Luka 16:23 - Sơ̆p Hlabơar Nơ̆r 'Bok Kei-Dei

²³ Sư oei lăm dơnâu ŭnh tŏ hang tơpă. Na sư ngoi 'bôh Abraham tơ plĕnh ti păng kư̆m 'bôh Lasarơ oei jê̆ Abraham mơ̆n.

Luka 16:23 Iomraidhean Croise

Horiso 16:10

Yua kơ Ih ưh kơ achăng lê̆ bơhngol inh tơ lăm bơsat. Kŭm huay kơ ăn lu bơngai 'lơ̆ng rơgoh Ih 'bôh tơdrong ôm răm,

Horiso 49:15

Mă-lei Kră Yang 'Bok Kei-Dei gô huai iŏk bơhngol inh đơ̆ng dêh atâu.j Yua kơ sư gô sơng iŏk inh. Sêla

Horiso 86:13

Yua kơ tơdrong Ih 'mêm kơ inh tih tơpă. Ih dŏng pơklaih inh đơ̆ng jrŭ lăm dêh atâu.

Horiso 9:17

Lu bơngai pơm kơnê̆ gô huŏng tơ pơlei lu lôch, Păng đĭ lu bơngai mă hiơt kơ Kră Yang 'Bok Kei-Dei.

Tơdrông Pơđơk 15:24

Trong tơdrong arih lu bơngai hơgei đei rai tŏk; Wă kơ sư gơh klaih đơ̆ng dêh atâu ala sŭng.

Tơdrông Pơđơk 5:5

Jơ̆ng sư jur truh tơ tơdrong lôch Yak nơnăm sư kiơ̆ trong pơlei lôch.

Tơdrông Pơđơk 7:27

Hnam sư thoi trong năm tơ dêh atâu; 'nâu trong jur năm lăm dơnâu ŭnh.

Tơdrông Pơđơk 9:18

Mă-lei lu sư ưh kơ băt ôh noh anih lôch nhơ̆m hmoi, Păng lu bơngai drŏ-kăn wơ̆n noh tă kơ oei lăm sơlŭng jrŭ dêh atâu.

Êsai 14:15

Mă-lei đe gô tơjur ih tơ Dêh atâu sŭng, huŏng tơ anih tôch kơ jrŭ.

Êsai 14:9

Tơ dêh atâu sŭng tơdrŏ wă tơ'bơ̆p ih kơplah ih truh tơ noh, lu bơhngol bơngai lôch băl noh jơ̆ lu yŏng pơgơ̆r jơ̆p-jang kơ teh đak lu sư hơđơ̆r wă tơ'bơ̆p ih, lu pơtao rim kơ teh đak iung đơ̆ng tang-dŏ pơtao sư.

Mathiơ 11:23

Bĭ iĕm, ơ Pơlei Kapernum, iĕm tơchĕng iĕm tih dang yơ, iĕm tih atŏ truh tơ plĕnh ti hă? Mă-lei 'Bok Kei-Dei wă tơhuŏng iĕm truh tơ dơnâu ŭnh sŭng. Dah Inh pơm lơ tơdrong mơsêh mơyang tơ Pơlei Sôđôm sơ̆ dang Inh pơm tơ pơlei iĕm dang ei, lei Pơlei Sôđôm tơbral kơdih tơdrong yoch 'bônh đĕch. Lei 'Bok Kei-Dei huay kơ soh pơlei sư ôh sơ̆, pơlei sư oei truh dang ei đĕch.

Mathiơ 18:9

Dah minh pah măt iĕm pơm kơ iĕm yoch, kuek tŭk minh pah măt iĕm noh, na oei pă minh pah măt mă-lei gơh mơ̆t oei hăm 'Bok Kei-Dei ling-lang. 'Noh 'lơ̆ng hloh kơ iĕm oei tôm 'bar pah măt mă-lei huŏng tơ dơnâu ŭnh 'Bok Kei-Dei phak.

