Luka 15:8 - Sơ̆p Hlabơar Nơ̆r 'Bok Kei-Dei

⁸ “Pơtih gia dơ̆ng, minh 'nu bơngai drŏ-kăn, sư đei mơjĭt hlak jên hu. Dah sư hiong minh hlak lăm hnam, hăm trŏ kơ sư tơ̆k ŭnh kơđeng na sơpuih chă khŏm khŏm tơ̆p mă 'bôh 'mơ̆i?

Luka 15:8 Iomraidhean Croise

Êsêkiên 34:12

Thoi bơngai wei triu oei hơdai triu păng jô̆ lăng khŭl triu hiong, Inh kư̆m jô̆ lăng khŭl triu Inh; Inh gô dŏng pơklaih lu sư đơ̆ng rim anih mă lu sư tơklah tơklang lăm năr măng mu gueo.

Mathiơ 5:15

Bơ̆n tơ̆k ŭnh kơđeng wă kơ hơdah, bơ̆n ưh kơ iŏk reo klơ̆p lê̆ ôh. Bơ̆n iŏk ŭnh kơđeng noh tơ'băk tơ jrăng na hơdah jơ̆p kơ bơngai lăm hnam.

Luka 15:7

Kư̆m thoi noh mơ̆n, lu linh jang 'lơ̆ng tơ plĕnh, lu sư 'bôh minh 'nu bơngai yoch tơbral kơdih tơdrong yoch sư, lu sư hiôk hloh kơ 'bôh tơsĭn-jĭt tơsĭn 'nu bơngai 'lơ̆ng mă ưh kơ kăl kơ tơbral kơdih tơdrong yoch.

Luka 15:9

Lăp sư 'bôh boih na sư krao lu bôl buăl sư na khan: ‘Inh hiôk tơpă, jên inh đêl hiong 'bôh boih.’

Luka 19:10

Inh Kon Bơngai jur tơ ala teh âu wă chă lu bơngai mă kuơ̆l kơ trong wă pơklaih yoch sư.”

Yo 10:16

Inh đei mơ̆n triu khŭl nai, mă-lei ưh kơ trŏ khŭl Juđê âu ôh. Na Inh athei iŏk triu khŭl nai ei. Lu triu ei gô lui kơ Inh păng băt kơ 'bơ̆r Inh pơma mơ̆n. Na triu ei păng triu tơpôl âu lu sư gô jing minh tơpôl lơ kiơ̆ minh 'nu Inh wei-lăng.

Yo 11:52

Mă tơpă ưh kơ sĭ Sư lôch tang lu bơngai Juđê đĕch ôh. Sư lôch tang đĭ-đăng dôm lu kon 'Bok Kei-Dei oei jơ̆p-jang ala teh âu.

Jang 19:19

Đei lơ bơngai pơm pơjâu nai dơ̆ng, lu sư năm tơ Pôl chĕp ba sơ̆p hla bơar tơdrong pơjâu sư, na soh lê̆ sơ̆p hla bơar ei 'bơ̆t anăp lu kon pơlei pơla hloi. Đe jô̆ jên răt hla bơar ei sơ̆ đei pơđăm-jĭt rơbâu jên hu.

Êphêsô 2:17

Yêsu Krist jur bơtho tơdrong hiôk-hian kơ lu iĕm bơngai nai mă ataih kơ Sư sơ̆; lu bơngai Juđê mă ưh kơ ataih kơ Sư, Sư kư̆m bơtho mơ̆n.