Luka 17:3 - Sơ̆p Hlabơar Nơ̆r 'Bok Kei-Dei

³ Na iĕm athei kơchăng. Dah 'nhŏng oh iĕm pơm yoch kơ iĕm, lei iĕm athei bơtho khan kơ sư. Dah sư lung iĕm mơnat tơdrong yoch sư, lei iĕm 'nĕ pă jô̆ yo kơ sư.

Luka 17:3 Iomraidhean Croise

Horiso 141:5

Ăn kơ bơngai tơpăt teh inh, chrih kơ inh hăm tơdrong 'lơ̆ng. Noh thoi tuh đak rơmă tơ kơ̆l inh; 'Nĕ ăn kơ inh sơngah kơ tơdrong noh. Yua kơ inh ngăl krao khan blah tơdrong kơnê̆ đe pơm.

Le 34:12

Ih athei kơchăng kơdih, ih 'nĕ pơgơ̆p hơdai hăm lu bơngai lăm dêh char mă ih wă mơ̆t, tơdrong noh hli kơ lu sư jing thoi hơđong hơ'năk kơ ih.

Tơdrông Pơđơk 17:10

Nơ̆r chrih mơ̆t jrŭ lăm jơhngơ̆m bơngai hơgei. Đei hloh kơ minh-hrĕng wơ̆t teh lu bơngai kơwao.

Tơdrông Pơđơk 27:5

Kơtrơ̆m chrih hơdah tơm măt noh, 'Lơ̆ng hloh khan 'mêm mă-lei oei ngâm lăm to.

Tơdrông Pơđơk 9:8

'Nĕ chrih bơtho bơngai juăt kơ blei hiap đe, kơnh sư hil kơ ih. Chrih bĕ kơ bơngai gơh hơgei, na sư gô 'mêm kơ ih.

Lêwi 19:17

'Nĕ kơ đei jơhngơ̆m areh arĕnh kơ 'nhŏng oh bơ̆n, athei bơtho pơlung rông 'bôt ih, 'nĕ kơ ăn kơdih akâu puh yoch yua kơ lu sư pơm glăi.

Mathiơ 18:21

Pêtrôs năm jet Yêsu: “Ơ 'Bok, dah inh đei 'nhŏng oh bơngai lui, sư pơm kơnê̆ hil kơ inh, truh dôm 'măng sư hil inh huay kơ jô̆ yo? Hăm trŏ hloh kơ tơpơh 'măng na inh jô̆ yo?”

Luka 21:34

“Na kơplah iĕm oei arih dang ei, iĕm athei kơchăng kơdih 'nĕ kơ nŏng kơ et sik, hli kơ suai. Păng 'nĕ pă hăt kơ tơdrong ala teh, hli kơ năr noh truh kơplah iĕm ưh kơ kơchăng, tabơla haih pă tam thoi bơngai 'leh 'năk. Na tơdrong noh wă truh tơ jơ̆p-jang teh đak ning-mônh kư̆m thoi noh mơ̆n.

Êphêsô 5:15

Thoi noh na bơ̆n athei kơchăng oei mă hơđơ̆ng hli kơ jơhngơ̆m bơ̆n hơdai 'maih pơm yoch. Bơ̆n 'nĕ kơ pơm kư̆ kă thoi lu bơngai jih 'ma kơ bơ̆n, bơ̆n athei pơm thoi lu bơngai hơgei lu bơngai tơpăt đĕch trŏ.

Both 4:15

Lu iĕm athei kơchăng bĕ kơdih, yua kơ lu iĕm ưh kơ đei 'bôh ôh akâu Kră Yang 'Bok Kei-Dei lu iĕm, đơ̆ng lăm tŏk-bŏk ŭnh lăm năr Sư pơma khan kơ lu iĕm tơ kông Hôrêp.

Both 4:23

Athei kơchăng bĕ kơdih akâu iĕm, 'nĕ kơ hiơt tơdrong pơgơ̆p đơ̆ng Kră Yang 'Bok Kei-Dei lu iĕm mă đei pơgơ̆p hăm lu iĕm păng 'nĕ kơ pơm rup yang, rup sem brem ayơ mă Kră Yang 'Bok Kei-Dei lu iĕm khă.

Both 4:9

Athei wei răk, pơ'lơ̆ng kơdih akâu iĕm, kơnh hli kơ iĕm hiơt dôm tơdrong mă măt lu iĕm 'bôh boih păng 'nĕ ăn lu tơdrong noh lĕch đơ̆ng lăm jơhngơ̆m iĕm păng athei bơtho bĕ kơ lu kon sâu se iĕm dơ̆ng.

Hêbrơ 12:15

Đĭ-đăng kơ iĕm athei kơchăng, wă kơ lơ̆m lu iĕm huay kơ đei bu achăng lê̆ tơdrong 'Bok Kei-Dei đêl pơm kơ iĕm lui kơjăp boih; wă kơ lơ̆m lu iĕm huay kơ đei bu pơhlŭ bôl iĕm kiơ̆ sư pơm yoch.

Ya 5:19

Ơ 'nhŏng oh, dah đei bu lăm lu iĕm jrok trong hiong tơdrong sư lui kơ 'Bok Kei-Dei, na đei bơngai nai pơlung sư wih lui dơ̆ng kơ 'Bok Kei-Dei,

II Yo 1:8

Kơlih kơ thoi noh na iĕm athei kơchăng hŏ hli kơ lu sư hơlĕnh kơ iĕm, na iĕm lui kơ lu sư. Dah iĕm kơchăng tơpă lei dôm tơdrong iĕm jang iĕm huay kơ hiong ôh. Na iĕm gô đei iŏk tôm tơdrong apah ning-mônh.