Luka 16:15 - Sơ̆p Hlabơar Nơ̆r 'Bok Kei-Dei

¹⁵ Na Yêsu khan kơ lu sư: “Lu iĕm lăp đon kơ đe khan kơ iĕm bơngai 'lơ̆ng ră, mă-lei 'Bok Kei-Dei băt kơ jơhngơ̆m lu iĕm kơnê̆. Tơdrong kon bơngai ala teh âu pơang khan 'lơ̆ng ră, mă-lei 'Bok Kei-Dei lăng kơnê̆ kơ Sư.

Luka 16:15 Iomraidhean Croise

I Ho 29:17

Ơ Kră Yang 'Bok Kei-Dei inh, inh băt kơ Ih 'bôh nhen lăm jơhngơ̆m klơm klak kon bơngai păng Ih hiôk gah tơdrong 'lơ̆ng tơpăt. Gah inh kư̆m kiơ̆ tơdrong 'lơ̆ng tơpăt lăm jơhngơ̆m hiôk pơyơ̆r ăn kơ ih lu tơmam 'nâu. Dang ei inh hiôk dêh inh 'bôh kon pơlei Ih oei tơ âu kư̆m đei pơyơ̆r ăn kơ Ih hăm jơhngơ̆m hiôk.

II Ho 6:30

apinh Kră Yang đơ̆ng kơpal plĕnh anih Ih oei, mơ̆ng, mơnat ăn păng pơdrâu tơwih kơ lu sư rim 'nu kiơ̆ thoi lu sư đei tơbral Ih băt nhen kơ jơhngơ̆m klơm klak lu sư; tơpă lăp minh 'nu Ih đĕch băt hơđăl kơ jơhngơ̆m klơm klak kon bơngai

Horiso 10:3

Yua kơ lu bơngai kơnê̆ pơư kơdih kơ tơdrong lu sư 'maih wă; Lu bơngai ham kơ tơmam, achăng lê̆ păng pơjăm Kră Yang.

Horiso 49:13

Âu boih trong mă lu sư kiơ̆, noh jơ̆ tơdrong kơtul kơ hlôh lu sư. Đei bơngai kư̆m lăp kơ tơdrong lu sư pơma. Sêla

Horiso 49:18

Mă khan kơplah oei arih sư đei pŭn hiôk.k Đe pơư kơ sư đei 'bôh jang sa mơdrŏng,

Horiso 7:9

Ơ Kră Yang 'Bok Kei-Dei tơpăt! Ih boih Kră Yang lăng lăm jơhngơ̆m kon bơngai, Apinh Ih pơtôch lê̆ dôm tơdrong kơnê̆ lu bơngai kơnê̆ wă pơm. Mă-lei pơm bĕ kơ lu bơngai tơpăt mă kơjăp.

Tơdrông Pơđơk 16:5

Bu đei jơhngơ̆m pơang Kră Yang areh; Sĭt tơpă wă phak lu sư ưh kơ jor.

Tơdrông Pơđơk 20:6

Lơ bơngai pơang kơdih akâu khan tơnăp. Mă-lei chă lăng hăm đei minh 'nu tơnăp?

Tơdrông Pơđơk 21:2

Trong kon bơngai wă tă tơpăt kiơ̆ kơ măt sư kơdih. Mă-lei đei Kră Yang lăng lăm jơhngơ̆m.

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Malachi 3:15

Âu lu bơ̆n jô̆ lu bơngai pơrŏ pơang đei pŭn hiôk, lu sư pơm tơdrong kơnê̆ tă kơ rai tŏk. Lu sư pơlong Kră Yang 'Bok Kei-Dei păng đei klaih hlôi boih!”

Mathiơ 23:5

“Dôm tơdrong sư pơm, sư wă kơ đe 'bôh na ư-ang kơ sư, khan sư bơngai 'lơ̆ng. Kơdŭng lu sư tah hla bơar 'Bok Kei-Dei mă lu sư chô̆ 'băk tơ ako dah chô̆ bĕng tơ kơkŏng, kơdŭng noh lu sư pơm mă tih wă kơ đe 'bôh nhên; ao lu sư sĭt mă tai wă kơ đe 'bôh na ư-ang kơ lu sư.

Mathiơ 6:16

“Năr iĕm ơ̆t kơ por wă kơkuh kơ 'Bok Kei-Dei, iĕm 'nĕ pơm đon sơ'ngon thoi lu bơngai pơang akâu. Lu sư pơm kơ akâu akar muh măt sư sơ'ngon, wă kơ đe băt tơdrong lu sư ơ̆t kơ por. Inh khan kơ iĕm tơpă, lu bơngai thoi noh tơdrong bơnê lu sư jơ̆ lu đe mă ư-ang kơ sư noh đĕch, ưh kơ đei đơ̆ng 'Bok Kei-Dei bơnê ôh.

