Luka 13:6 - Sơ̆p Hlabơar Nơ̆r 'Bok Kei-Dei

⁶ Yêsu pơma pơtih gia kơ tơdrong 'Bok Kei-Dei wă phak dah bơ̆n ưh kơ tơbral kơdih tơdrong yoch: “Đei minh 'nu bơngai rong minh tơnơm 'long hơra lăm pơgar sư. Na tơ'ngla sư năm chă lăng plei mă-lei 'nhŏ kơ đei.

Luka 13:6 Iomraidhean Croise

Je 2:21

Inh pơtăm boih thoi minh tơnơm hơmu 'lơ̆ng Inh rơih iŏk, tă kơ găr adrĕch 'lơ̆ng ngăl. Na liơ iĕm tơplih lê̆ jing tơm hơmu bri kơnê̆?

Je 8:13

Kră Yang khan: “Tơpă Inh gô iŏk lê̆ đĭ mir pơgar lu sư, tơm hơmu ưh pă đei plei; tơm hơra kư̆m ưh pă plei; hla lu sư gô kro hơlŭng, Dôm tơmam mă Inh đei ăn kơ lu sư boih, Inh gô pơdrâu iŏk đơ̆ng ti lu sư!”

Luka 13:5

Ưh kơ trŏ ôh. Mă-lei dah lu iĕm ưh kơ tơbral kơdih tơdrong yoch, lei đĭ-đăng kơ lu iĕm kư̆m lôch lei-lăi thoi lu sư mơ̆n ning-mônh.”

Luka 3:9

'Bok Kei-Dei sek tơlang kon bơngai, Sư pơlong lăng thoi âu: Sung Sư, Sư 'măn hiă rim kơ tơnơm 'long boih. Dah 'long ayơ ưh kơ đei plei 'lơ̆ng lei 'Bok Kei-Dei gô kăl tŭk 'long noh klơ̆m tơ ŭnh.”

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Galati 5:22

Mă-lei plei Yang Bơhngol 'Lơ̆ng đei: 'Mêm mơnat, chơt hiôk, hơđơ̆ng, kĕ chơ̆n, gơh tơgŭm, iơ̆m dim, tơnăp,a

Philip 4:17

Mă-lei ưh kơ sĭ inh apơi chă iĕm wă kơ iĕm tơgŭm inh ôh. Tơdrong noh inh hiôk tơpă, iĕm tơgŭm inh 'Bok Kei-Dei kư̆m tơgŭm iĕm mơ̆n.

Lu 9:11

Mă-lei 'long hơra tơl khan: Inh gô hŭt lê̆ plei 'ngam 'lơ̆ng inh na năm chă hơtŭt 'bơm pơgơ̆r lu tơm 'long hă?