Luka 17:8 - Sơ̆p Hlabơar Nơ̆r 'Bok Kei-Dei

⁸ Yŏng ưh kơ lah thoi noh ôh. Mă-lei yŏng juăt khan kơ đĭch sư thoi âu: ‘E hơmet kơ inh tơmam sa 'mơ̆i, đơ̆ng noh na e pôk kơ inh. Gô inh sa đang 'mơ̆i na e gơh sa.’

Luka 17:8 Iomraidhean Croise

Bl 43:16

Kơplah Jôsep 'bôh Bênjamin kư̆m jur kiơ̆, sư đei pơkă kơ bơngai wei-lăng, hnam sư thoi âu: Athei chông ba lu đe âu mơ̆t tơ lăm hnam, rôp kon sem dơrong hơmet pơm 'nhot sa păng pôk ăn por 'nhot; yua kơ 'năr dơ̆ng âu kơnh lu sư gô sŏng sa hơdai inh.

II Sam 12:20

Kơplah noh, Đawit iung đơ̆ng teh, hum hơpĕch, pik đak pơgang 'bâu phu tơ akâu sư, hrŭk tơplih hơbĕn ao; sư mơ̆t tơ hnam Kră Yang drap kơkuh, đơ̆ng noh sư wih brŏk tơ hnam pơtao sư dơ̆ng, athei đe hơmet tơmam sŏng sa. Na lăp đe hơmet dang boih sư sŏng sa hloi.

Luka 12:37

Dôm lu đĭch đam mă oei kral gô yŏng sư, ưh kơ tep, na yŏng sư 'mêm tơpă. Inh khan kơ iĕm tơpă, yŏng sư kơdih kư̆m gô awih ăn kơ lu đĭch đam sư tơmam sa dơ̆ng mơ̆n.

Luka 17:7

“Pơtih gia iĕm đei đĭch jang choh mir dah wei triu iĕm. Lăp sư wih đơ̆ng mir na iĕm hăm lah khan kơ sư: ‘Năm jah sa mơh e wă?’

Luka 17:9

Lu đĭch sư jang kiơ̆ kơ tơdrong yŏng sư pơkă ră mă-lei yŏng sư ưh kơ lah kơ bơnê kơ sư ôh.

Yo 13:4

Na kơplah noh Yêsu iung plôh ao 'ngoaih Sư păng iŏk kơn chô̆ 'bơ̆t rơhiĕo Sư kơdih.