Luka 17:30 - Sơ̆p Hlabơar Nơ̆r 'Bok Kei-Dei

³⁰ Năr Inh Kon Bơngai jur dơ̆ng ning-mônh, kư̆m lei-lăi thoi noh mơ̆n. Kon bơngai ưh kơ ê Inh wă jur, na 'bơ̆t ei boih Inh jur hloi.

Luka 17:30 Iomraidhean Croise

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Mathiơ 24:3

Đơ̆ng rŏng kơ noh Yêsu năm ngôi tơ kông Ôliwơ, na lu bơngai pơhrăm păng Sư jet Sư kơdrô̆ khan: “Apinh Ih roi kơ nhôn layơ đe wă pơrăm hnam akŭm 'Bok Kei-Dei to păng đei tơdra liơ wă kơ nhôn kơnăl kơ Ih wă jur tơ teh âu păng kơnăl kơ năr tôch wă truh.”

Mathiơ 24:37

Na Inh Kon Bơngai gô jur ning-mônh thoi đak lip kơplah jơhnơr Nôê sơ̆.

Mathiơ 24:39

Lu sư ưh kơ kơchăng tơdrong kiơ wă truh kơ lu sư, dĭng đak lơ̆p pơlôch đĭ-đăng lu sư hloi. Na Inh Kon Bơngai gô jur ning-mônh thoi noh mơ̆n.

Mathiơ 26:64

Yêsu tơl: “Trŏ boih. Inh khan kơ iĕm tơpă, ning-mônh iĕm gô 'bôh Inh Kon Bơngai oei gah 'ma kơ Kră Yang 'Bok Kei-Dei mơsêh tih-tin na đơ̆ng noh jur đơ̆ng plĕnh hăm hơmơ̆l.”

Markôs 13:26

Kơplah noh đe gô 'bôh Inh Kon Bơngai 'lơ̆ng rŏ mơsêh mơyang tih-tin jur hăm hơmơ̆l.

Luka 17:24

yua kơ năr ei kơnh đĭ-đăng kon bơngai gô 'bôh Inh jur thoi lĕ kơmlat, chêr 'blêt 'bôh jơ̆p-jang kơ teh đak, mă đơ̆ng hơlĕch truh tơ bơmơ̆t.

Luka 17:29

Na lăp năr 'bok Lot lĕch jăk đơ̆ng Pơlei Sôđôm boih, na 'Bok Kei-Dei tơjruh hloi ŭnh đơ̆ng plĕnh soh Pơlei Sôđôm, lu sư lôch đĭ.

Luka 21:22

Năr noh kơnh trŏ kơ năr 'Bok Kei-Dei wă phak lu bơngai Juđê thoi sơ̆p hla bơar 'Bok Kei-Dei khan mă đơ̆ng sơ̆, gô trŏ kơ năr noh tơpă.

Luka 21:27

Kơplah noh đe gô 'bôh Inh Kon Bơngai 'lơ̆ng rŏ mơsêh mơyang tih-tin jur hăm hơmơ̆l.

I Kor 1:7

Yua kơ thoi noh na 'Bok Kei-Dei ăn kơ iĕm tôm tơdrong mah ngăl wă jang tơdrong Sư kơplah iĕm oei chang gô Kră Yang bơ̆n Yêsu Krist.

I Kor 1:8

Sư ăn kơ iĕm oei lui kơjăp truh năr tôch, wă kơ iĕm oei 'lơ̆ng tơpăt huay kơ đei tơdrong yoch kiơ kơplah năr Kră Yang Yêsu Krist jur.

Kôlôsê 3:4

Tơ̆ng bơ̆n băt kơ Yêsu Krist ăn kơ bơ̆n arih thoi Sư, lei ning-mônh bơ̆n gô 'bôh Sư jur tơ bơ̆n, bơ̆n gô oei hơdai hăm Sư hiôk jơnap ling-lang.

II Tes 1:7

Sư ăn đĭ-đăng kơ lu bơ̆n huay kơ đei tơdrong gleh đơ̆ng năr Kră Yang Yêsu Krist jur đơ̆ng plĕnh. Sư jur hơdai hăm lu linh pran kơtang jang tơdrong Sư.

I Pet 1:13

Thoi noh na iĕm athei pơgơ̆t 'biơ̆ jơhngơ̆m iĕm hăm kơchăng hli kơ pơm yoch; păng athei tơchĕng ling-lang gah tơdrong Yêsu Krist wă ăn kơ iĕm tơdrong hiôk jơnap lăm năr Sư jur kơnh păng iĕm athei lui kơ tơdrong Sư wă ăn noh.

I Pet 1:7

Tơdrong gleh 'Bok Kei-Dei wă pơlong lăng tơdrong lui bơ̆n, wă kơ băt bơ̆n lui tơpă dah ưh. Bĭ maih đe kư̆m 'buh pơlong sư tơ ŭnh wă kơ băt sư maih tơpă dah ưh; na tơdrong bơ̆n lui kơ Yêsu Krist kăl hloh kơ maih tơpă, yua kơ maih sư gô hiong răm. Na bơ̆n kon bơngai trŏ kơ 'Bok Kei-Dei pơlong lăng tơdrong lui bơ̆n wă kơ bơ̆n lui kơjăp, na Sư gô bơnê kơ bơ̆n, hăm ăn kơ bơ̆n hiôk kơplah năr Yêsu Krist jur ning-mônh.

I Pet 4:13

Na iĕm athei gơ̆t lê̆ tơdrong sơ'ngon, iŏk tơdrong hiôk chơt đĕch, yua kơ Yêsu Krist sơ̆ Sư kư̆m đei tơdrong gleh truh boih. Na bơ̆n dang ei kư̆m đei tơdrong truh thoi noh mơ̆n. Thoi noh na truh năr bơ̆n tơ'bơ̆p Yêsu Krist mơsêh mơyang jur ning-mônh bơ̆n gô hiôk chơt hăm Sư.

I Yo 2:28

Iĕm adrin lui kơ Sư khŏm khŏm hŏ, na Sư jur tơ ala teh âu ning-mônh iĕm huay kơ hli. Năr noh kơnh iĕm ưh kơ kăl kơ jăk ôn akâu iĕm tơ yơ yơ ôh yua kơ iĕm huay kơ mơlâu kơ Sư.

I Yo 3:2

Ơ lu bôl buăl mă juăt păng inh tơpă, dang ei bơ̆n kon 'Bok Kei-Dei, sơmă bơ̆n ưh tam băt bơ̆n gô jing thoi yơ ning-mônh. Mă-lei bơ̆n băt tơdrong âu tơpă: Lăp Yêsu Krist jur tơ ala teh âu ning-mônh, bơ̆n gô jing thoi Sư, kơlih kơ bơ̆n gô 'bôh Sư tơpă.

Tơdrông Tơ'bôh 1:7

Ning-mônh Sư wă jur tơ bơ̆n hăm hơmơ̆l. Đĭ-đăng kon bơngai gô 'bôh Sư. Lu bơngai mă pơ̆ng pơlôch Sư tơ 'long pơglang sơ̆ kư̆m 'bôh Sư mơ̆n. 'Bơ̆t noh kơnh đĭ-đăng khŭl kon bơngai jơ̆p kơ teh đak nhơ̆m hmoi 'bơ̆t anăp Sư; tơpă, trŏ kơ nhơ̆m hmoi tơpă mơ̆n. A-men.