Luka 19:13 - Sơ̆p Hlabơar Nơ̆r 'Bok Kei-Dei

¹³ Hơdrol kơ sư wă năm, sư krao mơjĭt 'nu bơngai jang kơ sư. Sư pơjao ăn rim 'nu kơ lu bơngai jang kơ sư minh hlak jên hu so sơ̆. Sư pơkă athei chă blơ̆ sa kơdih kơdih truh tơ năr sư wih dơ̆ng. Lăp sư pơjao ăn kơ lu đe noh đang boih na sư năm.

Luka 19:13 Iomraidhean Croise

Mathiơ 25:16

Bơngai mă iŏk pơđăm hlak jên maih yŏng sư noh, hơloh năm chă mơdro sa hloi, đei lơi kơ sư pơđăm hlak jên maih dơ̆ng.

Mathiơ 25:20

Bơngai mă iŏk pơđăm hlak jên maih yŏng sư noh, năm pơdrĕo kơ yŏng sư khan: ‘Ơ 'bok, sơ̆ inh iŏk pơđăm hlak jên ih, inh năm mơdro sa đei lơi pơđăm hlak, dang ei jing mơjĭt hlak, inh ăn pơđĭ hloi kơ ih.’

Mathiơ 25:22

Bơngai mă iŏk 'bar hlak jên yŏng sư noh kư̆m pơma lei-lăi khan: ‘Ơ 'bok, sơ̆ inh iŏk 'bar hlak jên ih, inh năm mơdro sa đei lơi 'bar hlak dơ̆ng, inh ăn pơđĭ hloi kơ ih.’

Mathiơ 25:24

“Bơngai mă iŏk minh hlak jên yŏng sư noh, kư̆m hơdai năm khan mơ̆n, sư khan: ‘Ơ 'bok, inh băt kơ ih bơngai wă pơgŏ nhôn, na ih athei nhôn năm mơdro ăn kơ ih, wă kơ ih iŏk đĕch thoi đe pơtăm 'ba, ih gô wă kĕch iŏk kơdih.

Luka 19:12

Thoi noh na Sư khan kơ lu bơngai ei: “Đei minh 'nu bơngai pơm tih wă năm tơ dêh ataih wă tơ'bơ̆p 'bok pơtao tơm, yua kơ 'bok pơtao tơm wă pôk sư pơm phŏ sư wă pơgơ̆r dêh char sư kơdih, klaih kơ noh sư gô wih dơ̆ng.

Luka 19:14

Đe băt kơ sư năm boih na lu tơring tơrang hil areh kơ sư, đe ưh kơ wă kơ sư pơm pơtao kơ lu sư; na lu sư wơh đe pơtruh kơ 'bok pơtao tơm, lu tơring tơrang ưh kơ wă kơ bơngai noh pơm pơtao lu sư.

Yo 12:26

Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Galati 1:10

Inh pơma thoi noh kon bơngai ưh kơ lăp đon ôh. Mă-lei inh wă kơ 'Bok Kei-Dei lăp đon kơ tơdrong jang inh. Dah inh wă kơ kon bơngai lăp đon kơ inh đĕch lei ưh kơ sĭ inh jang tơdrong Yêsu Krist ôh.

Ya 1:1

Inh Yakơ đĭch đam 'Bok Kei-Dei hăm đĭch đam Kră Yang bơ̆n Yêsu Krist chih hơpong kơ mơjĭt-'bar khŭl bơngai Isơrael đĭ tơklah tơklang, tơ kông minh hlak tơ đak minh găr jơ̆p kơ teh đak, kơkuh hmach tôm kơ iĕm.

II Pet 1:1

Inh Simôn Pêtrôs, bơngai đĭch đam Yêsu Krist, kư̆m pơm jơ̆ng 'bang Sư mơ̆n. Inh chih hơpong kơ lu bơngai mă 'Bok Kei-Dei hăm 'Bok Dŏng Pơklaih bơ̆n Yêsu Krist krao lui kơ Sư thoi nhôn, yua kơ Sư pơm tơpăt kơ đĭ-đăng.