ pơlei.’

Luka 19:17 Iomraidhean Croise

Bl 39:4

Thoi noh Jôsep đei yŏng tơ'ngla sư lăp đon păng gơnang; yŏng sư jao kơ sư jang, wei-lăng mŭk măk lăm hnam dơnŏ, jao ăn đĭ-đăng mŭk tơmam kơ sư.

Tơdrông Pơđơk 27:18

Bơngai bu bơwei tơm hơra, gô sa plei sư; Bu chu bơwei yŏng sư, đe gô pơyom.

Mathiơ 25:21

Na yŏng sư khan: ‘Ơ dăm, ih jang kơ inh 'lơ̆ng tơpă, ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih hloh dơ̆ng. Na dang ei bĕ ba oei hơdai hiôk chơt hăm inh yŏng ih.’

Luka 16:10

“Bơngai bu pơm tơpăt mă tơdrong iĕ, bơngai noh sư kư̆m gô pơm tơpăt tơdrong tih mơ̆n. Bơngai bu pơm ưh kơ tơpăt đơ̆ng tơdrong iĕ, sư kư̆m ưh kơ tơpăt kơ tơdrong tih.

Luka 19:16

Bơngai mă mônh năm tơ yŏng sư khan: ‘Ơ 'bok, sơ̆ inh iŏk minh hlak jên ih, inh năm mơdro sa đei lơi jing mơjĭt hlak dơ̆ng.’

Luka 19:18

Bơngai mă 'bar kư̆m pơma lei-lăi khan: ‘Ơ 'bok, sơ̆ ih ăn kơ inh minh hlak jên hu, inh năm mơdro sa đei lơi pơđăm hlak.’

Luka 22:30

Iĕm gô sŏng sa hơdai păng Inh kơplah Inh pơgơ̆r ning-mônh păng iĕm kư̆m pơm pơtao sek tơlang kơ mơjĭt-'bar khŭl bơngai Isơrael.

Rom 2:29

Bơngai bu wă kiơ̆ tơdrong 'Bok Kei-Dei, sư kiơ̆ hăm đĭ jơhngơ̆m đon sư, bơngai noh 'Bok Kei-Dei jô̆ sư bơngai Juđê. Dah bơ̆n adrin kiơ̆ Sư hăm đĭ jơhngơ̆m klơm klak, 'nĕ kiơ̆ pôm 'bơ̆r, bơngai noh 'Bok Kei-Dei jô̆ dang sư kăt tơdra akar mơ̆n. Dah bơ̆n pơm thoi noh, bơ̆n ưh kơ kăl kơ kon bơngai lăp đon kơ bơ̆n ôh, yua kơ bơ̆n đei 'Bok Kei-Dei lăp đon kơ bơ̆n boih.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

II Tim 2:10

Inh đei tơdrong pơmat ling-lang, mă-lei inh oei adrin khŏm khŏm. Inh bơtho lu bơngai 'Bok Kei-Dei rơih wă kơ lu sư lui kơ Kră Yang Yêsu Krist, na 'Bok Kei-Dei gô pơklaih sư đơ̆ng tơdrong yoch păng atŏk sư oei hơdai păng Sư ling-lang ning-mônh.

I Pet 1:7

Tơdrong gleh 'Bok Kei-Dei wă pơlong lăng tơdrong lui bơ̆n, wă kơ băt bơ̆n lui tơpă dah ưh. Bĭ maih đe kư̆m 'buh pơlong sư tơ ŭnh wă kơ băt sư maih tơpă dah ưh; na tơdrong bơ̆n lui kơ Yêsu Krist kăl hloh kơ maih tơpă, yua kơ maih sư gô hiong răm. Na bơ̆n kon bơngai trŏ kơ 'Bok Kei-Dei pơlong lăng tơdrong lui bơ̆n wă kơ bơ̆n lui kơjăp, na Sư gô bơnê kơ bơ̆n, hăm ăn kơ bơ̆n hiôk kơplah năr Yêsu Krist jur ning-mônh.

I Pet 5:4

Thoi noh na mưh blư kơ Tơ'ngla Tơm Wei Triu jur ning-mônh Sư bơnê kơ iĕm păng apah iĕm agăl pơkao 'lơ̆ng rŏ ưh kơ layơ jô kro, iĕm gô arih ling-lang.

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.