Luka 18:16 - Sơ̆p Hlabơar Nơ̆r 'Bok Kei-Dei

¹⁶ Na Yêsu krao lu hơ'lơ̆p noh năm tơ Sư păng khan kơ lu bơngai pơhrăm păng Sư: “'Nĕ pă khă lu hơ'lơ̆p, lê̆ lu sư năm tơ Inh, yua kơ bơngai bu lui thoi lu bơngai hơ'lơ̆p âu lui, bơngai noh 'Bok Kei-Dei pơgơ̆r wei-lăng sư ling-lang.

Luka 18:16 Iomraidhean Croise

Bl 21:4

Trŏ tơhngam năr, Abraham kăt tơdra akar kơ Isăk kiơ̆ thoi tơdrong juăt mă Kră Yang 'Bok Kei-Dei đei pơkă.

II Ho 20:13

Đĭ-đăng bơngai Juđa hăm lu kon akăn lu sư dơ̆ng 'bơ̆t anăp Kră Yang.

Je 32:39

Inh gô ăn kơ lu sư jing minh đon minh jơhngơ̆m minh trong lei-lăi, wă kơ lu sư hli yom kơ Inh ling-lang, wă kơ lu sư păng kon sâu lu sư đei tơdrong pŭn hiôk.

Mathiơ 19:14

Na Yêsu khan: “Lê̆ lu hơ'lơ̆p năm tơ Inh, 'nĕ pă khă lu sư, yua kơ bơngai bu lui thoi lu hơ'lơ̆p âu lui, bơngai noh 'Bok Kei-Dei pơgơ̆r wei-lăng sư ling-lang.”

Luka 18:15

Đe anhăk ba lu hơ'lơ̆p tơ Yêsu, wă kơ Yêsu pel kơ̆l krao khan kơ 'Bok Kei-Dei apinh Sư wei-lăng lu sư. Mă-lei lăp lu bơngai pơhrăm păng Sư 'bôh, lu sư khă kuă ăn đe anhăk năm tơ Sư.

Luka 18:17

Inh khan kơ iĕm tơpă: Dah bu ưh kơ lui thoi lu hơ'lơ̆p âu lui, bơngai noh 'Bok Kei-Dei ưh kơ pơgơ̆r sư ôh.”

Jang 2:39

'Nâu nơ̆r 'Bok Kei-Dei Sư pơkă ăn kơ iĕm, kơ lu kon sâu iĕm păng lu bơngai mă oei tơ ataih đơ̆ng bơ̆n, dôm lu bơngai 'Bok Kei-Dei Kră Yang bơ̆n krao iŏk wă lui kơ Sư.”

I Kor 14:20

Ơ 'nhŏng oh, gah tơdrong iĕm 'maih pơma nơ̆r hlĭch, iĕm athei tơchĕng kiơ̆ đon kră, 'nĕ pă kiơ̆ thoi đon bơngai nge. Bơ̆n băt kơ lu bơngai nge ưh kơ gơh pơm kơnê̆ kơ đe, dah bơ̆n kiơ̆ thoi noh 'lơ̆ng mơ̆n, mă-lei bơ̆n 'nĕ kơ kiơ̆ kơ đon sư tơchĕng, yua kơ sư ưh kơ hlôh ôh.

I Kor 7:14

Mă klo sư ưh kơ lui, 'Bok Kei-Dei lăng bre klo kăn noh kư̆m 'lơ̆ng yua kơ akăn sư lui. Kư̆m lei-lăi, klo sư lui mă akăn sư ưh, 'Bok Kei-Dei lăng bre klo kăn noh kư̆m 'lơ̆ng yua kơ klo sư lui boih. Dah 'Bok Kei-Dei lăng bre sư ưh kơ 'lơ̆ng lei Sư kư̆m lăng kon bre sư kư̆m ưh kơ 'lơ̆ng mơ̆n. Mă-lei bơ̆n băt boih 'Bok Kei-Dei lăng kon bre sư 'lơ̆ng. Thoi noh bơ̆n kư̆m băt Sư lăng bre klo kăn noh 'lơ̆ng mơ̆n.

Both 29:11

Lu kon hơ'lơ̆p păng lu akăn iĕm, hăm lu bơngai tơmoi oei lăm kơđông, lu bơngai kăl 'long ŭnh truh tơ lu bơngai chhŏ đak.

Both 31:12

Iĕm athei krao akŭm bĕ đĭ lu kon pơlei, drŏ-nglo drŏ-kăn, lu hơ'lơ̆p păng lu bơngai tơmoi mă oei lăm pơlei iĕm, wă kơ lu sư dai mơ̆ng, pơhrăm băt hli yom kơ Kră Yang 'Bok Kei-Dei iĕm păng kơchăng pơm kiơ̆ dôm lu nơ̆r đơ̆ng lăm khôi juăt 'nâu.

I Pet 2:2

Bơ̆n athei pơm thoi kon nge 'nao tơpŭ, sư ling-lang 'maih kơ mŏm đak toh ngăl. Na iĕm kư̆m lei-lăi athei hưch hanh kơdih kơdih 'maih mơ̆ng tơdrong 'lơ̆ng tơpăt 'Bok Kei-Dei pơma, wă kơ iĕm rai đunh rai wơ̆ gah tơdrong Sư, na ning-mônh Sư gô iŏk iĕm.