Luka 19:14 - Sơ̆p Hlabơar Nơ̆r 'Bok Kei-Dei

¹⁴ Đe băt kơ sư năm boih na lu tơring tơrang hil areh kơ sư, đe ưh kơ wă kơ sư pơm pơtao kơ lu sư; na lu sư wơh đe pơtruh kơ 'bok pơtao tơm, lu tơring tơrang ưh kơ wă kơ bơngai noh pơm pơtao lu sư.

Luka 19:14 Iomraidhean Croise

II Sam 23:7

Bơngai bu hơtŭt 'bơm lu sư, athei đei tơmam hăm bơsei, dah 'long, tơju. Ŭnh sa lu sư lek hach kơtă anih noh hloi.

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Sa 11:8

Lăp lăm minh khei đĕch Inh pơlôch đĭ pêng 'nu bơngai wei triu; Inh pă kĕ ĕnh hăm lu sư boih păng lu sư kư̆m lei-lăi ưh pă lăp kơ Inh.

Luka 14:32

Dah sư tơchĕng ưh kơ kĕ ôh, lei lăp linh đe ayăt oei ataih, sư gô wơh linh sư năm tơ'bơ̆p pơtao đe ayăt, lung sư wă huay kơ tơblah.

Luka 19:13

Hơdrol kơ sư wă năm, sư krao mơjĭt 'nu bơngai jang kơ sư. Sư pơjao ăn rim 'nu kơ lu bơngai jang kơ sư minh hlak jên hu so sơ̆. Sư pơkă athei chă blơ̆ sa kơdih kơdih truh tơ năr sư wih dơ̆ng. Lăp sư pơjao ăn kơ lu đe noh đang boih na sư năm.

Luka 19:15

“Mă-lei 'bok pơtao tơm lăp đon kơ sư tơpă, na ăn kơ sư pơm pơtao. Klaih kơ noh na sư wih. Sư krao lu mơjĭt 'nu bơngai jang kơ sư mă đêl sư pơjao ăn jên wă kơ băt lu sư blơ̆ sa bu lơi dôm yơ.

Luka 19:27

Gah lu bơngai mă ayăt kơ inh, ưh kơ wă kơ inh pơm pơtao pơgơ̆r lu sư, iĕm dui anhăk lu sư tơ âu, pơlôch lu sư 'bơ̆t anăp inh.’ ”

Yo 1:11

Sư jur tơ teh đak Sư kơdih, mă-lei lu buăl Sư ưh kơ wă sơng iŏk Sư.

Yo 15:18

“Dah bơngai ala teh âu hil areh kơ iĕm, iĕm kư̆m băt mơ̆n lu sư hil 'noh, lu sư hil areh kơ Inh mă hơdrol.

I Sam 8:7

Kră Yang tơl Samuel khan: Ih athei pơm kiơ̆ dôm nơ̆r kon pơlei apinh ih; noh ưh kơ sĭ lu sư sơngah kơ ih ôh, noh lu sư sơngah kơ Inh, ưh kơ wă kơ Inh pơm pơtao wei-lăng pơgơ̆r lu sư dơ̆ng.