Luka 13:34 - Sơ̆p Hlabơar Nơ̆r 'Bok Kei-Dei

³⁴ “Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

Luka 13:34 Iomraidhean Croise

Ne 9:26

Mă-lei, lu sư ưh kơ chu kiơ̆ nơ̆r păng sơngah kơ Ih, hŭt lê̆ khôi juăt Ih tơ rŏng păng pơlôch lu bơngai khan lê̆ adrol Ih wă chông ba lu sư brŏk tơ Ih; mă-lei lu sư tơblĕk Ih rai dêh.

Ne 9:30

Ih mơnat kơ lu sư lơ sơnăm, yua Yang bơhngol 'lơ̆ng păng lu 'bok khan lê̆ adrol pơm kơdranh kơ lu sư, mă-lei lu sư ưh kơ wă pơgling đon mơ̆ng, thoi noh Ih pơjao lu sư lăm tơpang ti lu kon pơlei lăm char noh.

Horiso 149:2

Ăn kơ lu bơngai Isơrael chơt hiôk lăm Tơ'ngla mă pơjing lu sư; Hơpơi ăn kơ lu kon sâu Siôn chơt hiôk lăm Pơtao sư.

Horiso 17:8

Apinh Ih bơwei inh thoi bơwei kon-ngai lăm măt Ih, Apinh krôp inh ala pơnăr Ih Kră Yang.

Horiso 36:7

Ơ Kră Yang, tơdrong 'mêm mơnat gĭt pă băt dang yơ! Kon bơngai năm kơ'nơp ala pơnăr Ih.

Horiso 57:1

Ơ Kră Yang 'Bok Kei-Dei! Apinh mơnat kơ inh, apinh mơnat kơ inh; Yua kơ bơhngol inh kơ'nơp tơ lăm Ih. Inh gô kơ'nơp tơ ala pơnăr Ih. Dĭng hloh kơ năr kơnê̆ pă đei.

Horiso 81:13

Ơ! Rŏ kơ lu kon pơlei Inh oei mơ̆ng Inh. Rŏ kơ Isơrael chu yak kiơ̆ trong Inh!

Horiso 91:4

Sư gô pĕng bơwei ih hăm sŏk pơnăr sư. Ih gô kơ'nơp tơ ala pơnăr sư. Tơdrong tơpăt Sư jing khêl păng kơđông kơjăp pĕng ih.

Êsai 30:15

'Nâu Kră Yang, Tơ'ngla 'Lơ̆ng Rơgoh đe Isơrael khan: “Lu iĕm gơh klaih đơ̆ng lu iĕm wơ̆t brŏk dơ̆ng păng pơdơh lăm Inh. Lu iĕm gô đei jơhngơ̆m pran, yua kơ lu iĕm oei hơđơ̆ng păng gơnang kơ Inh. Mă-lei lu iĕm ưh kơ wă kơ thoi noh.

Êsai 50:2

Lơliơ mưh Inh truh ưh kơ đei 'bôh bơngai bu? Mưh Inh krao ưh kơ đei bơngai bu tơl? Ti Inh kơđeh hă na ưh kơ gơh dŏng pơklaih? Dah Inh ưh kơ đei jơhngơ̆m pran wă dŏng pơklaih iĕm hă? 'Nâu wă Inh chrih na đak dơsĭ hrơ̆ hloi. Inh ăn kơ đak krong jing char glă; ka tơ ala đak krong gô lôch đĭ jing 'bâu ôm yua ưh kơ đei đak.

Je 2:30

“Inh đei teh bơtho boih kon sâu lu iĕm ưh kơ yua kiơ. Lu sư kư̆m ưh kơ wă chu Inh bơtho hơmet. Đao lu iĕm kơdih đei pơlôch boih lu bơngai khan lê̆ adrol iĕm thoi dăm-brang oei kăp sa.”

Je 26:23

Lu sư rôp anhăk Uri đơ̆ng Êyiptơ ba tơ pơtao Jêhôiakim. Pơtao pơlôch sư hăm đao gưm klơ̆m lê̆ atâu sư tơ bơsat kon pơlei hmă.

Je 35:14

Nơ̆r Jônađap, kon drŏ-nglo Rêkap bơtho khan kơ kon sâu sư, 'nĕ kơ et huch sik hơmu ôh, lu sư chu boih, truh tơ dang ei lu sư ưh dah huch sik đak hơmu ôh. Lu sư chu kiơ̆ kơ 'bok lu sư pơkă. Bĕ Inh pơma bơtho lu iĕm ling-lang, mă-lei lu iĕm kuă kơ mơ̆ng Inh.

Je 35:17

Thoi noh na Kră Yang mơsêh mơyang Tih Hloh. 'Bok Kei-Dei bơngai Isơrael khan: ‘'Nâu, Inh gô ăn đĭ lu tơdrong răm truh kơ Juđa păng lu kon pơlei Jêrusalem mă Inh khan lê̆ adrol, Inh đei bơtho tơ'bôh boih kơ lu sư; mă-lei lu sư ưh kơ wă mơ̆ng, Inh krao lu sư boih mă-lei lu sư kuă kơ tơl.’ ”

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

Nhom 1:16

Yua kơ thoi noh boih inh nhơ̆m hmoi, na đak măt inh lĕch lơ. Yua kơ lu bơngai râu pơlung jơhngơ̆m inh đĭ ataih boih. Kon sâu inh pơmat-tat, yua kơ jei lu ayăt boih.

