Luka 16:24 - Sơ̆p Hlabơar Nơ̆r 'Bok Kei-Dei

²⁴ Na 'bok mơdrŏng ei krao pơret Abraham thoi âu: ‘Ơ Abraham, apinh ih mơnat kơ inh 'biơ̆, ih wơh Lasarơ năm djrŭ ti sư tơ đak năm kơtoh kơ 'bơ̆r inh 'biơ̆ bĕ wă klaih rơhing 'biơ̆, yua kơ inh oei lăm dơnâu ŭnh tŏ hang dêh.’

Luka 16:24 Iomraidhean Croise

Jop 20:21

Ưh pă đei tơmam kiơ mă oei đei đơ̆ng rŏng kơ sư iŏk đĭ, lei na tơdrong mơdrŏng chơt hiôk sư ưh kơjăp đunh.

Êsai 27:11

Mưh lu dơng sư kro păng tơgơ̆ hơlŭng, lu drŏ-kăn dônh chĕp ba pơm hơpaih. Kon pơlei âu ưh kơ hlôh ôh, na Tơ'ngla mă pơjing lu sư ưh kơ 'blŏk mơnat, Tơ'ngla man pơjing lu sư ưh kơ tơ'bôh ăn tơdrong hiôk kơ lu sư.

Êsai 66:24

Wă lu sư lĕch năm 'bôh akâu lu bơngai mă ayăt hăm Inh lôch; yua kơ hrai sa lu sư ưh kơ đei layơ lôch, ŭnh sa lu sư kư̆m ưh kơ đei layơ păt, lu sư gô jing tơdrong krưp kơnê̆ pơm ăn kơ rim kon bơngai.”

Sa 14:12

Đơ̆ng noh, 'nâu mă Kră Yang wă phak lu bơngai mă tơblah hăm Jêrusalem: Sư pơm ăn kơ jơ̆ng rim 'nu lu sư bluch kơplah lu sư oei dang dơ̆ng, klong măt lu sư gô ôm lăm măt, đơ̆ng noh hơpiĕt lu sư gô ôm lăm 'bơ̆r lu sư.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 3:9

Iĕm 'nĕ kơ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham 'bok bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei gơh pơm kơ tơmo âu jing kon sâu Abraham lei-lăi thoi iĕm mơ̆n. 'Bok Kei-Dei sek tơlang kon bơngai, Sư pơlong lăng thoi âu:

Mathiơ 5:22

Na Inh bơtho iĕm dang ei thoi âu: Bơngai bu hil areh kơ 'nhŏng oh sư, bơngai 'noh trŏ kơ đe kư̆m rôp sek tơlang sư mơ̆n; bơngai bu pơjăm pơjuă 'nhŏng oh sư, bơngai 'noh trŏ kơ đe rôp sư tŏk sek tơlang tơ lu 'bok tih; bơngai bu pơjăm pơjuă 'nhŏng oh sư kơtul kơhlôh kơwao, lu bơngai thoi noh trŏ kơ 'Bok Kei-Dei wă phak sư lăm dơnâu ŭnh ning-mônh.

Luka 16:30

'Bok mơdrŏng ei khan: ‘Ơ Abraham ah, inh băt tơpă lu sư ưh kơ 'maih mơ̆ng ôh kơ đe bơtho. Mă-lei dah đei bơngai iung arih đơ̆ng lôch, lei lu sư gô tơbral kơdih tơdrong yoch tơpă.’

Luka 19:9

Yêsu khan kơ sư: “Năr âu 'Bok Kei-Dei pơklaih hnam dơnŏ iĕm boih na ih, mă đe jô̆ thoi noh, ih kư̆m kon sâu Abraham thoi đe noh mơ̆n.

Luka 3:8

Iĕm athei tŭk lê̆ đĭ dôm tơdrong kơnê̆ na pơm mă 'lơ̆ng tơpăt wă kơ đe băt kơ iĕm tơbral kơdih tơdrong yoch tơpă boih. Iĕm 'nĕ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei Sư gơh pơm kơ tơmo âu jing kon sâu Abraham lei-lăi thoi iĕm mơ̆n.

Yo 4:10

Yêsu khan kơ sư: “Dah ih băt kơ tơdrong 'Bok Kei-Dei wă ăn kơ ih păng dah ih băt kơ Inh bơngai thoi yơ mă apinh đak ih nhă na dah ih apinh Inh, Inh ăn hloi kơ ih đak mă ih gơh arih ling-lang.”

Yo 4:14

Bơngai bu nhă đak đơ̆ng Inh ăn, kơnh sư huay pă rơhing boih. Đak mă Inh ăn kơ sư thoi lĕ đak mơlĕch, sư ro jur suŏn lăm to bơngai mă nhă 'noh, pơm kơ bơngai noh gơh arih ling-lang.”

Yo 7:37

Tơpă wă tôch Năr Giĕng Bơsŭn ei, năr noh năr đe akŭm giĕng tih tơpă, na Yêsu iung dang dơ̆ng bơtho 'bơ̆r re khan: “Bơngai bu rơhing 'maih nhă đak, năm tơ Inh bĕ.

Rom 4:12

Khŭl mă 'bar wă khan lu bơngai mă kăt tơdra akar, 'Bok Kei-Dei jô̆ lu sư bơngai 'lơ̆ng tơpăt mơ̆n, yua kơ lu sư lui kơjăp thoi 'bok Abraham bơ̆n lui adrol kơ sư kăt tơdra akar sơ̆.

II Tes 1:8

Lu sư yak lăm anê̆ ŭnh. Sư wă phak lê̆ lu bơngai mă ưh kơ băt kơ 'Bok Kei-Dei păng ưh kơ wă lui yom kơ tơdrong 'nao 'lơ̆ng Kră Yang bơ̆n Yêsu Krist.

Ya 2:13

Truh năr 'Bok Kei-Dei sek tơlang ning-mônh, Sư sek tơlang tơpăt, Sư ưh kơ mơnat ôh kơ lu bơngai mă ưh kơ băt mơnat kơ đe. Bơngai bu mơnat kơ đe, 'Bok Kei-Dei kư̆m mơnat kơ sư mơ̆n, kơplah năr Sư sek tơlang ning-mônh.

Ya 3:6

'Bơ̆r kon bơngai bơ̆n kư̆m thoi ŭnh, pơma kơ đe mrĕp, gơh pơma tôm tơdrong kơnê̆; pơm kơ akâu bơ̆n kơdih kư̆m jing răm kơnê̆ 'mê̆-'mach; pơrăm akâu akar, pơrăm tơdrong arih jing hiong hiach. Ŭnh 'noh apoh iŏk đơ̆ng ŭnh khŭl sơmăt.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.

Tơdrông Tơ'bôh 20:15

Bơngai bu ưh kơ đei anăn đe chih tơ lăm sơ̆p hla bơar tơdrong arih, bơngai noh kư̆m trŏ kơ đe tơlơ̆ sư tơ lăm dơnâu ŭnh mơ̆n.

Tơdrông Tơ'bôh 22:1

Đơ̆ng noh linh jang 'lơ̆ng ei tơ'bôh dơ̆ng kơ inh đak krong mă ăn kơ kon bơngai arih. Đak krong ei hlăng chơchơr thoi getchai. Sư ro đơ̆ng tang-dŏ 'Bok Kei-Dei hăm Kon Triu.

I Sam 28:16

Samuel tơl: Yua kơ kiơ ih krao inh, yua kơ Kră Yang achăng lê̆ ih boih na jing ayăt kơ ih?