Luka 16:10 - Sơ̆p Hlabơar Nơ̆r 'Bok Kei-Dei

¹⁰ “Bơngai bu pơm tơpăt mă tơdrong iĕ, bơngai noh sư kư̆m gô pơm tơpăt tơdrong tih mơ̆n. Bơngai bu pơm ưh kơ tơpăt đơ̆ng tơdrong iĕ, sư kư̆m ưh kơ tơpăt kơ tơdrong tih.

Luka 16:10 Iomraidhean Croise

Mathiơ 24:45

“Bơngai đĭch, sư athei jang tơnăp kiơ̆ thoi yŏng sư pơkă, na yŏng sư lăp đon pơjao ăn kơ sư pơm kai wei-lăng lu buăl sư dơ̆ng na mưh trŏ kơ jơ sŏng sa sư chă asong kơ lu bôl sư tơmam sa.

Mathiơ 25:21

Na yŏng sư khan: ‘Ơ dăm, ih jang kơ inh 'lơ̆ng tơpă, ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih hloh dơ̆ng. Na dang ei bĕ ba oei hơdai hiôk chơt hăm inh yŏng ih.’

Mathiơ 25:23

Na yŏng sư khan: ‘Ơ dăm, ih jang kơ inh 'lơ̆ng tơpă, ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih hloh dơ̆ng. Na dang ei bĕ ba oei hơdai hiôk chơt hăm inh yŏng ih.’

Luka 19:17

Na yŏng sư khan: ‘Ơ dăm, ih jang kơ inh 'lơ̆ng tơpă. Ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih 'biơ̆, pơjao ăn kơ ih wei-lăng lăm mơjĭt tŏ pơlei.’

Yo 12:6

Juđa khan thoi noh ưh kơ sĭ sư mơnat kơ lu bơngai dơnuh hin tơpă ôh. Sư bơngai wei kơdŭng jên tơpôl lu sư păng sư bơngai tơtông mơ̆n. Phŏ phŏ sư tơtông iŏk jên đơ̆ng kơdŭng ei.

Yo 13:2

Yêsu hăm lu bơngai pơhrăm păng Sư sŏng sa hơdai. Yang Satan pơhlŭ Juđa Ikariôt, kon Simôn, na Juđa wă plơ̆ plĕch kơ Yêsu boih.

Yo 13:27

Lăp Juđa iŏk 'bĕng mi ei yang Satan mơ̆t lăm jơhngơ̆m sư hloi. Na Yêsu khan kơ Juđa: “Ih jah năm wăi, na ih jah pơm tơdrong ih wă pơm.”

Hêbrơ 3:2

Na Yêsu jang 'lơ̆ng tơpă dôm tơdrong 'Bok Kei-Dei pơkă kơ Sư, kư̆m thoi Môis jang tơgŭm hnam dơnŏ 'Bok Kei-Dei sơ̆, sư jang kiơ̆ thoi 'Bok Kei-Dei pơkă tơpă.