Luka 14:13 - Sơ̆p Hlabơar Nơ̆r 'Bok Kei-Dei

¹³ Dah ih chă wơ̆n đe năm sŏng sa tơ hnam ih, lei ih athei wơ̆n lu bơngai dơnuh hin, lu bơngai jơ̆ng jo go kơdŭ, lu bơngai măt tol.

Luka 14:13 Iomraidhean Croise

II Sam 6:19

Sư asong kơ đĭ-đăng kon pơlei Isơrael, lu tơpôl lăm Isơrael mă drŏ-nglo dah drŏ-kăn, minh 'nu minh pôm 'bĕng mi minh kơnăt 'nhĕm phang, hăm minh tơpei 'bĕng hơmu kro, đơ̆ng noh, đĭ-đăng lu sư brŏk tơ hnam sư kơdih.

II Ho 30:24

Hesekia pơtao Juđa, đei asong ăn kơ tơpôl akŭm noh minh-rơbâu tŏ rơmo tơno păng tơpơh-rơbâu tŏ triu bơbe; lu yŏng pơgơ̆r kư̆m asong ăn kơ tơpôl akŭm minh-rơbâu tŏ rơmo tơno păng mơjĭt-rơbâu tŏ triu, bơbe. Đei lơ lu 'bok soi hơmet akâu lu sư rơgoh.

Ne 8:10

Nêhêmi pơma khan kơ lu sư thoi âu: Năm sa bĕ tơmam kiơ bek, huch nhă bĕ sik hơmu 'ngam păng tơgŭm lu bơngai ưh kơ đei hơmet sa tơmam kiơ; yua kơ 'năr 'nâu jơ̆ năr 'lơ̆ng rơgoh, 'măn kơ Kră Yang lu bơ̆n. 'Nĕ kơ sơ'ngon, yua kơ tơdrong hiôk chơt đơ̆ng Kră Yang pơm kơ jơhngơ̆m lu iĕm pran.

Ne 8:12

Đĭ-đăng kon pơlei năm sŏng sa păng huch nhă păng tơgŭm ăn tơmam sa pơm tơdrong hiôk chơt tih; yua kơ lu sư đei hlôh 'bôh nhen dôm lu nơ̆r đei bơtho boih kơ lu sư.

Jop 29:13

Bơngai wă jê̆ lôch sơkat tuh ăn kơ inh pŭn hiôk. Đơ̆ng inh, jơhngơ̆m bơngai adro chơt hiôk.

Tơdrông Pơđơk 14:31

Bơngai bu pơjăm pơjuă bơngai dơnuh hoh noh pơjăm kơ Tơ'ngla pơjing sư; Bu mă 'mêm mơnat kơ bơngai dơnuh hoh noh ư-ang kơ Kră Yang.

Tơdrông Pơđơk 22:9

Bơngai bu đei măt lăng mơnat sư gô đei pŭn hiôk. Yua kơ sư đei tơgŭm tơmam sa kơ lu bơngai dơnuh hin.

Êsai 58:10

Tơdah iĕm đĭ jơhngơ̆m rong lu bơngai pơmat-tat păng asong ăn sa phĭ kơ lu bơngai pơngot, lei tơdrong hơdah ih gô pơchrang lăm măng mu, kơplah noh măng ih thoi lĕ kơ 'năr dơ̆ng.

Êsai 58:7

Hăm trŏ kơ ih athei asong tơmam sa kơ lu bơngai pơngot rơwĕt, chông ba lu bơngai dơnuh hin ưh kơ đei hnam wih tơ lăm hnam iĕm kơdih, lăp iĕm 'bôh bơngai akâu hoh athei pơhrŭk ăn, păng 'nĕ kơ weh muh măt ưh kơ lăng lu 'nhŏng oh minh sĕch akar lu iĕm kơdih, dah kiơ?

Mathiơ 15:30

Mă-lei kư̆m đei lơ bơngai năm chă Sư anhăk lu bơngai kue jo, mơ'nah măt tol, mơ'nah kơmlo, lơlap lơlang bơngai jĭ jăn nai. Lu sư tơ'bĭch pơdă 'bơ̆t anăp Yêsu, na Yêsu tơgŭm pơklaih đĭ dôm lu bơngai jĭ jăn noh.

Mathiơ 22:10

Na lu bơngai jang kơ sư năm răp jơ̆p-jang rim kơ trong. Lu sư 'bôh mă bơngai 'lơ̆ng, mă bơngai kơnê̆, kư̆ kơ krao anhăk tơ̆p anih hrăt-hrot 'bĕnh kơ bơngai.

