Luka 15:1 - Sơ̆p Hlabơar Nơ̆r 'Bok Kei-Dei

¹ Đei lơ bơngai iŏk jên thuê̆ păng lơ bơngai yoch năm mơ̆ng Yêsu.

Luka 15:1 Iomraidhean Croise

Êsêkiên 18:27

Tơdah bơngai mă pơm kơnê̆ hŭt lê̆ tơdrong kơnê̆, tơdrong yoch mă sư pơm boih, na pơm kiơ̆ tơdrong tơpăt tơdrong trŏ, sư gô dŏng pơklaih bơhngol sư đei tơdrong arih ling-lang.

Mathiơ 5:46

Dah iĕm 'mêm pôm lu bơngai mă 'mêm kơ iĕm đĕch, lei 'Bok Kei-Dei ưh kơ bơnê kơ iĕm ôh. Bĭ lu bơngai pơgŏ iŏk jên thuê̆ kư̆m băt 'mêm kơ bôl sư.

Luka 13:30

Thoi noh na đei lu bơngai mơ'nah pơm iĕ kơ đe dang ei, sư jing tih hloh kơ đe 'bơ̆t ei ning-mônh. Đei lu bơngai mơ'nah pơm tih hloh kơ đe dang ei, sư gô jing lŭch hloh kơ đe ning-mônh.”

Luka 7:29

Đĭ-đăng lu kon pơlei pơla păng lu bơngai iŏk jên thuê̆ mơ̆ng Yôhan bơtho sơ̆, lu sư khan 'Bok Kei-Dei 'lơ̆ng tơpăt, na lu sư wă kiơ̆ tơdrong 'Bok Kei-Dei bơtho, đơ̆ng noh Yôhan pơm 'batem kơ lu sư hloi.

Rom 5:20

'Bok Kei-Dei pơkă kơ bơ̆n tơdrong juăt Sư sơ̆, Sư wă tơbăt kơ bơ̆n đei tơdrong yoch tih; Sư 'bôh bơ̆n đei tơdrong yoch tih na Sư 'mêm kơ bơ̆n rai dêh.

I Tim 1:15

Tơdrong âu trŏ tơpă, bơ̆n gơh lui tơpă: Kră Yang Yêsu Krist jur oei tơ ala teh âu wă kơ pơklaih lu bơngai yoch. Inh boih bơngai mă pơm yoch lơ hloh kơ đĭ-đăng bơngai nai.