Luka 18:14 - Sơ̆p Hlabơar Nơ̆r 'Bok Kei-Dei

¹⁴ Na Yêsu khan dơ̆ng: “Inh khan kơ iĕm tơpă, lăp bơngai mă iŏk jên thuê̆ noh brŏk tơ hnam, 'Bok Kei-Dei jô̆ sư klaih đơ̆ng tơdrong yoch boih. Bơngai Pharisi noh 'Bok Kei-Dei ưh kơ jô̆ kơ sư khan klaih đơ̆ng tơdrong yoch ôh, yua kơ bơngai bu pơang akâu kơdih, sư ei gô mơlâu; bơngai bu pơma sơdrĭ tơ ala kơ 'Bok Kei-Dei, na sư 'nei boih 'Bok Kei-Dei 'brơ̆k mơnat tơiung sư.”

Luka 18:14 Iomraidhean Croise

Jop 22:29

Yua kơ Kră Yang 'Bok Kei-Dei gô tơjur lê̆ lu bơngai pơang na dŏng pơklaih bơngai iŏk đon ala.

Jop 25:4

Liơ mă kon bơngai gơh jô̆ 'lơ̆ng tơpăt 'bơ̆t anăp Kră Yang 'Bok Kei-Dei? Bơngai đơ̆ng drŏ-kăn tơpŭ ngăl, liơ mă gơh 'lơ̆ng rơgoh?

Jop 9:20

Mă khan inh bơngai 'lơ̆ng tơpăt huay kơ yoch. Nơ̆r lĕch đơ̆ng 'bơ̆r inh gô jô̆ inh yoch; mă khan inh bơngai tơpăt Sư gô tơ'bôh ăn kơ inh đŏng đĕo.

Horiso 138:6

Mă khan, Kră Yang tih-tin. Kŭm oei lăng ba lu bơngai răm-'băm. Gah lu bơngai pơang, Sư băt lê̆ đơ̆ng adrol boih.

Horiso 143:2

Apinh 'nĕ kơ sek tơlang kơ đĭch đam Ih; Yua kơ 'bơ̆t anăp Ih, ưh kơ đei bơngai bu arih tơpăt.

Le 18:11

Dang ei inh băt boih Kră Yang tih hloh kơ đĭ-đăng yang, yua kơ Sư pơklaih lu iĕm đơ̆ng ti lu bơngai Êyiptơ mă pơm kơ lu iĕm kơnê̆ dêh.

Tơdrông Pơđơk 15:33

Tơdrong băt hli yom kơ Kră Yang chrih bơtho bơngai noh gô jing hơgei; Đei iŏk đon ala ba adrol tơdrong đe pơyom.

Tơdrông Pơđơk 18:12

Đei jơhngơ̆m pơang adrol kơ tơdrong răm truh; Tơdrong iŏk đon ala, ba tơdrong đe pơyom.

Tơdrông Pơđơk 25:7

'Lơ̆ng hloh đe khan: Apinh ih, tŏk tơ âu. Noh hloh kơ sư tơjur ih 'bơ̆t anăp lu yŏng pơgơ̆r.

Tơdrông Pơđơk 29:23

Bơngai pơang kang rai pơm kơ sư jur; Mă-lei bơngai bu đei iŏk đon ala đe gô pơyom.

Tơdrông Pơđơk 3:34

Hăm lu bơngai blei hiap Sư blei hiap lu bơngai juăt kơ blei hiap đe, Mă-lei sư ăn pŭn hiôk kơ bơngai bu băt pơyom.

Bôk Bơthô 9:7

Lei sŏng sa hiôk hal bĕ păng huch đak hơmu ih mă chơt hiôk bĕ! Yua kơ Kră Yang 'Bok Kei-Dei ăn boih kơ inh dôm tơdrong noh.

Êsai 45:25

Lăm Kră Yang đĭ-đăng kon sâu Isơrael gô đei 'lơ̆ng tơpăt păng bơnê ư-ang kơ Kră Yang.

Êsai 53:11

Đơ̆ng rŏng kơ bơhngol sư đei tơdrong pơmat-tat. Sư anih 'bôh hơdah. Đơ̆ng tơdrong sư hlôh băt sư gô hiôk. Đĭch đam Inh 'lơ̆ng tơpăt noh, Sư ăn đei lơ bơngai 'lơ̆ng tơpăt đơ̆ng sư pŭ iŏk tơdrong yoch lu sư.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Êsai 66:2

Dôm tơmam 'nâu tă kơ đơ̆ng ti Inh pơm ngăl, thoi noh đĭ-đăng tơmam gơh đei.” Kră Yang khan thoi noh. “'Nâu đei bơngai mă Inh lăng gĭt: Bơngai iơ̆m dim, đei jơhngơ̆m băt tơbral, păng hli tơtey kơtơ̆ng nơ̆r inh pơma.

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Habakuk 2:4

Lu bơngai pơang, lăm jơhngơ̆m sư ưh kơ đei tơpăt, Mă-lei lu bơngai tơpăt gô arih yua đơ̆ng jơhngơ̆m đon lui sư kơdih.