Mathiơ 23:33

Iĕm pơm thoi lĕ kơ klăn tih 'bih tur makkang, ning-mônh 'Bok Kei-Dei phak iĕm lăm dơnâu ŭnh tơpă.

Mathiơ 5:22

Na Inh bơtho iĕm dang ei thoi âu: Bơngai bu hil areh kơ 'nhŏng oh sư, bơngai 'noh trŏ kơ đe kư̆m rôp sek tơlang sư mơ̆n; bơngai bu pơjăm pơjuă 'nhŏng oh sư, bơngai 'noh trŏ kơ đe rôp sư tŏk sek tơlang tơ lu 'bok tih; bơngai bu pơjăm pơjuă 'nhŏng oh sư kơtul kơhlôh kơwao, lu bơngai thoi noh trŏ kơ 'Bok Kei-Dei wă phak sư lăm dơnâu ŭnh ning-mônh.

Mathiơ 5:29

Dah minh pah măt iĕm gah 'ma pơm kơ iĕm yoch, kuek tŭk minh pah măt iĕm noh, na oei pă minh pah măt, 'noh 'lơ̆ng hloh kơ iĕm oei tôm 'bar pah măt, mă-lei wă huŏng pơđĭ hăm akâu tơ lăm dơnâu ŭnh 'Bok Kei-Dei phak.

Mathiơ 8:29

Lăp truh tơ Yêsu bre sư pơma 'bơ̆r re khan: “Ơ Kon 'Bok Kei-Dei, Ih truh tơ âu wă pơrăm nhôn hă? Ưh tam mă trŏ kơ năr Ih wă pơrăm nhôn ôh lah.”

Luka 16:24

Na 'bok mơdrŏng ei krao pơret Abraham thoi âu: ‘Ơ Abraham, apinh ih mơnat kơ inh 'biơ̆, ih wơh Lasarơ năm djrŭ ti sư tơ đak năm kơtoh kơ 'bơ̆r inh 'biơ̆ bĕ wă klaih rơhing 'biơ̆, yua kơ inh oei lăm dơnâu ŭnh tŏ hang dêh.’

Luka 16:28

wă kơ lu sư tơbral kơdih tơdrong yoch na huay kơ phak lăm dơnâu ŭnh thoi inh âu.’

Luka 8:28

Lăp sư 'bôh Yêsu, sư ôr na năm 'nap 'bơ̆t anăp Yêsu na Yêsu athei yang kơnê̆ lĕch đơ̆ng akâu sư. Yang kơnê̆ ei pơma pơret khan: “Ơ Yêsu, Kon 'Bok Kei-Dei Kră Yang Tih Hloh, lơliơ Ih wă phak inh dang ei, apinh Ih 'nĕ phak inh hŏ.” Đơ̆ng sơ̆ yang kơnê̆ juăt kơ pơm kơ sư wik. Đe chô̆ ră jơ̆ng ti sư păng glang mam, gak sư ră mă-lei sư hrĕch kơtĕch kơtoch đĭ, na yang kơnê̆ pơpuh sư năm tơ char glă chơngue.

I Kor 15:55

“Ơ tơdrong lôch, tơ yơ jei e? Ơ tơdrong lôch, tơ yơ e gơh pơrăm nhôn dơ̆ng?”

II Pet 2:4

Sơ̆ lu linh jang 'Bok Kei-Dei pơm yoch, 'Bok Kei-Dei kư̆m ưh kơ 'mêm ôh, Sư iŏk tơhuŏng hloi tơ anih măng mu, phak sư tơ noh truh tơ năr Sư wă sek tơlang ning-mônh.

Tơdrông Tơ'bôh 20:10

Yang kơnê̆ Satan mă pơgơ̆r lu sư tơblah ei đe kư̆m tơlơ̆ sư tơ lăm dơnâu ŭnh. Sem brem mă kơnê̆ păng sem brem mă gơh pơm tơdrong hlĭch chrơp kư̆m tơ noh mơ̆n. Đĭ lu sư oei tơ dơnâu ŭnh hăl hang pơmat-tat măng năr ưh kơ layơ tôch.