Mathiơ 6:2

Yua thoi noh na mưh iĕm wă tơgŭm đe tơmam, dah jên, iĕm 'nĕ ăn 'bơ̆t anăp đe bôl buăl 'bôh thoi lu bơngai pơang akâu kơdih lu sư chă ăn kơ đe tơmam tơ hnam akŭm 'Bok Kei-Dei, tơ kơphô̆, tơ kơchơ, wă kơ đe ư-ang kơ sư khan sư bơngai băt tơgŭm đe. Inh khan kơ iĕm tơpă, lu bơngai mă pơang kơ đe thoi noh tơdrong bơnê lu sư jơ̆ lu đe mă ư-ang kơ sư noh đĕch, ưh kơ đei đơ̆ng 'Bok Kei-Dei bơnê ôh.

Mathiơ 6:5

“Iĕm 'nĕ krao khan thoi lu bơngai pơang akâu, lu sư wă kơ đe ư-ang kơ sư na lu sư pơm iung dơ̆ng krao khan kơ 'Bok Kei-Dei 'bơ̆t anăp bôl tơ lăm hnam akŭm, phŏ tơ kơphô̆, phŏ tơ kơchơ, wă kơ đe 'bôh na ư-ang kơ sư khan sư bơngai 'lơ̆ng. Inh khan kơ iĕm tơpă, lu bơngai thoi noh tơdrong bơnê lu sư jơ̆ lu đe mă ư-ang kơ sư noh đĕch, ưh kơ đei đơ̆ng 'Bok Kei-Dei bơnê ôh.

Luka 10:29

Mă-lei 'bok thây noh sư ưh kơ 'mêm kơ đĭ-đăng khŭl bơngai na sư apinh Yêsu dơ̆ng: “Lu đe bu bôl buăl inh?”

Luka 11:39

Na Kră Yang Yêsu khan kơ sư: “Lu iĕm bơngai Pharisi hăt hot kơ ôp pơnhan hăm kơchŏk hơdrol kơ sŏng sa khan trŏ tơdrong juăt 'Bok Kei-Dei pơkă, mă-lei lăm to iĕm 'bĕnh kơ tơdrong 'mê̆-'mach, 'bĕnh kơ tơdrong pơgâm.

Luka 18:11

Na 'bok bơngai Pharisi ei dơ̆ng dơ'nhơ̆ng ngoi tơ plĕnh krao khan lăm to khan: ‘Ơ 'Bok Kei-Dei, inh bơnê kơ Ih yua kơ inh ưh kơ sĭ bơngai thoi đe nai ôh. Inh ưh kơ sĭ bơngai ưh kơ tơpăt, chă pơgâm sa đe ôh. Inh ưh kơ ngôi kư̆ kă ôh. Inh kư̆m ưh kơ sĭ thoi lĕ bơngai chă iŏk jên thuê̆ 'noh ôh.

Luka 18:14

Na Yêsu khan dơ̆ng: “Inh khan kơ iĕm tơpă, lăp bơngai mă iŏk jên thuê̆ noh brŏk tơ hnam, 'Bok Kei-Dei jô̆ sư klaih đơ̆ng tơdrong yoch boih. Bơngai Pharisi noh 'Bok Kei-Dei ưh kơ jô̆ kơ sư khan klaih đơ̆ng tơdrong yoch ôh, yua kơ bơngai bu pơang akâu kơdih, sư ei gô mơlâu; bơngai bu pơma sơdrĭ tơ ala kơ 'Bok Kei-Dei, na sư 'nei boih 'Bok Kei-Dei 'brơ̆k mơnat tơiung sư.”

Luka 18:21

Na 'bok kră tơring noh khan: “Dôm tơdrong noh inh huay ră mă đơ̆ng inh oei iĕ sơ̆ khơ̆ dang ei.”

Luka 18:9

Yêsu kư̆m pơma pơtih gia thoi âu dơ̆ng kơ lu bơngai mă ngêh kơdih bơngai 'lơ̆ng mă-lei sư pơjăm đe:

Luka 20:20

Lu sư lăng tông Yêsu ling-lang wă chă tơdrong gơh rôp Sư. Lu sư wơh bôl sư năm tơ Yêsu pơm thoi bơngai tơpăt na sư jet pơlong Yêsu. Dah Yêsu pơma khă gah tơdrong juăt teh đak, lu sư wă rôp anhăk pơjao ăn kơ 'bok tih sek tơlang.

