Luka 16:8 - Sơ̆p Hlabơar Nơ̆r 'Bok Kei-Dei

⁸ Bơngai đam kơiĕng ei pơm ưh kơ tơpăt ră, mă-lei yŏng sư kư̆m ngơnh kơ sư chă gơh găi pơm tơdrong arih akâu, yua kơ lu bơngai ala teh âu, lu sư hơgei hloh kơ bơngai lui gah tơdrong tơgŭm dih băl chă 'me akâu jăn wă kơ arih akâu.

Luka 16:8 Iomraidhean Croise

Bl 3:1

Âu, lăm lu kon sem brem mă đêl Kră Yang 'Bok Kei-Dei pơjing, 'bih boih mă adrĕch hơlĕnh kơnê̆. 'Bih sư pơma hăm bơngai drŏ-kăn khan: “Kră Yang 'Bok Kei-Dei đei khan tơtă ưh kơ ăn kơ măr iĕm sa plei 'long lăm pơgar âu dah kiơ?”

II Sam 13:3

Na, Amnôn đei minh 'nu buăl juăt anăn sư Jônadap, kon drŏ-nglo Simêa, 'nhŏng Đawit; bơngai 'nâu chă hơlĕnh hơgei dêh.

II Pot 10:19

Dang ei na akŭm pơpôi ăn kơ ĭnh dôm lu bơngai khan lê̆ adrol yang Baal noh bĕ lu bơngai kơkuh kơ sư păng đĭ-đăng lu 'bok soi sư. Ưh kơ gơh krŭl minh 'nu bu ôh, yua kơ ĭnh wă pơyơ̆r minh pôm tơmam soi tih ăn kơ yang Baal. Dah bơngai bu ưh kơ truh sĭt bơngai noh ưh kơ arih ôh.” 'Noh Jêhu chă đon wă pơlôch pơtôch lê̆ lu bơngai bơ̆jang kơkuh kơ yang Baal.

Horiso 17:14

Ơ Kră Yang, yua ti Ih dŏng pơklaih inh đơ̆ng lu kon bơngai. Lu bơngai arih lăm teh đak đĕch. Lu bơngai mă Ih pơm ăn kơ klak lu sư 'bĕnh hăm mŭk gĭt Ih;d Lu sư hiôk yua kơ kon lu sư, kư̆m đei 'măn lê̆ tơmam rơkah kơ kon sâu se sư.

Le 1:10

Na bơ̆n athei iŏk đon hlôh wao gơh hơgei wă pơm kơ lu sư, hli kơ lu sư rai lơ, tơ anăp kơnh tơdah đei tơdrong tơblah lu sư pơgơ̆p hăm lu ayăt kơ bơ̆n blah bơ̆n păng kơdâu jăk hloi đơ̆ng dêh 'nâu.

Tơdrông Pơđơk 12:8

Bơngai bu gơh hơgei đei đon tơpăt đe bơnê. Mă-lei bơngai bu jơhngơ̆m kơnê̆ đe pơchê pơjăm.

Mathiơ 12:32

Bu pơjăm Inh Kon Bơngai, 'Bok Kei-Dei kư̆m huay kơ jô̆ yo kơ sư ôh, Sư oei tơgŭm pơklaih đĕch. Mă-lei dah bu pơjăm Yang Bơhngol 'Lơ̆ng Sư, 'Bok Kei-Dei ưh pă wă pơklaih boih bơngai noh, mă đơ̆ng dang ei truh tơ ning-mônh.

Mathiơ 17:26

Na Pêtrôs khan kơ Sư: “Lu sư iŏk thuê̆ đơ̆ng bơngai nai.” Yêsu khan kơ Pêtrôs: “'Noh bơ̆n băt kơ 'bok pơtao kuă ăn kon sư duh thuê̆, bơ̆n kư̆m ưh kơ duh ôh, yua kơ bơ̆n kon pơtao 'Bok Kei-Dei.

Luka 16:10

“Bơngai bu pơm tơpăt mă tơdrong iĕ, bơngai noh sư kư̆m gô pơm tơpăt tơdrong tih mơ̆n. Bơngai bu pơm ưh kơ tơpăt đơ̆ng tơdrong iĕ, sư kư̆m ưh kơ tơpăt kơ tơdrong tih.

Luka 16:4

Ô inh băt boih. Inh gô pơm kơ lơ bơngai lăp đon kơ inh na lăp yŏng inh pơpuh inh boih, na inh đei bôl gô sơng iŏk inh oei tơ hnam sư.’

Luka 16:7

Đơ̆ng noh sư khan kơ minh 'nu bơngai nai dơ̆ng: ‘Bĭ ih hre kơ yŏng inh dôm yơ?’ Na bơngai ei tơl: ‘Minh-hrĕng lom 'ba.’ Đam kơiĕng sư ei khan: ‘Âu hla bơar đêl ih hre kơ sư. Ih jah chih ming tơhngam-jĭt lom 'ba đĕch wăi.’

Luka 18:6

Na Kră Yang Yêsu khan dơ̆ng: “Iĕm athei tơchĕng lăng deh. 'Bok sek tơlang noh hei, sư ưh kơ 'lơ̆ng ră, mă-lei yua kơ yă adro 'nei apinh 'bơ'bel na sư kư̆m tơdŏng mơ̆n.

Luka 20:34

Yêsu khan kơ lu sư: “Lu bơngai ala teh âu tơiŏk dih băl,

Luka 20:35

mă-lei lu bơngai mă 'Bok Kei-Dei pơklaih sư, ăn sư gơh iung arih ning-mônh, lu sư ưh pă tơiŏk dih băl dơ̆ng boih.

Yo 12:36

Na Inh âu boih tơdrong hơdah pơchrang ăn kơ iĕm, na iĕm jah lui kơ Inh bĕ, na iĕm oei lăm tơdrong hơdah ling-lang.” Đang Sư bơtho thoi noh boih na Sư weh ôn tơ anih nai.

I Kor 3:18

Iĕm 'nĕ khan akâu iĕm kơdih, khan iĕm hơgei. Dah bu lăm lu iĕm tơchĕng khan sư hơgei tơdrong ala teh âu, bơngai 'noh athei hŭt lê̆ dôm tơdrong sư hơgei noh, na iŏk tơdrong hơgei 'lơ̆ng tơpăt 'Bok Kei-Dei.

Êphêsô 5:8

Yua kơ dang ei iĕm ưh pă oei lăm măng mu thoi lu bơngai noh boih, iĕm oei lăm hơdah Kră Yang Yêsu Krist pơchrang ăn. Thoi noh na iĕm athei oei kiơ̆ kơ tơdrong hơdah Sư noh.

Philip 3:19

Lu sư pơm thoi noh, ning-mônh 'Bok Kei-Dei phak pơmat lu sư dêh. Lu sư 'mêm kơ klak lu sư, rŏ kơ klak yŏng na pơm thoi noh. Lu sư chă pơang kơ đe kiơ̆ tơdrong mă đe mơlâu. Đon lu sư tơchĕng ling-lang gah tơdrong ala teh.

I Tes 5:5

Bơ̆n oei lăm hơdah măt 'năr.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

I Yo 3:10

Bơ̆n gơh kơnăl tơduă bơngai bơ̆n, bơngai bu kon 'Bok Kei-Dei, bơngai bu kon yang Satan sư phara thoi âu: Bơngai bu ưh kơ pơm 'lơ̆ng tơpăt păng ưh kơ 'mêm kơ 'nhŏng oh sư, bơngai 'noh ưh kơ sĭ kon 'Bok Kei-Dei ôh.