Mathiơ 23:12

Bơngai bu pơma pơang akâu sư wă kơ đe pôk sư pơm tih, bơngai noh ning-mônh sư gô mơlâu hloh kơ đe. Bơngai bu ưh kơ hơnhŏ chă pơang akâu sư kơ đe, bơngai noh 'Bok Kei-Dei mơnat, ăn kơ sư pơm tih.

Mathiơ 5:3

“Pŭn dêh lu bơngai mă băt kăl kơdih kơ 'Bok Kei-Dei tơgŭm sư lui kơjăp, 'Bok Kei-Dei gô pơgơ̆r lu sư.

Luka 1:52

Sư tơjur tŭk đĭ lu bơngai mă pơm tih sơ̆, na atŏk dơ̆ng lu bơngai mă pơm iĕ hloh kơ đe.

Luka 10:29

Mă-lei 'bok thây noh sư ưh kơ 'mêm kơ đĭ-đăng khŭl bơngai na sư apinh Yêsu dơ̆ng: “Lu đe bu bôl buăl inh?”

Luka 14:11

Yua kơ bơngai bu pơang akâu kơdih, sư gô mơlâu. Bơngai bu ưh kơ hơnhŏ, sư 'noh boih đe gô pôk pơư kơ sư.”

Luka 16:15

Na Yêsu khan kơ lu sư: “Lu iĕm lăp đon kơ đe khan kơ iĕm bơngai 'lơ̆ng ră, mă-lei 'Bok Kei-Dei băt kơ jơhngơ̆m lu iĕm kơnê̆. Tơdrong kon bơngai ala teh âu pơang khan 'lơ̆ng ră, mă-lei 'Bok Kei-Dei lăng kơnê̆ kơ Sư.

Rom 3:20

Na mă bơngai Juđê mă bơngai nai, dah bơ̆n oei gơnang kơ akâu bơ̆n kơdih wă kiơ̆ dôm tơdrong juăt 'Bok Kei-Dei pơkă sơ̆, 'Bok Kei-Dei ưh kơ jô̆ bơ̆n bơngai 'lơ̆ng tơpăt ôh, yua kơ tơdrong Sư pơkă noh sư pôm tơbăt kơ bơ̆n bơngai yoch hăm 'Bok Kei-Dei đĕch.

Rom 4:5

Bơ̆n bơngai yoch mă-lei dah bơ̆n lui păng gơnang kơ Sư tơpă, Sư kư̆m jô̆ bơ̆n bơngai 'lơ̆ng tơpăt. Mă-lei noh ưh kơ sĭ Sư apah yua kơ bơ̆n kiơ̆ dôm tơdrong juăt Sư pơkă ôh, Sư mơnat yua kơ bơ̆n lui păng gơnang kơ Sư.

Rom 5:1

Bơ̆n lui păng gơnang kơ 'Bok Kei-Dei thoi noh, na Sư jô̆ bơ̆n jing 'lơ̆ng tơpăt; yua kơ Kră Yang bơ̆n Yêsu Krist na bơ̆n gơh oei hiôk hăm 'Bok Kei-Dei.

Rom 8:33

Bơ̆n tơ'ngla 'Bok Kei-Dei rơih iŏk jô̆ bơ̆n jing bơngai 'lơ̆ng hăm Sư boih, thoi yơ đe gơh jô̆ kơ bơ̆n bơngai yoch hăm 'Bok Kei-Dei?

Galati 2:16

Mă-lei nhôn lui kơ Yêsu boih, nhôn băt kơdih 'Bok Kei-Dei jô̆ lu nhôn 'lơ̆ng tơpăt hăm Sư noh yua kơ nhôn lui păng gơnang kơ Yêsu Krist, ưh kơ sĭ yua kơ nhôn lui kiơ̆ tơdrong juăt Môis khŏm khŏm na 'Bok Kei-Dei jô̆ bơ̆n 'lơ̆ng tơpăt hăm Sư ôh. Dang ei nhôn lui boih kơ Yêsu Krist, na mă 'Bok Kei-Dei jô̆ nhôn bơngai 'lơ̆ng tơpăt hăm Sư. Ưh kơ đei bu 'Bok Kei-Dei wă jô̆ sư 'lơ̆ng tơpăt, dah sư oei gơnang kơ akâu sư kơdih wă kiơ̆ tơdrong juăt Môis.

Ya 4:10

Iĕm athei pơma sơdrĭ tơ ala kơ Sư, na Sư 'brơ̆k mơnat tơiung iĕm.

Ya 4:6

Na 'Bok Kei-Dei ăn kơ bơ̆n rai pran hloh, kư̆m thoi lăm sơ̆p hla bơar 'Bok Kei-Dei khan mơ̆n: “'Bok Kei-Dei pơgăn lu bơngai mă pơang akâu kơdih, na pơchoh ăn kơ lu bơngai mă ưh kơ băt pơang akâu, jing pran.”

I Sam 1:18

Sư drơ̆ng, apinh ih ăn kơ inh đam drŏ-kăn ih đei mơnat 'bơ̆t anăp ih. Na Hana wih brŏk păng sŏng sa, muh măt sư ưh pă sơ'ngon bơih.