Luka 13:32 - Sơ̆p Hlabơar Nơ̆r 'Bok Kei-Dei

³² Na Yêsu khan: “Iĕm jah năm tơ 'bok hơlĕnh pơdăr noh khan kơ sư thoi âu: ‘Năr âu păng dơning Inh chă pơpuh yang kơnê̆ păng chă pơklaih đe jĭ jăn. Na năr dơmônh Inh đang tơdrong jang Inh boih.’

Luka 13:32 Iomraidhean Croise

Hơri Hiôk 2:15

Rôp bĕ lu mơja kơ ba. Lu kon mơja pơrăm pơgar hơmu, Yua kơ hơmu ba tŏk-bŏk wă pơkao.

Êsêkiên 13:4

Ơ bơngai Isơrael, lu 'bok khan lê̆ adrol iĕm ưh kơ yua kơ kiơ nhen thoi mơja oei lăm anih pơchah pơchek.

Jêphania 3:3

Lu kuan tih mă oei pơgơ̆r lu sư thoi dăm-brang hơrum, lu kră sek tơlang lu sư thoi kŏ-so sa pơgoh kơmăng, ưh kơ đei 'măn lê̆ kơ pơgê dơning.

Markôs 6:14

Pơtao Hêrôt kơtơ̆ng ang tơdrong Yêsu, yua kơ đe ư-ang anăn Yêsu. Na lu mơ'nah khan Yôhan bơngai mă pơm 'batem kơ đe, sư lôch boih na dang ei sư iung arih dơ̆ng. Thoi noh na sư gơh pơm tôm tơdrong mơsêh âu.

Yo 10:32

Na Yêsu khan hloi: “Iĕm 'bôh Inh pơm lơ tơdrong mơsêh 'lơ̆ng ngăl boih. 'Bă Inh ăn kơ Inh pơm dôm tơdrong noh. Na iĕm wă klơ̆m Inh păng tơmo yua kơ Inh pơm dôm tơdrong 'lơ̆ng mă 'Bă Inh ăn kơ Inh pơm noh hă?”

Yo 19:30

Trip sik 'nhŭ ei boih, Yêsu khan: “Dôm tơdrong đang boih.” Na Sư kŭp kơ̆l, pơjao bơhngol Sư kơ 'Bok Kei-Dei, kơtĕch jơhngơ̆m hloi.

Hêbrơ 2:10

'Bok Kei-Dei pơjing tôm tơdrong. Tôm tơdrong Sư pơjing, noh Sư wă kơ đe ư-ang kơ Sư. Thoi noh na trŏ kơ Sư ăn kơ Yêsu đei tơdrong pơmat-tat, wă kơ Yêsu iŏk tôm tơdrong thoi kon bơngai bơ̆n wă kơ Sư gơh anhăk ba lơ bơngai klaih đơ̆ng tơdrong yoch. Thoi noh na đĭ-đăng lu kon Sư nai kư̆m hiôk lei-lăi thoi Yêsu.

Hêbrơ 5:9

Sư pơm dôm tơdrong tơnen 'blep thoi 'Bok Kei-Dei, na 'Bok Kei-Dei ăn kơ Sư pơm tơm gah tơdrong dŏng pơklaih dôm lu bơngai mă băt chu kơ Kon Sư, đơ̆ng tơdrong phak ăn arih ling-lang,

Hêbrơ 7:28

Tơdrong juăt sơ̆ 'Bok Kei-Dei pôk kon bơngai pơm 'bok soi tih, pôk tă kơ lu kon bơngai bơ̆n rơdu tơrăn ngăl. Mă-lei đơ̆ng rŏng kơ 'Bok Kei-Dei ăn tơdrong juăt noh, 'Bok Kei-Dei pơkă kơjăp tơpă pôk Kon Sư kơdih pơm 'bok soi hloi, Kon Sư pơm tôm tơdrong 'blep trŏ ling-lang.