Luka 20:47

Lu sư chă pơjĭp iŏk mŭk tơmam lu drŏ-kăn adro, na lu sư kư̆m pơrŏ krao khan kơ 'Bok Kei-Dei đunh wă kơ đe jô̆ kơ sư khan bơngai 'lơ̆ng. Mă-lei 'Bok Kei-Dei gô phak lu sư hloh kơ đe ning-mônh.”

Yo 2:25

yua kơ Sư băt rim 'nu lăm jơhngơ̆m kon bơngai lăm to sư thoi yơ. Na Sư huay kơ kăl kơ đe roi ăn kơ Sư bơngai âu thoi yơ, bơngai 'noh thoi yơ ôh.

Yo 21:17

Yêsu jet truh pêng 'măng khan: “Ơ Simôn, kon Yôhan, ih hăm 'mêm kơ Inh?” Thoi noh Pêtrôs jing sơ'ngon kơlih kơ Yêsu jet sư pêng 'măng boih, na Pêtrôs khan: “Ơ Kră Yang, Ih băt tôm tơdrong, tơdrong inh 'mêm kơ Ih, Ih băt mơ̆n.” Yêsu khan kơ sư: “Lei ih rong triu Inh.

Jang 1:18

“Juđa iŏk jên đơ̆ng bơngai wă rôp Yêsu na đơ̆ng jên ei sư blơ̆ răt mir đe. Đơ̆ng noh na Juđa sư pơrăm kơdih akâu, sư huŏng hơtat pơchah klak lôch hloi.

Jang 1:24

Na lu sư krao khan kơ Kră Yang thoi âu: “Kră Yang, Ih băt đĭ lăm jơhngơ̆m đon kon bơngai. Apinh Ih tơ'bôh kơ nhôn bơngai ayơ Ih rơih boih wă pơm jơ̆ng 'bang Yêsu wă păl Juđa. Juđa tŭk tơdrong jang âu năm tơ anih sư trŏ dang noh boih.”

Jang 15:8

'Bok Kei-Dei băt jơhngơ̆m đon kon bơngai na Sư ăn kơ lu bơngai tơmoi ei Yang Bơhngol 'Lơ̆ng kư̆m thoi Sư ăn kơ bơ̆n. Thoi noh 'Bok Kei-Dei ăn kơ bơ̆n băt Sư wă kơ lu bơngai tơmoi ei mơ̆n.

Rom 3:20

Na mă bơngai Juđê mă bơngai nai, dah bơ̆n oei gơnang kơ akâu bơ̆n kơdih wă kiơ̆ dôm tơdrong juăt 'Bok Kei-Dei pơkă sơ̆, 'Bok Kei-Dei ưh kơ jô̆ bơ̆n bơngai 'lơ̆ng tơpăt ôh, yua kơ tơdrong Sư pơkă noh sư pôm tơbăt kơ bơ̆n bơngai yoch hăm 'Bok Kei-Dei đĕch.

Rom 8:27

'Bok Kei-Dei Sư băt lăm jơhngơ̆m klơm klak bơ̆n tơchĕng thoi yơ, Sư băt kơ Yang Bơhngol 'Lơ̆ng tơgŭm bơ̆n krao khan thoi noh, yua kơ Yang Bơhngol 'Lơ̆ng tơgŭm lu bơngai lui krao khan kiơ̆ thoi 'Bok Kei-Dei wă.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

I Pet 3:4

Bơ̆n wă kơ đe băt kơ bơ̆n bơngai 'lơ̆ng, bơ̆n athei ming jơhngơ̆m đon bơ̆n đĕch. Tơ̆ng jơhngơ̆m đon bơ̆n dim gơh găt hăm đe, noh kư̆m dang bơ̆n pơguăng akâu bơ̆n hăm tơmam mơ̆n. Tơmam thoi noh huay kơ hach răm, pơguăng akâu thoi noh 'Bok Kei-Dei lăp đon.

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.

I Sam 16:7

Mă-lei Kră Yang khan kơ Samuel; 'Nĕ kơ lăng akâu rŏ hơbŏ tih bơngai noh, Inh ưh kơ iŏk sư. Inh ưh kơ lăng kiơ thoi kon bơngai lăng, kon bơngai lăng gah 'nguaih; mă-lei Kră Yang lăng 'bôh lăm jơhngơ̆m.