Luka 14:21 - Sơ̆p Hlabơar Nơ̆r 'Bok Kei-Dei

²¹ “Đam 'nei brŏk brăi tơ hnam na sư roi kơ tơ'ngla sư dôm tơdrong 'nei. Na tơ'ngla sư kơtơ̆ng thoi ei, sư 'blut tơpă, na sư khan hloi kơ đam sư: ‘Ih dah chă năm rim kơ trong jơ̆p lăm pơlei âu chă krao wơ̆n lu bơngai dơnuh hin, lu bơngai jơ̆ng jo go kơdŭ, lu bơngai măt tol, tĕnh.’

Luka 14:21 Iomraidhean Croise

Horiso 2:12

Chŭm Sư bĕ, hli kơ Sư hil, păng hli kơ iĕm lôch hiong lăm trong tôch; Yua kơ tơdrong sư hil rai tŏk. Pŭn hiôk dêh kơ bu mă kơ'nơp lăm Sư!

Horiso 38:7

Rŏng inh jĭ hang thoi ŭnh sa.a Na sĕch inh pă đei hơnĭl.

Êsai 33:23

Tơlei lu ayăt chô̆ lu iĕm tơlang lê̆ bơih, ưh pă chô̆ tơ jrăng păng ưh pă dăng che duk noh dơ̆ng. Kơplah noh đe gô klah asong băl lơ lu tơmam đêl blah tơgar iŏk, mă lu bơngai jopo kư̆m gô đei iŏk tơmam đêl blah tơgar noh mơ̆n.

Êsai 35:6

Kơplah noh lu bơngai jopo gô pơplŏng nhen juei. Hơpiĕt lu bơngai kơmlo gô gơh hơri chơt hiôk. Gô đei đak ro tơ char glă, păng lu glung đak gô ro lăm bri brah.

Je 5:1

“Kơdâu chă lăng bĕ jơ̆p kơ trong lăm pơlei tih Jêrusalem Athei chă lăng păng răk lăm đon, Chă lăng tơ jơ̆p anih đe juăt adrŭm. Chă lăng hăm đei minh 'nu bơngai pơm 'lơ̆ng tơpăt, 'maih chă tơdrong 'lơ̆ng, wă kơ Inh mơnat ăn kơ pơlei tih Jêrusalem?

Sa 11:11

Sư pơtôch hloi lăm năr noh; thoi noh đĭ-đăng lăm khŭl triu pơmat-tat tơpă, triu mă mơ̆ng kiơ̆ Inh, băt boih noh nơ̆r đơ̆ng Kră Yang.

Sa 11:7

Thoi noh Inh ăn lu triu đe wă pơlôch sa 'nhĕt, lu triu noh boih pơmat-tat tơpă tơ lăm khŭl triu. Đơ̆ng noh, Inh iŏk 'bar tŏ 'long jra: Minh pôm krao 'long jra 'mêm mơnat, minh pôm krao 'long jra pơgơ̆p păng Inh ăn kơ lu triu chă sa.

Mathiơ 11:28

“Ơ lu bơngai mă oei pŭ trăp, năm tơ Inh bĕ, lê̆ Inh tơgŭm iĕm pŭ hơiơch.

Mathiơ 11:5

Lu măt tol gơh 'bôh hơdah, lu jơ̆ng kue mah gơh yak, lu jĭ chin mah klaih, lu klĭk gơh kơtơ̆ng, lu bơngai lôch mah gơh iung arih, lu bơngai dơnuh hin mah mơ̆ng Inh bơtho tơdrong 'nao 'lơ̆ng.

Mathiơ 15:12

Đang Yêsu pơma thoi noh boih na lu bơngai pơhrăm păng Sư năm khan kơ Sư: “Ih hăm băt lu bơngai Pharisi ơh kơ Ih pơma thoi noh hei?”

Mathiơ 18:31

Lu bôl buăl nai 'bôh sư pơm kơ bôl sư thoi noh, lu sư sơ'ngon dêh păng năm roi hloi kơ 'bok pơtao dôm tơdrong sư pơm kơ bôl sư noh.

Mathiơ 20:7

Lu đe ei khan: ‘Yua kơ ưh kơ đei bơngai chă nhôn jang.’ 'Bok ei khan: ‘Lei iĕm năm jang tơ mir inh bĕ.’ Lu đe noh năm jang hloi.

Luka 14:13

Dah ih chă wơ̆n đe năm sŏng sa tơ hnam ih, lei ih athei wơ̆n lu bơngai dơnuh hin, lu bơngai jơ̆ng jo go kơdŭ, lu bơngai măt tol.

Luka 14:20

Đei bơngai nai dơ̆ng khan: ‘Inh 'nao đei akăn na inh ưh kơ wăn.’

