Luka 18:4 - Sơ̆p Hlabơar Nơ̆r 'Bok Kei-Dei

⁴ Sư năm apinh 'bok sek tơlang 'nei ling-lang ră, mă-lei 'bok 'nei kuă kơ tơdŏng sư. Mă-lei khŏm khŏm 'bok 'nei tơchĕng lăm to thoi âu: ‘Inh ưh kơ chu yom kơ 'Bok Kei-Dei, kư̆m ưh kơ chu kơ đe mơ̆n.

Luka 18:4 Iomraidhean Croise

Luka 12:17

Na tơ'ngla sư tơchĕng kơdih khan: ‘Inh wă pơm thoi yơ kih, anih mong 'ba ưh kơ mah thoi âu?’

Luka 16:3

Na đam kơiĕng sư ei tơchĕng lăm to khan: ‘Yŏng inh wă pơpuh inh boih, na inh wă jang tơdrong kiơ dơ̆ng? Inh choh mir kư̆m ưh kơ kĕ ôh. Inh kư̆m mơlâu kơ chă apinh sa đơ̆ng đe mơ̆n.

Luka 18:2

“Tơ minh pôm pơlei ei đei minh 'nu 'bok sek tơlang, sư ưh kơ chu yom kơ 'Bok Kei-Dei păng ưh kơ hli kơ đe.

Luka 18:3

Tơ pơlei 'nei đei minh 'nu yă adro, sư năm tơ 'bok sek tơlang 'nei ling-lang wă kơ 'bok 'nei sek tơlang tơpăt tơdrong đe jâu sư.

Luka 20:13

Na 'bok tơ'ngla mir hơmu noh khan: ‘Inh wă pơm thoi yơ kih? Inh athei wơh kon tơdăm inh mă 'mêm kơdih, rŏ lăng lu đe noh kư̆m chu yom kơ sư mơ̆n thâu.’

Hêbrơ 12:9

Mĕ 'bă pơjing bơ̆n tơ teh âu, sư kư̆m bơtho pơjĭ bơ̆n na bơ̆n băt chu yom kơ sư. Na 'nei 'Bă Tơm tơdrong arih bơhngol bơ̆n; bơ̆n athei chu yom kơ Sư rai loi, na bơ̆n gơh arih ling-lang.

Lu 14:17

Lăm tơpơh năr et sa noh adruh 'noh nhơ̆m ling-lang 'bơ̆t sư; hlôi kơ tơpơh năr boih sư pă kĕ ĕnh sư tơlang ăn kơ akăn sư, yua kơ akăn sư nŏng lung sư. Na akăn sư roi ăn kơ lu kon pơlei pơla sư tơlang tơdrong pơpơn noh.