Luka 16:16 - Sơ̆p Hlabơar Nơ̆r 'Bok Kei-Dei

¹⁶ “'Bok Kei-Dei pơkă ăn kơ bơ̆n tơdrong juăt Sư sơ̆ păng wơh lu bơngai pơtruh nơ̆r Sư lăp truh tơ Yôhan đĕch. Na đơ̆ng Yôhan pơtơm bơtho sơ̆ truh dang ei nhôn bơtho tơdrong 'nao 'lơ̆ng 'Bok Kei-Dei wă pơklaih kon bơngai đơ̆ng tơdrong yoch na pơgơ̆r lu sư, na đĭ-đăng bơngai wă tơpă kơ 'Bok Kei-Dei pơgơ̆r lu sư thoi noh.

Luka 16:16 Iomraidhean Croise

Mathiơ 10:7

Iĕm năm bơtho lu sư khan: ‘Năr âu trŏ năr 'Bok Kei-Dei wă pơgơ̆r iĕm boih.’

Mathiơ 15:11

Dôm lu tơmam sa kon bơngai sa ưh kơ đei pơm kơ kon bơngai jing yoch ôh, tơdrong pơm yoch noh lĕch đơ̆ng 'bơ̆r kon bơngai na kon bơngai jing yoch.”

Mathiơ 21:32

Yôhan, sư bơngai bơtho tơdrong 'lơ̆ng tơpăt, sư bơtho truh tơ iĕm tơ âu boih wă kơ iĕm pơm đon 'lơ̆ng tơpăt păng 'Bok Kei-Dei ră, mă-lei iĕm ưh kơ wă chu lui kơ nơ̆r sư bơtho. Lu bơngai iŏk jên thuê̆ păng lu drŏ-kăn pơm đi wih lui hơdrol kơ iĕm dơ̆ng. Iĕm 'bôh lu sư đĭ lui boih lĕ mă-lei iĕm ưh tam chu tơbral 'mơ̆i.”

Mathiơ 3:2

Sư bơtho đe thoi âu: “Iĕm athei tơbral kơdih tơdrong yoch, yua kơ 'Bok Kei-Dei wă pơgơ̆r iĕm boih.”

Mathiơ 4:17

Đơ̆ng năr noh boih Yêsu pơtơm jang tơdrong Sư, Sư bơtho đe thoi âu: “Iĕm athei tơbral kơdih tôm tơdrong yoch, yua kơ 'Bok Kei-Dei wă pơgơ̆r iĕm boih.”

Mathiơ 4:23

Yêsu năm jơ̆p-jang kơ dêh Galilê bơtho đe tơ lăm hnam akŭm đe Juđê gah tơdrong 'nao 'lơ̆ng 'Bok Kei-Dei wă pơgơ̆r bơ̆n păng Sư pơklaih rah dôm tơdrong jĭ jăn kon pơlei pơla pơmat-tat.

Markôs 1:14

Lăp đơ̆ng rŏng kơ đe phak Yôhan, Yêsu năm tơ dêh Galilê chă bơtho đe tơdrong 'nao 'lơ̆ng 'Bok Kei-Dei.

Markôs 1:45

Mă-lei bơngai 'noh lĕch, sư chă roi kơ đe. Mă sư năm tơ yơ yơ kư̆m roi kơ đe tơdrong 'noh mơ̆n. Na Yêsu jing ưh kơ gơh mơ̆t mă pơlei tơ yơ yơ yua kơ kon pơlei pơla chă Sư lơ tơpă. Na Sư oei hơdai hăm lu bơngai pơhrăm păng Sư tơ anih kueng kơdrô̆. Mă-lei jơ̆p tơring tơrang oei năm chă Sư 'mơ̆i.

Luka 10:11

‘'Bruih pơlei iĕm mă đom tơ jơ̆ng nhôn, nhôn sơpuih đĭ boih. 'Noh wă tơbăt kơ iĕm 'Bok Kei-Dei wă phak iĕm. Nhôn wă tơbăt kơ iĕm tơdrong 'Bok Kei-Dei wă pơgơ̆r iĕm ră mă-lei iĕm pơm ưh kơ chu.’

Luka 10:9

Na iĕm pơklaih lu bơngai jĭ jăn tơ noh păng tơbăt kơ lu sư khan: ‘'Bok Kei-Dei wă pơgơ̆r lu iĕm boih.’

Luka 16:29

Na Abraham khan kơ bơngai mơdrŏng 'nei: ‘Tơ ala teh đe oei bơtho kiơ̆ kơ tơdrong 'Bok Kei-Dei pơkă păng tơdrong lu bơngai pơtruh nơ̆r 'Bok Kei-Dei mơ̆n. Lu 'nhŏng oh ih oei gơh mơ̆ng đe bơtho tơdrong noh mơ̆n.’

Luka 16:31

Na Abraham khan: ‘Dah lu sư ưh kơ wă mơ̆ng lu đe bơtho tơdrong 'Bok Kei-Dei pơkă păng tơdrong lu bơngai pơtruh nơ̆r 'Bok Kei-Dei, mă sư 'bôh bơngai iung arih đơ̆ng lôch, sư kư̆m ưh kơ lui 'mơ̆i.’ ”

Luka 9:2

Đơ̆ng noh na Yêsu wơh lu sư năm chă bơtho đe tơdrong 'Bok Kei-Dei wă pơgơ̆r kon bơngai păng pơklaih lu đe jĭ jăn.

Yo 1:45

Philip năm roi kơ Nathanel khan: “Nhôn 'bôh boih Yêsu kon 'bok Yôsep Pơlei Nasaret, bơngai ei mă Môis chih roi lăm sơ̆p hla bơar tơdrong juăt bơ̆n păng lu 'bok pơtruh nơ̆r 'Bok Kei-Dei kư̆m chih roi lê̆ hơdrol kơ bơ̆n đơ̆ng sơ̆.”

Yo 11:48

Dah bơ̆n ưh kơ khă Sư lei đĭ-đăng kon pơlei pơla gô lui kơ Sư na pôk Sư pơm tih. Kơlih kơ thoi noh na lu bơngai Rôm gô hil na tŏk tơgar iŏk hnam akŭm tơm bơ̆n păng teh đak bơ̆n đĭ hloi.”

Yo 12:19

Thoi noh boih, na lu bơngai Pharisi ơh klai. Lu sư pơma khan dih băl: “Iĕm lăng, ưh pă jei bơ̆n tơpă boih; dang ei đĭ-đăng kon bơngai kiơ̆ Sư ngăl.”

Yo 5:4

yua kơ phŏ phŏ đei linh jang 'lơ̆ng 'Bok Kei-Dei jur tơ đak dơnâu ei, wă pơm kơ đak dơnâu ei tơglăk. Na bơngai bu mă hơbĕch dah kơtah lăm dơnâu ei hơdrol kơ đe, sư noh klaih hloi kơ jĭ sư.

Jang 3:18

Mă-lei tơdrong noh trŏ kơ 'Bok Kei-Dei pơkă sơ̆. 'Bok Kei-Dei yua đĭ-đăng lu bơngai khan lê̆ hơdrol sơ̆ pơkă 'Bok Krist gô lôch pơmat.