Luka 14:22

Na đam 'nei hơloh yak chă krao đe hloi. Lăp chă krao đe đang boih na sư wih tơ hnam khan kơ tơ'ngla sư 'nei: ‘Ơ 'bok, inh chă krao lu đe noh hei boih, đĭ-đăng lu sư năm boih ră, mă-lei anih oei rơhơi 'mơ̆i.’

Luka 14:24

Inh khan kơ iĕm tơpă, dôm lu bơngai mă inh wă wơ̆n hơdrol hei ră, lu sư ưh kơ đei bu gơh sa tơmam inh ôh.’ ”

Luka 24:47

Na đe gô bơtho đơ̆ng Pơlei Jêrusalem truh tơ jơ̆p kơ teh đak athei đĭ-đăng khŭl bơngai tơbral kơdih tơdrong yoch na 'Bok Kei-Dei gô pơklaih yoch lu sư, yua kơ Inh lôch tang lu sư.

Luka 9:10

Lu jơ̆ng 'bang Yêsu wih roi kơ Sư dôm tơdrong sư jang. Na Yêsu anhăk ba kơdrô̆ lu sư tơ Pơlei 'Betsaiđa.

Yo 9:39

Yêsu khan: “Inh jur tơ ala teh âu wă sek tơlang kon bơngai wă kơ dôm lu bơngai ưh kơ hlôh tơdrong 'Bok Kei-Dei, lu sư dang măt tol, gô hlôh; păng dôm lu bơngai khan sư hlôh mă-lei ưh kơ lui kơ Inh, na ăn lu sư jing ưh kơ hlôh dơ̆ng. Lu bơngai ei boih dang măt tol tơpă.”

Hêbrơ 13:17

Iĕm athei yom kơ bơngai mă pơgơ̆r iĕm, yua kơ sư adrin wei-lăng tơdrong lui iĕm, dang lĕ kơ wei-lăng bơhngol iĕm. Tơ̆ng sư wei-lăng ưh kơ 'blep, 'Bok Kei-Dei kư̆m chrih kơ sư mơ̆n. Iĕm athei yom kơ sư na sư jang hiôk kơ jơhngơ̆m huay kơ sơ'ngon. Tơ̆ng sư sơ'ngon, noh ưh kơ pơyua iĕm boih.

Hêbrơ 2:3

Mă tơdrong Yêsu Kon 'Bok Kei-Dei kăl hloh kơ noh dơ̆ng. Thoi noh, tơ̆ng bu ưh kơ gơnang kơ Yêsu pơklaih sư, bơngai noh gô đei tơdrong phak tơpă. Tơdrong Kră Yang Yêsu Krist pơklaih bơ̆n, Sư kơdih tơbăt ăn kơ đe sơ̆ na đe tơbăt ăn kơ bơ̆n.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.

Tơdrông Tơ'bôh 19:15

Minh hlak đao han đei 'bar pah măt lĕch đơ̆ng 'bơ̆r 'Bok ei wă koh chong drong tơ'lĕnh kon bơngai jơ̆p kơ dêh char, klaih kơ noh Sư gô pơgơ̆r đe hăm 'long jra mam. Lu bơngai mă ưh kơ lui, Sư gô phak thoi đe peh plei hơmu tơ lăm tơpăl tơmo wă chơpĕt iŏk đak, noh tơdrong 'Bok Kei-Dei Kră Yang Tih Hloh Sư hil kơ kon bơngai.

Tơdrông Tơ'bôh 22:17

Yang Bơhngol 'Lơ̆ng hăm akăn Kon Triu bơtho khan kơ lu bơngai tam mă lui thoi âu: “Bu ol kơ đak nhă bĕ.” Na lu bơngai lui mă mơ̆ng đe đŏk hla bơar tơdrong âu, bĕ lu iĕm kư̆m wang chă bơtho đe thoi noh mơ̆n, khan: “Bu ol kơ đak nhă bĕ.” Năm bĕ bu ol kơ đak, nhă đak noh; đak noh gơh arih kon bơngai ling-lang, nhă đĕch ưh kơ răt ôh.

I Sam 2:8

Sư rô̆ tơiung bơngai dơnuh đơ̆ng 'mui teh; Sư pơdơ̆ng tơiung lu bơngai kơ'bah đơ̆ng lăm 'mui tơnuh, Wă kơ lu sư dơ̆ng hơdai hăm lu bơngai yŏng pơgơ̆r. Păng kư̆m ăn oei lăm anih đe pơyom. Jrăng plei teh noh đơ̆ng Kră Yang, Păng kơpal jrăng noh sư pơdơ̆ng bơih plei teh.

I Sam 25:12

Lu tơdăm mơlôh đơ̆ng Đawit wơh wih brŏk dơ̆ng, lu sư roi ăn kơ Đawit mơ̆ng dôm lu nơ̆r noh.