Luka 19:12 - Sơ̆p Hlabơar Nơ̆r 'Bok Kei-Dei

¹² Thoi noh na Sư khan kơ lu bơngai ei: “Đei minh 'nu bơngai pơm tih wă năm tơ dêh ataih wă tơ'bơ̆p 'bok pơtao tơm, yua kơ 'bok pơtao tơm wă pôk sư pơm phŏ sư wă pơgơ̆r dêh char sư kơdih, klaih kơ noh sư gô wih dơ̆ng.

Luka 19:12 Iomraidhean Croise

Mathiơ 21:38

Lăp lu bơngai jang mơng 'bôh kon 'bok tơ'ngla mir truh tơ lu sư, lu sư pơđâu dih băl khan: ‘Bơngai âu boih kon 'bok tơ'ngla mir âu, na dang ei bĕ bơ̆n pơlôch sư na mă mir âu jing mir bơ̆n.’

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Markôs 12:1

'Blă kơ noh Yêsu bơtho pơtih gia kơ lu sư thoi âu: “Đei minh 'nu bơngai pơm mir wă pơtăm 'long hơmu. Sư war dur tăp dăr boih, lăm mir noh sư pơm minh pôm tơpăl tơmo wă peh plei hơmu chơpĕt iŏk đak sư. Păng sư pơm minh pôm hnam tông wă gak plei hơmu. Sư pơm tôm tơdrong noh boih na sư ăn kơ đe jang mơng, tơ'ngla sư năm oei tơ dêh nai.

Markôs 16:19

Đang kơ Kră Yang Yêsu khan kơ lu bơngai pơhrăm păng Sư thoi noh boih, na 'Bok Kei-Dei atŏk Sư tơ plĕnh oei gah 'ma kơ 'Bă Sư 'Bok Kei-Dei.

Luka 20:9

'Blă kơ noh Yêsu bơtho pơtih gia kơ lu kon pơlei pơla thoi âu: “Đei minh 'nu bơngai pơm mir wă pơtăm plei hơmu. Sư pơtăm đang boih na ăn kơ đe jang mơng, na tơ'ngla sư năm oei tơ dêh nai đunh tơpă.

Luka 24:51

Na kơplah Sư oei krao khan kơ 'Bok Kei-Dei, na 'Bok Kei-Dei atŏk Sư tơ plĕnh achăng lê̆ lu sư.

Yo 18:37

Pilat jet dơ̆ng: “'Noh hăm trŏ Ih 'Bok Pơtao dah ưh?” Yêsu khan: “Trŏ boih ih khan Inh 'Bok Pơtao. Kơlih kơ minh tơdrong âu Inh tơpŭ tơ ala teh âu, wă bơtho tơdrong tơpăt. Bu mă kiơ̆ tơdrong tơpăt, sư mơ̆ng nơ̆r Inh pơma.”

Jang 17:31

yua kơ Sư pơkă năr boih wă kơ sek tơlang tơpăt kơ đĭ-đăng kon bơngai jơ̆p kơ teh đak. Sư rơih minh 'nu bơngai wă sek tơlang tơgŭm 'Bă Sư boih. Bơngai sek tơlang ei, anăn Sư Yêsu Krist. 'Bă Sư ăn kơ Sư lôch iung arih wă tơbăt kơ đĭ-đăng bơngai Yêsu gô sek tơlang kon bơngai tơpă.”

I Kor 15:25

'Bok Kei-Dei ăn kơ Yêsu pơgơ̆r truh tơ Sư blah rôp ba dôm lu bơngai mă ayăt kơ Yêsu lê̆ tơ kơnơl jơ̆ng Sư.

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.

Tơdrông Tơ'bôh 1:7

Ning-mônh Sư wă jur tơ bơ̆n hăm hơmơ̆l. Đĭ-đăng kon bơngai gô 'bôh Sư. Lu bơngai mă pơ̆ng pơlôch Sư tơ 'long pơglang sơ̆ kư̆m 'bôh Sư mơ̆n. 'Bơ̆t noh kơnh đĭ-đăng khŭl kon bơngai jơ̆p kơ teh đak nhơ̆m hmoi 'bơ̆t anăp Sư; tơpă, trŏ kơ nhơ̆m hmoi tơpă mơ̆n. A-men.