Luka 15:4 - Sơ̆p Hlabơar Nơ̆r 'Bok Kei-Dei

⁴ “Pơtih gia iĕm đei minh-hrĕng tŏ triu, na hiong minh pôm. Hăm trŏ kơ iĕm lê̆ tơsĭn-jĭt tơsĭn tŏ triu noh oei chă sa tơ tơmăn, na iĕm khŏm năm chă minh pôm hiong noh tơ̆p 'bôh 'mơ̆i?

Luka 15:4 Iomraidhean Croise

Horiso 119:176

Inh wơ̆l jrok thoi triu hiong; apinh chơchă inh đĭch đam Ih. Yua kơ inh ưh kơ hiơt nơ̆r Ih tơtă.

Êsai 53:6

Đĭ-đăng lu bơ̆n thoi triu jrok trong. Rim 'nu kiơ̆ trong kơdih: Lei na Kră Yang iŏk đĭ tơdrong yoch lu bơ̆n tơpŭ ăn kơ sư.

Je 33:13

Lăm lu pơlei tơring groi kông păng lu pơlei lăm tơring groi gah bơmơ̆t, lăm lu tơring glă gah gơal, lăm teh đak Bênjamin, tơ lăm rim anih tăp dăr Jêrusalem păng lăm pơlei char Juđa, khŭl triu gô yak rok ala ti đe gô jô̆ lu sư.” Noh Kră Yang khan.

Je 50:6

Kon pơlei Inh thoi khŭl triu lôch hiong boih; Lu bơngai wei triu ba lu sư wơ̆l jrok, Achăng lê̆ lu sư jrok kơpal kông, lu sư chă sa đơ̆ng kông păng tơ groi, Pă băt boih trong wih tơ hơdrong kơdih.

Êsêkiên 34:16

Inh gô chă lu triu tơklah, Inh gô anhăk ba lu triu jrok wih brŏk, Inh gô pơ̆n hơmet lu triu rơka păng tơgŭm triu ayơ đei jĭ jăn jing pran. Mă-lei lu triu bek, pran Inh gô pơlôch, yua kơ Inh gô wei rong lu triu inh hăm tơdrong 'lơ̆ng tơpăt.

Êsêkiên 34:31

Lu sư triu Inh, triu oei lăm anih 'nhĕt Inh; lu iĕm jing kon bơngai Inh păng inh boih Kră Yang 'Bok Kei-Dei lu iĕm, Kră Yang khan thoi noh.

Êsêkiên 34:4

Lu kon triu tơrăn, iĕm ưh kơ tơgŭm ăn kơ lu sư pran; lu triu jĭ, iĕm ưh kơ ming hơmet wă kơ klaih; lu triu rơka, iĕm ưh kơ đei hơmet lu triu mă jrok tơklah tơklang, lu iĕm ưh kơ chông brŏk lu kon triu mă jrok hiong lu iĕm ưh kơ năm chă. Lu iĕm wei rong sư hăm tơdrong pơgŏ pơđep.

Êsêkiên 34:8

Kră Yang khan: Thoi Inh mă arih, yua kơ ưh kơ đei bơngai wei, triu Inh jing tơmam tơgar iŏk, jing tơmam sa kơ lu sem bri brah; lu bơngai wei ưh kơ chơchă triu Inh, lu sư hăt wei kơdih akâu ưh kơ wei khŭl triu Inh.

Mathiơ 12:11

Yêsu khan kơ lu sư: “Dah iĕm đei minh pôm triu huŏng lăm sơlŭng đak kơplah lăm năr pơdơh Sa'bat iĕm jur iŏk sư hloi dah kiơ?

Luka 13:15

Kră Yang Yêsu tơl 'bok ei: “Ơ lu bơngai 'bơ̆r đak klak ŭnh, lăm năr pơdơh đĭ-đăng kơ iĕm yaih tơlĕch rơmo aseh iĕ iĕm puh pơnhă sư tơ đak.

Luka 15:3

Thoi noh na Yêsu pơma thoi âu:

Luka 19:10

Inh Kon Bơngai jur tơ ala teh âu wă chă lu bơngai mă kuơ̆l kơ trong wă pơklaih yoch sư.”

Rom 2:1

Lăm lu iĕm mơ'nah jô̆ kơ đe pơm yoch, iĕm ưh kơ gơh khan kơ đe thoi noh ôh, yua kơ iĕm kư̆m hơdai pơm yoch lei-lăi. Iĕm jô̆ kơ đe pơm yoch noh dang iĕm khan kơ akâu iĕm kơdih pơm yoch.

I Pet 2:25

Sơ̆ bơ̆n thoi triu jrok trong hiong tơ bri brah, mă-lei dang ei bơ̆n băt kơ trong brŏk tơ Yêsu Krist tơ'ngla wei bơ̆n.