Luka 18:20 - Sơ̆p Hlabơar Nơ̆r 'Bok Kei-Dei

²⁰ Ih băt boih tơdrong 'Bok Kei-Dei pơkă sơ̆. Sư khan: ‘'Nĕ plah klo kăn đe, 'nĕ pơlôch bơngai, 'nĕ chă tơtông mŭk tơmam đe, 'nĕ kơ pơma hơlĕnh, athei lui yom kơ mĕ 'bă.’ ”

Luka 18:20 Iomraidhean Croise

Êsai 8:20

Kiơ̆ kơ khôi juăt păng nơ̆r tơbăt âu! Tơdah kon pơlei ưh kơ pơma thoi noh lei lu sư ưh kơ đei tơdrong hơdah ôh.

Luka 18:19

Yêsu khan kơ sư: “Yua kơ kiơ ih khan Inh bơngai 'lơ̆ng tơpăt? Kon bơngai ưh kơ đei bu 'lơ̆ng tơpăt ôh. Pôm Kră Yang 'Bok Kei-Dei đĕch 'lơ̆ng tơpăt.

Luka 18:21

Na 'bok kră tơring noh khan: “Dôm tơdrong noh inh huay ră mă đơ̆ng inh oei iĕ sơ̆ khơ̆ dang ei.”

Rom 13:9

Tơdrong juăt 'Bok Kei-Dei pơkă sơ̆ thoi âu: Iĕm 'nĕ plah klo kăn đe, 'nĕ pơlôch bơngai, 'nĕ kơ tơtông, 'nĕ kơ 'nhĕng mŭk tơmam đe, mă tơdrong juăt nai kư̆m thoi tơdrong juăt Sư pơkă âu: Athei 'mêm kơ bôl buăl thoi iĕm 'mêm akâu kơdih.

Rom 3:20

Na mă bơngai Juđê mă bơngai nai, dah bơ̆n oei gơnang kơ akâu bơ̆n kơdih wă kiơ̆ dôm tơdrong juăt 'Bok Kei-Dei pơkă sơ̆, 'Bok Kei-Dei ưh kơ jô̆ bơ̆n bơngai 'lơ̆ng tơpăt ôh, yua kơ tơdrong Sư pơkă noh sư pôm tơbăt kơ bơ̆n bơngai yoch hăm 'Bok Kei-Dei đĕch.

Êphêsô 6:2

Tơdrong juăt đơ̆ng 'Bok Kei-Dei pơkă sơ̆ đe đei chih thoi âu: “Iĕm athei chu yom kơ lu mĕ 'bă iĕm.” Tơdrong juăt Sư pơkă noh kăl tơpă na 'Bok Kei-Dei pơkă khan wă tơgŭm bơ̆n dah bơ̆n chu kiơ̆ kơ tơdrong juăt Sư pơkă noh.

Kôlôsê 3:20

Ơ lu bơngai 'lơ̆p 'lŏ drŏ-nglo drŏ-kăn, iĕm athei băt chu yom kơ lu mĕ 'bă iĕm lăm tôm tơdrong yua kơ iĕm lui boih kơ Kră Yang Yêsu Krist. 'Bok Kei-Dei Sư lăp đon thoi noh.