Luka 11:41

Iĕm athei asong ăn kơ lu bơngai dơnuh hin tơmam sa iĕm lăm pơnhan noh na 'Bok Kei-Dei kư̆m lăng tôm tơdrong iĕm rơgoh 'lơ̆ng ngăl.

Luka 14:12

Đơ̆ng noh Yêsu khan kơ bơngai wơ̆n sư ei: “Dah ih chă wơ̆n đe năm sŏng sa tơ hnam ih, ih 'nĕ kơ wơ̆n lu 'nhŏng oh, lu bôl juăt ih, lu bôl ih bơngai mơdrŏng hŏ, yua kơ lu sư gô wơ̆n plơ̆ ih dơ̆ng, na ih dang lĕ ưh kơ đei huach tơmam kiơ ôh.

Luka 14:14

Na ih gô hiôk yua kơ lu sư ưh kơ gơh wơ̆n hơlơ̆k kơ ih dơ̆ng ôh. Na 'Bok Kei-Dei gô apah ih lăm năr lu bơngai 'lơ̆ng iung arih dơ̆ng ning-mônh.”

Luka 14:21

“Đam 'nei brŏk brăi tơ hnam na sư roi kơ tơ'ngla sư dôm tơdrong 'nei. Na tơ'ngla sư kơtơ̆ng thoi ei, sư 'blut tơpă, na sư khan hloi kơ đam sư: ‘Ih dah chă năm rim kơ trong jơ̆p lăm pơlei âu chă krao wơ̆n lu bơngai dơnuh hin, lu bơngai jơ̆ng jo go kơdŭ, lu bơngai măt tol, tĕnh.’

Jang 9:39

Na Pêtrôs năm kiơ̆ hloi bre sư tơ Pơlei Japa. Lăp sư truh tơ hnam boih, đe năm ba sư tŏk lăng tơ hnam kơpal ei. Lu yă adro tơ'bôh kơ Pêtrôs ao yă Đêka đêl sĭt boih, wă kơ Pêtrôs băt kơ yă Đêka sư oei arih sư gơh tơgŭm đe. Lu yă adro hơdai nhơ̆m hmoi ơh mơ̆n.

Both 14:29

Lu bơngai Lêwi, yua kơ lu ưh kơ đei mŭk tơmam teh jang sa tơ lăm lu iĕm ôh păng lu bơngai tơmoi, lu bơngai mơti păng lu bơngai yă adro mă oei hơdai lăm pơlei iĕm, kư̆m gô năm sa phĭ mah; thoi ei Kră Yang 'Bok Kei-Dei iĕm ăn pŭn kơ dôm tơdrong jang đơ̆ng tơpang ti iĕm kơdih pơm.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Both 16:14

Hơdai hăm kon drŏ-nglo kon drŏ-kăn, đĭch drŏ-nglo đam drŏ-kăn, bơngai Lêwi, bơngai tơmoi, bơngai mơti păng bơngai adro oei hơdai lăm pơlei iĕm, kư̆m hơdai wăng hiôk chơt 'blŏk hơdơ̆r pơm giĕng.

Tit 1:8

Bơngai bu pơm kră bơngai lui, năr tơmoi truh tơ sư, sư tơkan sơng iŏk atŏk tơ hnam sư. Păng sư lăp đon kơ tơdrong 'lơ̆ng tơdrong kiơ̆ trŏ. Sư pơm đon chơ̆n. Sư đei đon 'lơ̆ng tơpăt păng 'Bok Kei-Dei hăm bôl buăl mơ̆n,

Phil 1:7

Inh chơt hiôk tơpă kơlih kơ ih gơh 'mêm mơnat kơ 'nhŏng oh bơngai lui pơm kơ jơhngơ̆m lu sư hiôk hơiă hăm ih.

Hêbrơ 13:2

Tơmoi truh athei băt kơ sơng iŏk tơ hnam bơ̆n, mă khan bơ̆n ưh tam mă juăt kơ sư đơ̆ng sơ̆. Đei lu yă 'bok sơ̆, sư sơng iŏk bơngai tơmoi kư̆m thoi noh mơ̆n. Đơ̆ng sơ̆ sư ưh tam mă tơ'bơ̆p lu bơngai tơmoi noh ôh, sư ngêh kơ lu bơngai tơmoi noh kon bơngai bơ̆n đĕch, mă tă kơ lu linh jang 'lơ̆ng 'Bok Kei-Dei đơ̆ng plĕnh.