Luka 18:32 - Sơ̆p Hlabơar Nơ̆r 'Bok Kei-Dei

³² Đe gô jao Inh kơ lu bơngai đơ̆ng dêh đe tơmoi. Lu bơngai đơ̆ng dêh đe tơmoi pơma che bơle achơ̆ achĕch kơ Inh, kơsoh pơ'brơh kơ Inh đak hai.

Luka 18:32 Iomraidhean Croise

Êsai 50:6

Inh ăn bơih kơ đe teh rŏng inh, păng ăn tơ'bŏk inh kơ đe buch sŏk kang inh. Lu bơngai pơ'brơh kơ inh gơsoh đak hai, inh ưh kơ đei ôn muh măt ôh.

Êsai 52:14

Đei lơ bơngai lăng tơ akâu jăn Sư hlĭch krưp ưh pă hơbŏ kơ kon bơngai, lăng akâu sư ưh pă nhen kơ kon drŏ-nglo kon bơngai.

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Mi 5:1

Ơ Betlehem Eprata, ih jing pơlei iĕ hloh lăm rơbâu pơlei lăm char Juđa, Mă-lei đơ̆ng ih gô tơpŭ ăn kơ inh minh 'nu Kră Yang Sư gô pơgơ̆r lu bơngai Isơrael; Sư đei đơ̆ng tơm hmơm blŭng-a sơ̆ boih, đơ̆ng adrol kơ đĭ-đăng.

Mathiơ 16:21

Đơ̆ng năr noh boih Yêsu mă đe anăn 'Bok Krist, Sư roi kơ lu bơngai pơhrăm păng Sư khan: “Inh chu năm tơ Pơlei Jêrusalem, tơ ei kơnh lu đe kră sek tơlang, lu 'bok soi tih păng lu thây bơtho tơdrong juăt đe Juđê gô pơm kơ Inh lơ tơdrong kơnê̆ păng pơlôch hloi Inh. Mă-lei kơtĕch pêng năr đơ̆ng rŏng 'Bok Kei-Dei gô tơiung arih Inh dơ̆ng.”

Mathiơ 20:19

păng jao Inh kơ lu bơngai dêh đe pơlôch. Lu dêh đe ei gô hiĕk achơ̆ kơ Inh păng teh tach pơjĭ Inh, klaih kơ noh sư pơ̆ng pơlôch hloi tơ 'long pơglang. Mă-lei kơtĕch pêng năr đơ̆ng rŏng Inh gô iung arih dơ̆ng.”

Mathiơ 22:6

Lu mơ'nah dơ̆ng rôp lu bơngai jang kơ 'bok pơtao năm krao lu sư ei, blei hiap păng pơlôch hloi.

Mathiơ 26:67

Lu đe ei chă kơsoh pơ'brơh đak hai tơ muh măt Sư, tŭr Sư, mơ'nah tap Sư,

Mathiơ 27:2

Lu sư chô̆ Yêsu năm jao ăn kơ Pilat, bơngai Rôm mă pơgơ̆r dêh Juđê.

Markôs 14:65

Đei lu mơ'nah chă kơsoh pơ'brơh kơ Sư đak hai, đơ̆p muh măt Sư păng che, tŭr akâu Yêsu păng khan: “Roi lăng kơ nhôn wăi, bu tŭr Ih?” Lu linh gak kư̆m tap tơ'bŏk Sư mơ̆n.

Markôs 15:1

Lăp 'brưch hơdah til pơgê na lu 'bok soi tih, lu đe kră, lu đe 'bok thây bơtho tơdrong juăt đe Juđê păng dôm lu 'bok sek tơlang, lu sư pơđâu dih băl. Đơ̆ng noh lu sư chô̆ Yêsu năm jao ăn kơ Pilat bơngai Rôm mă pơgơ̆r dêh Juđê.

Luka 18:33

Lu sư teh tach pơjĭ Inh păng pơlôch Inh. Mă-lei kơtĕch pêng năr Inh gô iung arih dơ̆ng.”

Luka 23:1

Đơ̆ng noh na đĭ-đăng kơ lu sư iung anhăk ba Yêsu năm tơ anăp 'bok tih pơgơ̆r dêh Juđê anăn sư Pilat. Sư bơngai Rôm.

Luka 23:11

Na Hêrôt păng lu linh sư che bơle pơ'brơh kơ Yêsu. Lu sư pơhrŭk ăn kơ Yêsu ao tai rŏ tơpă pơm thoi pơtao na tơwih Sư tơ Pilat dơ̆ng.

Luka 23:35

Lu kon pơlei pơla dơ̆ng 'bơ̆t ei wă lăng đe pơlôch Yêsu. Lu đe 'bok tih Juđê che bơle kơ Yêsu khan thoi âu: “Sư gơh pơklaih đe sơ̆, na dang ei dah Sư 'Bok Krist tơpă mă 'Bok Kei-Dei rơih wă pơm Pơtao bơ̆n lei lê̆ Sư pơklaih akâu Sư kơdih lăng.”

Yo 18:22

Lăp Yêsu pơma thoi noh, đei minh 'nu linh Juđê tap tơ'bŏk Sư păng khan: “Ih ưh kơ trŏ pơma kơ 'bok soi tơm thoi noh ôh.”

Yo 18:28

Đơ̆ng hrôih đe anhăk Yêsu đơ̆ng hnam Kaiphe tơ hnam birô anih 'bok pơgơ̆r. Lu bơngai Juđê ưh kơ pơ̆n mơ̆t lăm hnam birô noh yua kơ khŭl lu sư kơ̆m kơ mơ̆t lăm hnam tơmoi. Dah lu sư mơ̆t, lu sư ưh kơ gơh sa 'nhĕm sư pơm Giĕng Năm Brih lăm năr noh.

Yo 18:30

Lu sư khan: “Dah Sư ưh kơ đei pơm yoch, nhôn ưh kơ đei năm ba Sư tơ ih ôh.”

Yo 18:32

Tơdrong pơma 'noh 'blep trŏ thoi Yêsu khan lê̆ hơdrol, Sư wă lôch tơ 'long pơglang.

Yo 18:35

Pilat khan: “Inh ưh kơ trŏ kơ bơngai Juđê ôh. Lu bơngai dêh char Ih păng lu 'bok soi tih, rôp Ih năm ba tơ inh. 'Noh Ih pơm tơdrong yoch kiơ?”

Jang 2:23

Đe rôp Sư kiơ̆ thoi 'Bok Kei-Dei pơkă lê̆ hơdrol. Lu iĕm pơlôch Sư. Lu iĕm athei lu bơngai pơm kơnê̆ pơ̆ng pơlôch Sư tơ 'long pơglang.

Jang 3:13

'Nâu dơ̆ng, lu kơdră bơ̆n sơ̆ thoi đe Abraham, Isăk, Jakôp, sư lui kơ 'Bok Kei-Dei. Na dang ei 'Bok Kei-Dei pôk atŏk Kon Sư Yêsu pơm tih. Ki iĕm jao Yêsu tơ Pilat wă sek tơlang Yêsu bơngai 'lơ̆ng tơpăt, na Pilat wă achăng Sư ră, mă-lei lu iĕm ưh kơ wă kơ Yêsu ôh. Lu iĕm khan wă pơ̆ng pơlôch Sư tơ 'long pơglang đĕch. Iĕm apinh Pilat tơlĕch ăn kơ iĕm bơngai juăt kơ pơlôch đe,