Luka 17:10 - Sơ̆p Hlabơar Nơ̆r 'Bok Kei-Dei

¹⁰ Gah tơdrong iĕm kư̆m thoi noh mơ̆n. Lăp iĕm pơm tôm tơdrong 'Bok Kei-Dei pơkă, iĕm athei khan kơ Sư thoi âu đĕch: ‘Nhôn đĭch đam Ih ưh kơ hơnhŏ kơ Ih bơnê ôh, nhôn kư̆ jang kiơ̆ kơ Ih pơkă đĕch.’ ”

Luka 17:10 Iomraidhean Croise

Êsai 6:5

Inh ôr khan: “Răm-'băm dêh kơ inh! Inh đĭ răm bơih! Yua kơ inh jơ̆ minh 'nu bơngai đei 'bơ̆r kơnê̆ 'mê̆-'mach, oei hơdai hăm kon pơlei đei 'bơ̆r kơnê̆ 'mê̆ mach, yua kơ măt inh lăng 'bôh bơih pơtao, noh bơih Kră Yang Tih Hloh!”

Êsai 64:6

Lu nhôn đĭ-đăng jing nhen thoi bơngai 'mê̆-'mach bơih, dôm tơdrong tơpăt lu nhôn, nhen thoi ao mơgrĭ. Lu nhôn đĭ-đăng tă kơ nhen hla jô, păng tơdrong kơnê̆ lu nhôn nhen thoi kial pơđông đĭ lu nhôn.

Je 32:23

Lu sư iŏk boih teh đak âu jang sa mă-lei ưh kơ chu kiơ̆ nơ̆r Ih, ưh kơ arih kiơ̆ tơdrong juăt Ih păng ưh kơ pơm dôm tơdrong kiơ mă Ih đei bơtho tơtă wă kơ pơm. Yua kơ thoi noh na Ih đei ăn tơdrong gleh âu truh tơ lu sư.

Mathiơ 25:30

Na dang ei iĕm hiŏng hơtat bơngai mă ưh kơ yua âu tơ anih 'ngoaih măng mu, lê̆ sư nhơ̆m hmoi tơkăp sơnĕnh tơ noh.’

Luka 17:11

Kơplah Yêsu oei năm tơ Pơlei Jêrusalem, Sư năm sơlam dêh char Samri păng dêh char Galilê.

Luka 17:9

Lu đĭch sư jang kiơ̆ kơ tơdrong yŏng sư pơkă ră mă-lei yŏng sư ưh kơ lah kơ bơnê kơ sư ôh.

Rom 11:35

Sư ưh kơ kơ'bah, mă ưh kơ đei bu tơgŭm.

Rom 3:12

Đĭ-đăng bơngai jrok trong weh ataih đơ̆ng 'Bok Kei-Dei ngăl. Lu sư jing kơnê̆, ưh kơ đei bu tơpăt, hoh-hoy 'nhŏ kơ minh 'nu.

Phil 1:11

Sơ̆ sư đĭch ih tơpă mơ̆n, na đơ̆ng noh sư kơdâu jăk đơ̆ng ih jing ưh pă yua kơ ih. Na dang ei sư yua kơ inh păng wă yua kơ ih dơ̆ng.