Nhom 4:13

Noh đơ̆ng tơdrong yoch lu bơngai khan lê̆ adrol sư păng tơdrong kơnê̆ lu 'bok soi sư. Lu sư tŭk boih pham lu bơngai tơpăt.

Hôsia 11:2

Lu bơngai Isơrael Inh rai krao lu sư, lu sư rai kơdâu ôn ataih đơ̆ng Inh; lu sư kư̆m oei pơyơ̆r tơmam soi kơ rup yang Baal, păng kư̆m oei soh 'long 'bâu phu kơ lu rup yang nai.

Hôsia 11:7

Lu kon pơlei Inh pơkă wă achăng lê̆ Inh ngơ-ngei khan đe krao lu sư wih tơ Kră Yang Tih Hloh, ưh kơ đei bu iung wih.

Jôel 2:23

Ơ lu kon pơlei Siôn, chơt hiôk bĕ 'nă hal bĕ lăm Kră Yang 'Bok Kei-Dei lu iĕm, yua kơ Sư ăn tơdrong tơpăt jur thoi 'mi jruh lăm bơyan, ăn 'mi hrôih lăm bơyan blŭng-a păng ăn 'mi klui lăm bơyan tuch-luch thoi adrol sơ̆.

Sa 1:4

'Nĕ kơ pơm thoi 'bok yă lu iĕm sơ̆ thoi lu 'bok khan lê̆ adrol sơ̆ đei krao lu sư. Kră Yang Tih Hloh đei khan: ‘Dang ei weh bĕ đơ̆ng trong kơnê̆ păng đơ̆ng lu tơdrong pơm kơnê̆.’ Mă-lei lu sư ưh kơ mơ̆ng, kuă kơ mơ̆ng Inh, Kră Yang khan thoi noh.

Mathiơ 22:3

Na sư wơh lu bơngai jang kơ sư năm krao lu bơngai mă sư wơ̆n năm sŏng sa tơ hnam sư, mă-lei lu bơngai mă sư wơ̆n noh ưh kơ wă năm sŏng sa.

Mathiơ 22:6

Lu mơ'nah dơ̆ng rôp lu bơngai jang kơ 'bok pơtao năm krao lu sư ei, blei hiap păng pơlôch hloi.

Luka 15:28

Thoi noh 'nhŏng kơdră sư 'blut lăm jơhngơ̆m. Sư kuă kơ mơ̆t tơ hnam. 'Bă sư lĕch pơlung sư ră,

Luka 19:44

“Lu sư gô blah pơchah pơlei pơla iĕm păng pơlôch lu kon pơlei pơla iĕm. Lu sư blah pơchah pơlei pơla iĕm ưh pă đei tơmo ayơ mă tơklep băl dơ̆ng, yua kơ iĕm ưh kơ băt 'Bok Kei-Dei wă pơklaih iĕm dang ei.”

Luka 23:28

Mă-lei Yêsu hue lăng tơ lu sư păng khan: “Ơ lu drŏ-kăn Pơlei Jêrusalem, iĕm 'nĕ pă hmoi kơ Inh. Iĕm athei hmoi kơ lu tơduă iĕm păng đe kon iĕm đĕch.

Jang 7:52

Lu 'bok kơdră iĕm sơ̆ pơm kơnê̆ areh kơ đĭ-đăng bơngai pơtruh nơ̆r 'Bok Kei-Dei. Lu 'bok kơdră iĕm sơ̆ pơlôch lu bơngai mă pơkă lê̆ hơdrol kơ tơdrong 'Bok Krist bơngai mă 'lơ̆ng tơpăt wă truh. Na Sư truh boih mă-lei iĕm plĕch kơ Sư păng pơlôch Sư hloi.

Jang 7:59

Klaih kơ noh lu sư klơ̆m Êtien păng tơmo, wă kơ Êtien lôch. Lăp đơ̆ng ei, Êtien sư krao khan thoi âu: “Ơ Kră Yang Yêsu, apinh Ih iŏk bơhngol inh.”

Jang 8:1

Đơ̆ng rŏng kơ đe pơlôch Êtien ei, lu bơngai ưh kơ lui pơm lơ tơdrong kơnê̆ kơ lu bơngai lui kiơ̆ kơ Yêsu tơ Pơlei Jêrusalem. Na đĭ-đăng lu bơngai lui ei jăk tơklah tơklang jơ̆p-jang kơ dêh Juđê păng dêh Samari. Pôm lu jơ̆ng 'bang Yêsu đĕch ưh kơ jăk.

Both 32:29

Tơdah lu sư gơh hơgei, lei lu sư hlôh boih tơdrong âu păng băt tôch ning-mônh sư thoi yơ.

Both 5:29

Ô tơdah lu kon pơlei âu đei jơhngơ̆m hli yom kơ Inh hăm wei răk dôm lu nơ̆r Inh tơtă ling-lang lu sư păng kon sâu lu sư gơh đei tơdrong pŭn hiôk ling-lang.

Tơdrông Tơ'bôh 11:8

Bre sư pơ̆k lôch 'bơ̆t tŏk-bŏk trong pơlei tih, mă đe anăn ngôi Pơlei Sôđôm hăm dêh Êyiptơ, pơlei mă đe pơ̆ng pơlôch Yŏng bre sư tơ 'long pơglang sơ̆.

Ru 2:12

Hơpơi kơ Kră Yang 'mong ăn kơ ih dôm tơdrong 'lơ̆ng ih đei pơm, ih gô năm kơ'nơp ala pơnăr Kră Yang 'Bok Kei-Dei đe Isơrael.