Luka 13:15 - Sơ̆p Hlabơar Nơ̆r 'Bok Kei-Dei

¹⁵ Kră Yang Yêsu tơl 'bok ei: “Ơ lu bơngai 'bơ̆r đak klak ŭnh, lăm năr pơdơh đĭ-đăng kơ iĕm yaih tơlĕch rơmo aseh iĕ iĕm puh pơnhă sư tơ đak.

Luka 13:15 Iomraidhean Croise

Jop 34:30

Ưh kơ ăn lu bơngai pơm kơnê̆ pơgơ̆r, păng ưh kơ ăn lu sư hơ'năk kơ kon pơlei hơđong.

Tơdrông Pơđơk 11:9

Bơngai kơnê̆ pơma wă pơrăm lu rông 'bôt sư, Mă-lei lu bơngai hơgei đei đon tơpăt gơh klaih.

Êsai 29:20

Lu bơngai pơm kơnê̆ gô lôch đĭ, lu bơngai che bơle pơjăm đe gô lôch hiong đĭ, lu bơngai răp pơm tơdrong kơnê̆ gô kăl tơpăk đĭ.

Mathiơ 15:14

Na iĕm 'nĕ mah hiơ̆k tơdrong sư ơh noh, yua kơ lu sư bơngai bơtho đe ră mă-lei dang bơngai măt tol. Dah bơngai măt tol chông ba bôl sư măt tol bre sư nơnăm gô huŏng tơ sơlŭng đĕch ưh kơ yua kiơ kơ bre sư ôh.”

Mathiơ 15:7

Ơ lu bơngai 'bơ̆r đak klak ŭnh, Êsai chih nơ̆r 'Bok Kei-Dei khan lê̆ hơdrol sơ̆ thoi âu na 'blep kơ iĕm dang ei tơpă:

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Mathiơ 23:28

Đe lăng akâu akar iĕm gah 'ngoaih kư̆m thoi noh mơ̆n, rŏ kơ bơngai pơm 'lơ̆ng kơ đe, mă-lei lăm to iĕm ling-lang kơ hơlĕnh păng pơm kơnê̆ kơ đe.

Mathiơ 7:5

Ơ bơngai 'bơ̆r đak klak ŭnh, iĕm iŏk tŭk 'long tih đom lăm klong măt iĕm 'mơ̆i na iĕm gơh 'bôh hơdah iŏk tŭk 'bruih iĕ đom lăm klong măt 'nhŏng oh iĕm.

Luka 12:1

Klaih kơ noh đei lơ rơbâu 'nu bơngai akŭm tơ Yêsu truh kơ lu sư mah tơhmĕt tơhmot dih băl. Na Yêsu pơma kơdrô̆ kơ lu bơngai pơhrăm păng Sư thoi âu: “Iĕm athei kơchăng kơ lu bơngai Pharisi hŏ yua kơ lu sư bơngai 'bơ̆r đak klak ŭnh.

Luka 14:5

Đơ̆ng noh Yêsu khan kơ lu đe ei: “Dah iĕm đei kon iĕm dah rơmo iĕm huŏng tơ sơlŭng đak lăm năr pơdơh, iĕm jur iŏk sư lăm năr pơdơh hloi mơ̆n dah kiơ?”

Luka 6:42

Lơliơ iĕm pơ̆n khan kơ 'nhŏng oh iĕm khan: Lê̆ inh iŏk 'bruih đom lăm klong măt ih, lăm klong măt iĕm kơdih 'long tih oei đom ră mă-lei kơdih iĕm ưh kơ mơn? Ơ bơngai 'bơ̆r đak klak ŭnh, iĕm iŏk tŭk 'long tih đom lăm klong măt iĕm 'mơ̆i wăi, na iĕm gơh 'bôh hơdah iŏk tŭk 'bruih iĕ đom lăm klong măt 'nhŏng oh iĕm.

Luka 7:13

Lăp Kră Yang Yêsu 'bôh mĕ sư ei, 'brơ̆k mơnat, na Sư khan: “Ih 'nĕ pă hmoi.”

Luka 7:19

Đơ̆ng noh na Yôhan krao 'bar 'nu bơngai pơhrăm păng sư, wơh bre sư năm tơ Kră Yang Yêsu wă jet Sư thoi âu: “Ih hăm trŏ kơ 'Bok Krist mă Yôhan khan gô truh, dah nhôn oei gô bơngai nai dơ̆ng?”