Luka 16:3 - Sơ̆p Hlabơar Nơ̆r 'Bok Kei-Dei

³ Na đam kơiĕng sư ei tơchĕng lăm to khan: ‘Yŏng inh wă pơpuh inh boih, na inh wă jang tơdrong kiơ dơ̆ng? Inh choh mir kư̆m ưh kơ kĕ ôh. Inh kư̆m mơlâu kơ chă apinh sa đơ̆ng đe mơ̆n.

Luka 16:3 Iomraidhean Croise

Esther 6:6

Đơ̆ng noh Haman mơ̆t, na pơtao khan kơ sư. Athei pơm liơ kơ bơngai bu pơtao lăp đon. Haman tơchĕng kơdih lăm to. Bơngai bu dơ̆ng pơtao lăp đon pơyom hloh kơ inh?

Tơdrông Pơđơk 13:4

Bơhngol bơngai alah hơpơi wă tă kơ hoh-hoy; Bơhngol bơngai pơnam tơmam mah rơkah rơkai.

Tơdrông Pơđơk 15:19

Trong lu bơngai hơlah lăng thoi dur jơla găn. Trong lu bơngai tơpăt măt lăng tơhnă 'lơ̆ng.

Tơdrông Pơđơk 18:9

Lu bơngai hơlah noh; Thoi 'nhŏng oh lu bơngai pơrăm.

Tơdrông Pơđơk 19:15

Tơdrong alah mah pơm kơ đe tep pok. Bơngai ayơ ngôi đĕch gô pơngot.

Tơdrông Pơđơk 20:4

Lăm bơyan puih phang, lu bơngai hơlah ưh kơ jang mir 'ba; Na truh bơyan kĕch 'ba lu sư chă sa mă-lei ưh kơ đei 'bôh.

Tơdrông Pơđơk 29:21

Bơngai bu 'me rong đĭch đam đơ̆ng oei 'lơ̆p tơ̆p sư 'lŏ ning-mônh gô đei ơh sơ'ngon

Êsai 10:3

Lăm năr sek tơlang, Kơplah đei tơdrong kơnê̆ truh đơ̆ng ataih lu iĕm gô pơm kiơ? Lu iĕm kơdâu tơ bu mă lu iĕm wă gơnang dŏng tơgŭm? Lu iĕm wă 'măn mŭk tơmam iĕm tơ yơ?

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

Hôsia 9:5

Lu iĕm wă pơm liơ kơ lăm năr et sa tih noh lăm năr giĕng kơ Kră Yang?

Mathiơ 20:8

“Lăp truh 'năr mơ̆t boih, 'bok tơ'ngla mir ei khan kơ bơngai kai wei-lăng đe jang khan: ‘Krao lu sư bĕ, jah apah jên. Ih apah lu bơngai jang đơ̆ng rŏng hơdrol, lu bơngai jang hơdrol đơ̆ng rŏng.’

Markôs 10:46

Lu sư truh tơ Pơlei Jêrikô. Yêsu păng lu bơngai pơhrăm păng Sư yak đơ̆ng pơlei 'noh hơdai hăm đe tơpôl lơ. Tơ anăp lu sư đei minh 'nu bơngai măt tol. Sư arih kơ chă apinh sa tơmam đe. Anăn sư 'Bartimê, kon Timê. Sư oei ngôi 'bơ̆t cheng trong.

Luka 12:17

Na tơ'ngla sư tơchĕng kơdih khan: ‘Inh wă pơm thoi yơ kih, anih mong 'ba ưh kơ mah thoi âu?’

Luka 16:2

Na bơngai mơdrŏng ei krao sư na khan: ‘Đe khan kơ ih đei tơdrong, na mă inh krao ih tơ âu. Inh wă kơ ih jô̆ đĭ dôm tơmam inh, inh ưh pă ăn kơ ih jang pơm đam kơiĕng inh boih.’

Luka 16:20

Na đei minh 'nu bơngai dơnuh hin, anăn sư Lasarơ. Sư jĭ tơ'boch roch jơ̆p kơ akâu sư. Đe juăt kơ tung ba tơ'bĭch sư tơ 'măng hnam 'bok mơdrŏng ei.

Luka 16:22

Đơ̆ng rŏng kơ noh bơngai dơnuh ei lôch, na linh jang 'lơ̆ng 'Bok Kei-Dei atŏk sư tơ kơpal plĕnh ti. Sư oei jê̆ Abraham 'bơ̆t lu sư oei sŏng sa tơ plĕnh ti. Bơngai mơdrŏng ei kư̆m lôch mơ̆n na đe 'bŭ sư.

Luka 16:4

Ô inh băt boih. Inh gô pơm kơ lơ bơngai lăp đon kơ inh na lăp yŏng inh pơpuh inh boih, na inh đei bôl gô sơng iŏk inh oei tơ hnam sư.’

Luka 18:4

Sư năm apinh 'bok sek tơlang 'nei ling-lang ră, mă-lei 'bok 'nei kuă kơ tơdŏng sư. Mă-lei khŏm khŏm 'bok 'nei tơchĕng lăm to thoi âu: ‘Inh ưh kơ chu yom kơ 'Bok Kei-Dei, kư̆m ưh kơ chu kơ đe mơ̆n.

Yo 9:8

Lu buăl sư păng lu bơngai juăt 'bôh sư pơm ăn-mai krô hmă jet thoi âu: “Bơngai âu sơ̆ sư pơm ăn-mai iih?”

Jang 3:2

Đei minh 'nu bơngai hơwen hơwo đơ̆ng nge, đơ̆ng mĕ sư tơpŭ. Rim năr đei bơngai năm tung ba sư tơ hnam akŭm 'Bok Kei-Dei tơm tơoei sư 'bơ̆t 'măng tơm. 'Măng tơm ei đe anăn 'Măng Tơm 'Lơ̆ng Rŏ. Na bơngai hơwen hơwo ei apinh jên lu bơngai năm akŭm.

Jang 9:6

Na dang ei ih iung bĕ năm mơ̆t tơ Pơlei Đamas. Tơ noh đe gô khan kơ ih Inh wă ăn kơ ih jang tơdrong kiơ kơnh.”

II Tes 3:11

Na dang ei nhôn oei bơtho iĕm thoi noh kơlih kơ nhôn kơtơ̆ng đe khan đei bơngai lui lăm lu iĕm alah tơpă. Lu sư ưh kơ wă jang tơdrong kiơ 'biơ̆ hloi. Lu sư ling-lang nŏng kơ wih wơ̆t chă ngôi hnam âu, hnam to.