Luka 16:14 - Sơ̆p Hlabơar Nơ̆r 'Bok Kei-Dei

¹⁴ Lu bơngai Pharisi kư̆m kơtơ̆ng dôm tơdrong Yêsu bơtho noh mơ̆n, na lu sư pơm hiĕk kơ Yêsu yua kơ lu sư 'mêm kơ mŭk tơmam tơ ala teh âu.

Luka 16:14 Iomraidhean Croise

Horiso 119:51

Lu bơngai pơang, blei hiap inh lơ dêh. Mă-lei inh ưh kơ achăng lê̆ khôi juăt Ih.

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Êsai 56:11

Lu sư jơ̆ kŏ sa dư, ưh kơ băt phĭ. Noh bơih lu bơngai wei triu ưh kơ hlôh wao: Chă wơ̆t kiơ̆ trong kơdih lu sư; rim 'nu lu sư chă tơdrong pơyua kơdih, đơ̆ng blŭng truh tơ tôch.

Je 6:13

“Iŏk đơ̆ng bơngai kơhlôh truh tơ bơngai hơgei, tă kơ chă lơi ngăl. Đơ̆ng lu bơngai khan lê̆ adrol truh tơ lu 'bok soi kư̆m sa pơgâm.

Je 8:10

Thoi noh Inh gô ăn kơ đe nai iŏk akăn lu sư, chŭn mir lu sư kư̆m ăn kơ đe nai jang. Iŏk đơ̆ng lu bơngai pơm iĕ truh tơ lu bơngai pơm tih, tă kơ chă lơi kơdih ngăl. Đơ̆ng lu 'bok khan lê̆ adrol truh tơ lu 'bok soi, rim 'nu kơ lu sư tă kơ sa pơgâm ngăl.

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Mathiơ 9:24

Sư khan: “Iĕm lĕch đĭ tơ 'ngoaih, bơngai adruh âu ưh kơ lôch ôh, sư tep đĕch.” Na đe ei hiĕk kơ Sư.

Luka 12:15

Yêsu pơma dơ̆ng kơ đĭ-đăng bơngai kiơ̆ ei: “Iĕm athei kơchăng kơdih 'nĕ kơ mah hăt kơ mŭk tơmam dêh. Arih chơt hiôk ưh kơ đơ̆ng mơdrŏng ôh.”

Luka 20:47

Lu sư chă pơjĭp iŏk mŭk tơmam lu drŏ-kăn adro, na lu sư kư̆m pơrŏ krao khan kơ 'Bok Kei-Dei đunh wă kơ đe jô̆ kơ sư khan bơngai 'lơ̆ng. Mă-lei 'Bok Kei-Dei gô phak lu sư hloh kơ đe ning-mônh.”

Luka 23:35

Lu kon pơlei pơla dơ̆ng 'bơ̆t ei wă lăng đe pơlôch Yêsu. Lu đe 'bok tih Juđê che bơle kơ Yêsu khan thoi âu: “Sư gơh pơklaih đe sơ̆, na dang ei dah Sư 'Bok Krist tơpă mă 'Bok Kei-Dei rơih wă pơm Pơtao bơ̆n lei lê̆ Sư pơklaih akâu Sư kơdih lăng.”

Luka 8:53

Na đe ei pơm hiĕk kơ Sư yua kơ lu sư băt nhên kơ bơngai noh lôch tơpă boih.

II Tim 3:2

Năr ei kơnh đei lơ bơngai băt 'mêm akâu sư kơdih, mă ưh kơ 'mêm mơnat kơ bôl buăl. Sư hăt kơ jên tơpă. Sư pơang akâu kơdih păng chă pơma pơsôm kơ đe. Sư pơma kơnê̆ kơ đe. Sư ưh kơ chu yom mĕ 'bă sư păng sư ưh kơ băt bơnê kơ đe, sư kư̆ pơm kơnê̆ đĕch.

Hêbrơ 11:36

Lu mơ'nah dơ̆ng, đe che bơle kơ sư, teh sư păng sơnguĕt tơlei, chô̆ sư păng tơlei glang mam, tah sư tơ lăm hnam phak, mă-lei sư kư̆m ưh kơ chu lê̆ 'Bok Kei-Dei.