Luka 18:12 - Sơ̆p Hlabơar Nơ̆r 'Bok Kei-Dei

¹² Rim giĕng inh juăt kơ ơ̆t kơ por 'bar 'măng. Dôm tơmam inh đei inh juăt kơ pơyơ̆r minh lăm mơjĭt.’

Luka 18:12 Iomraidhean Croise

II Pot 10:16

Păng sư khan: “Năm hơdai ĭnh bĕ, lăng jơhngơ̆m ĭnh tơnăp kơjăp hăm Kră Yang.” Thoi noh, Jônadap hao gre hơdai sư.

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

Malachi 3:8

Kon bơngai gơh tơtông iŏk Kră Yang 'Bok Kei-Dei hă? Na iĕm tơtông Inh. Lu iĕm khan: ‘Tơ yơ khan lu nhôn tơtông Ih?’ Lu iĕm đei tơtông boih minh lăm mơjĭt đơ̆ng lăm lu tơmam iĕm pơyơ̆r.

Jo 18:24

Yua kơ Inh đei ăn boih kơ adrĕch Lêwi tơdrong jang sa, dôm lu tơmam đơ̆ng đe ra akŭm minh lăm mơjĭt đơ̆ng adrĕch bơngai Isơrael mă pơyơ̆r ăn kơ Kră Yang. Yua kơ thoi noh, Inh đei pơma boih gah lu sư thoi âu: Lu sư ưh kơ đei teh jang sa ôh lăm adrĕch bơngai Isơrael.

Jo 23:4

Kră Yang 'Bok Kei-Dei tơ'bơ̆p Balaam păng Balaam pơma hăm Sư khan: Inh đei pơdơ̆ng tơpơh tŏ chơnang soi păng tơ rim chơnang soi noh inh pơyơ̆r dan minh pôm rơmo tơno păng minh pôm triu tơno.

Mathiơ 5:20

Lu thây bơtho tơdrong juăt đe Juđê păng lu bơngai Juđê mă lui kơ 'Bok Kei-Dei kiơ̆ kơ tơdrong Pharisi, lu sư ưh kơ kiơ̆ tơdrong juăt tơpă ôh. Na Inh khan kơ iĕm tơpă, dah iĕm ưh kơ adrin kiơ̆ tơdrong juăt hloh kơ lu đe noh, lei iĕm ưh kơ gơh mơ̆t tơ dêh char 'Bok Kei-Dei ôh.

Mathiơ 6:1

“Iĕm athei kơchăng, 'nĕ pơang tơdrong 'lơ̆ng iĕm pơm kơ đe 'bôh; dah iĕm pơang tơ'bôh kơ đe tơdrong 'lơ̆ng iĕm pơm, lei 'Bă bơ̆n tơ plĕnh ti ưh kơ bơnê kơ iĕm ôh.

Mathiơ 6:16

“Năr iĕm ơ̆t kơ por wă kơkuh kơ 'Bok Kei-Dei, iĕm 'nĕ pơm đon sơ'ngon thoi lu bơngai pơang akâu. Lu sư pơm kơ akâu akar muh măt sư sơ'ngon, wă kơ đe băt tơdrong lu sư ơ̆t kơ por. Inh khan kơ iĕm tơpă, lu bơngai thoi noh tơdrong bơnê lu sư jơ̆ lu đe mă ư-ang kơ sư noh đĕch, ưh kơ đei đơ̆ng 'Bok Kei-Dei bơnê ôh.

Mathiơ 6:5

“Iĕm 'nĕ krao khan thoi lu bơngai pơang akâu, lu sư wă kơ đe ư-ang kơ sư na lu sư pơm iung dơ̆ng krao khan kơ 'Bok Kei-Dei 'bơ̆t anăp bôl tơ lăm hnam akŭm, phŏ tơ kơphô̆, phŏ tơ kơchơ, wă kơ đe 'bôh na ư-ang kơ sư khan sư bơngai 'lơ̆ng. Inh khan kơ iĕm tơpă, lu bơngai thoi noh tơdrong bơnê lu sư jơ̆ lu đe mă ư-ang kơ sư noh đĕch, ưh kơ đei đơ̆ng 'Bok Kei-Dei bơnê ôh.

Mathiơ 9:14

Kơplah noh lu bơngai pơhrăm păng Yôhan mă pơm 'batem, lu sư năm jet Yêsu thoi âu: “Yua kơ kiơ nhôn hăm lu bơngai Pharisi ơ̆t kơ por wă kơkuh kơ 'Bok Kei-Dei, mă lu bơngai pơhrăm păng Ih ưh kơ ơ̆t?”

Luka 11:42

“Ơ lu bơngai Pharisi, ning-mônh iĕm pơmat-tat dêh. Iĕm pơm hăt hot tĕch lu tơmam hơi thoi lĕ kơ hla gơsơ̆m, hla hla-kat, dôm hla 'nhot nai, iŏk jên noh pơm pơyơ̆r kơ 'Bok Kei-Dei minh lăm mơjĭt. Mă-lei gah tơdrong kăl hloh thoi lĕ kơ pơm 'lơ̆ng kơ đe păng 'mêm bơnê kơ 'Bok Kei-Dei, tơdrong noh iĕm pơm pơhơi, ưh kơ wă. Mă tơdrong iĕm pơyơ̆r tơmam hơi noh kư̆m trŏ mơ̆n, mă-lei iĕm athei pơm 'lơ̆ng kơ đe păng 'mêm bơnê kơ 'Bok Kei-Dei, 'noh kăl hloh.

Luka 17:10

Gah tơdrong iĕm kư̆m thoi noh mơ̆n. Lăp iĕm pơm tôm tơdrong 'Bok Kei-Dei pơkă, iĕm athei khan kơ Sư thoi âu đĕch: ‘Nhôn đĭch đam Ih ưh kơ hơnhŏ kơ Ih bơnê ôh, nhôn kư̆ jang kiơ̆ kơ Ih pơkă đĕch.’ ”

Rom 3:27

Thoi noh na bơ̆n ưh kơ gơh pơang kơ đe khan bơ̆n bơngai 'lơ̆ng ôh yua kơ Sư jô̆ bơ̆n bơngai 'lơ̆ng kơlih kơ Sư mơnat đĕch. Mă-lei dah bơ̆n oei gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă, bơ̆n oei pơang akâu bơ̆n kơ đe ling-lang đĕch. Na dang ei bơ̆n lui kơ Yêsu Krist boih păng gơnang kơ Sư tơpă, thoi yơ bơ̆n gơh wă pơang kơ đe dơ̆ng?

I Kor 1:29

Thoi noh na ưh kơ đei bu gơh pơang akâu sư 'bơ̆t anăp 'Bok Kei-Dei.

Galati 1:14

Inh kiơ̆ tơdrong juăt bơngai Juđê sơ̆, iung lu jơhnơr nhôn pôm inh jang kơtang hloh kơ lu sư. Inh adrin tơpă kiơ̆ tơdrong juăt lu yă 'bok nhôn sơ̆.

Êphêsô 2:9

Yua kơ thoi noh na bơ̆n 'nĕ kơ pơang kơ đe khan bơ̆n kĕ kiơ̆ tôm tơdrong juăt na bơ̆n klaih.

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.

I Sam 15:13

Samuel năm tơ'bơ̆p Sôl; Sôl kơkuh kơ sư: Hơpơi kơ Kră Yang ăn pŭn hiôk kơ ih! Inh pơm kiơ̆ boih dôm nơ̆r đơ̆ng Kră Yang tơtă.