Luka 18:43 - Sơ̆p Hlabơar Nơ̆r 'Bok Kei-Dei

⁴³ Đang Yêsu pơma thoi noh măt sư 'bôh hơdah hloi. Sư kiơ̆ hloi Yêsu. Sư pơma ư-ang kơ 'Bok Kei-Dei, lu bơngai tơpôl kư̆m pơma ư-ang kơ 'Bok Kei-Dei mơ̆n.

Luka 18:43 Iomraidhean Croise

Horiso 107:15

Ăn kơ lu sư bơnê kơkuh kơ Kră Yang yua kơ tơdrong 'mêm Sư. Yua kơ tơdrong jang hlĭch chrơp Sư pơm boih kơ kon bơngai.

Horiso 107:8

Ăn kơ lu sư bơnê bĕ kơ Kră Yang yua kơ tơdrong 'mêm Sư. Yua kơ tơdrong hlĭch chrơp Sư pơm boih kơ kon bơngai.

Horiso 146:8

Kră Yang pơih ăn kơ lu bơngai măt tol gơh hơdah. Kră Yang 'bơ̆ tơpăt lu bơngai kơdŭ grŏn, Kră Yang 'mêm kơ lu bơngai tơpăt;

Horiso 30:2

Ơ Kră Yang Kră Yang 'Bok Kei-Dei inh! Inh krao apinh Ih, na Ih pơklaih inh.

Êsai 35:5

Kơplah noh lu bơngai măt tol gô 'bôh, lu bơngai klĭk klot gô kơtơ̆ng.

Êsai 42:16

Inh gô chông lu bơngai măt tol rok trong lu sư ưh kơ biơh năm, dui lu sư rok trong iĕ mă lu sư ưh tam juăt; inh gô tơplih măng mu jing hơdah 'bơ̆t anăp lu sư, Inh gô pơm kơ teh jrŭ đơng jing dơnă. Tơpă inh gô pơm lu tơdrong noh păng ưh kơ achăng tŭk lu sư ôh.

Êsai 43:21

Inh pơjing bơih lu kon pơlei âu, ăn kơ Inh, lu sư gô ră roi bơnê kơ inh.

Mathiơ 11:5

Lu măt tol gơh 'bôh hơdah, lu jơ̆ng kue mah gơh yak, lu jĭ chin mah klaih, lu klĭk gơh kơtơ̆ng, lu bơngai lôch mah gơh iung arih, lu bơngai dơnuh hin mah mơ̆ng Inh bơtho tơdrong 'nao 'lơ̆ng.

Mathiơ 21:14

Kơplah noh đei lu bơngai măt tol, lu bơngai jơ̆ng kue năm tơ Sư, na Sư pơklaih hloi.

Mathiơ 9:8

Lu đe oei kiơ̆ ei 'bôh tơdrong noh, lu sư hli na ư-ang kơ 'Bok Kei-Dei khan: “Bơngai âu 'Bok Kei-Dei ăn wă pơklaih yoch păng jĭ jăn kon bơngai tơpă.”

Luka 13:17

Yêsu tơl thoi noh na lu bơngai mă areh kơ Yêsu mơlâu, mă-lei lu kon pơlei pơla chơt hiôk yua kơ 'bôh Sư pơm lơ tơdrong mơsêh mơyang mơnat kơ lu sư.

Luka 19:37

Kơplah lu sư jur đơ̆ng kông Ôliwơ, na đei lơlap lơlang lu bơngai lui lu sư chhôk na pơma re 'bơ̆r wă ư-ang kơ 'Bok Kei-Dei, yua kơ lu sư băt Yêsu Kon 'Bok Kei-Dei gơh pơm lơ tơdrong mơsêh mơyang tơpă. Na lu sư khan:

Luka 4:39

Na Yêsu năm tơ sư pơklaih hloi tơdrong jĭ sư 'nei. Na sư klaih hloi. Sư iung chă awih awăn kơ đe Yêsu.

Luka 5:26

Đĭ-đăng lu bơngai oei kiơ̆ ei sơleng kơ đon tơpă na pơma ư-ang kơ 'Bok Kei-Dei. Lu sư kư̆m hli dêh na khan: “Bơ̆n 'bôh tơdrong hlĭch tơpă năr âu iih?”

Luka 9:43

Na đĭ-đăng lu đe 'bơ̆t ei sơleng kơ đon yua kơ 'bôh 'Bok Kei-Dei pơm tơdrong mơsêh mơyang thoi noh. Kơplah lu bơngai tơpôl oei tơchĕng sơleng kơđon kơ dôm tơdrong Yêsu pơm, na Yêsu khan kơ lu bơngai pơhrăm păng Sư kơdrô̆ lu sư thoi âu:

Jang 11:18

Lăp lu bôl Pêtrôs kơtơ̆ng Pêtrôs pơma thoi noh, lu sư chu hloi, huay pă pơjah dơ̆ng. Na lu sư ư-ang kơ 'Bok Kei-Dei păng khan: “'Noh 'Bok Kei-Dei ăn kơ kon tơmoi tơbral tơdrong yoch lu sư, wă kơ lu sư arih ling-lang kư̆m thoi bơ̆n mơ̆n.”

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

Jang 4:21

Lu bơngai sek tơlang khă sư pă minh 'măng dơ̆ng na tơlĕch bre sư. Lu đe 'bok sek tơlang, sư tơchĕng tơduă sư khan: “Ưh pă gơh phak bre sư thoi yơ boih. Bơ̆n athei tơlĕch bre sư đĕch, yua kơ kon pơlei pơla đĭ ư-ang kơ 'Bok Kei-Dei pơklaih bơngai hơwen hơwo noh boih.”

Galati 1:24

Thoi noh na lu sư ư-ang 'Bok Kei-Dei ăn kơ inh lui kơ Sư.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.