Luka 18:38 - Sơ̆p Hlabơar Nơ̆r 'Bok Kei-Dei

³⁸ Lăp sư kơtơ̆ng đe khan thoi noh na sư krao pơret Yêsu: “Ơ Yêsu, ơ 'Bok Krist Kon Sâu pơtao Đawit, apinh Ih mơnat kơ inh 'biơ̆ bĕ.”

Luka 18:38 Iomraidhean Croise

Horiso 62:12

Ơ Kră Yang tơdrong 'mêm mơnat lăm Ih; Yua kơ Kră Yang apah kơ rim 'nu kiơ̆ thoi đêl lu sư jang.

Êsai 11:1

Đei minh pôm tơ'biĕng gô chăt đơ̆ng tơm Jese, đei minh pôm dơng chăt đơ̆ng rơh sư gô đei plei.

Je 23:5

Kră Yang khan: “Năr gô truh tơ anăp âu, Inh gô tơiung đei minh pôm dơng tơpăt chăt đơ̆ng adrĕch Đawit, Sư pơm pơtao pơgơ̆r gơh hơgei, pơm tơdrong 'lơ̆ng tơpăt hơnơ̆ng lăm teh đak.

Mathiơ 12:23

Lu bơngai tơpôl lăng hlĭch na chă tơkhan dih băl: “Băt 'Bok âu boih kơlĕ, đe khan Sư Kon Sâu 'bok pơtao Đawit đơ̆ng 'Bok Kei-Dei ăn pơm pơtao bơ̆n?”

Mathiơ 15:22

Đei minh 'nu drŏ-kăn bơngai Kanaan đơ̆ng tơring kiơ̆ ei năm tơ Yêsu apinh thoi âu: “Ơ 'Bok, Ih kon sâu Đawit mă 'Bok Kei-Dei wơh wă pơm pơtao kon bơngai. Dang ei inh apinh Ih mơnat kơ inh năm pơklaih kon adruh inh yang kơnê̆ mơ̆t, sư pơmat măng năr.”

Mathiơ 21:15

Lu 'bok soi tih, lu thây bơtho đe Juđê 'bôh tơdrong mơsêh Sư pơm noh păng kơtơ̆ng lu đe hơ'lơ̆p wang hô pơma ư-ang kơ Sư khan: “Hôsana, bơnê kơ 'Bok Krist Kon Sâu pơtao Đawit.” Lu sư 'bôh thoi noh, lu sư blĕk dêh.

Mathiơ 21:9

Yêsu hao aseh iĕ yak rok trong ei na lu bơngai tơpôl ei mơ'nah yak hơdrol kơ Sư, mơ'nah đơ̆ng rŏng kơ Sư. Lu sư chhôk na pơma 'bơ̆r re khan: “Hôsana, bơnê kơ 'Bok Krist Kon Sâu pơtao Đawit. Bơnê kơ Sư truh tơ bơ̆n năr âu yua kơ Kră Yang wơh. Păng bơnê kơ 'Bok Kei-Dei kơpal plĕnh ti.”

Mathiơ 9:27

Yêsu lĕch đơ̆ng noh, kơplah oei rok trong đei 'bar 'nu bơngai măt tol năm kiơ̆ Sư. Na bre sư pơma 'bơ̆r re khan: “Ơ 'Bok Krist Kon Sâu pơtao Đawit, apinh Ih mơnat kơ nhi 'biơ̆ bĕ.”

Luka 18:37

Na đe khan kơ sư: “Đe kiơ̆ Yêsu Pơlei Nasaret yak trong âu.”

Luka 18:39

Lu bơngai mă yak hơdrol kơ Yêsu khă sư 'nĕ pă krao, mă-lei sư rai krao 'bơ̆r re: “Ơ Kon Sâu pơtao Đawit, apinh Ih mơnat kơ inh 'biơ̆ bĕ.”

Rom 1:3

Tơdrong 'nao 'lơ̆ng noh roi gah Kon Sư Yêsu Krist mă pơm Yŏng bơ̆n. Yêsu Krist jur jing kon bơngai Sư lĕch đơ̆ng adrĕch pơtao Đawit sơ̆.

Tơdrông Tơ'bôh 22:16

Yêsu khan dơ̆ng thoi âu: “Inh Yêsu, Inh wơh linh jang 'lơ̆ng năm tơbăt ăn kơ lu iĕm mă lui kơ 'Bok Kei-Dei tơ rim anih dôm lu tơdrong âu. Inh Kon Sâu Đawit, Inh pơchrang kơ iĕm hơdah thoi sơnglŏng wŏng-tar.”