Luka 13:14 - Sơ̆p Hlabơar Nơ̆r 'Bok Kei-Dei

¹⁴ Kră wei-lăng hnam akŭm ei 'bôh thoi noh na sư hil dêh yua kơ Yêsu pơklaih đe lăm năr pơdơh Sa'bat wă khan năr giĕng. Na 'bok ei khan kơ lu kon pơlei pơla mă oei akŭm 'bơ̆t ei thoi âu: “Lăm minh 'măng giĕng đei tơdrâu năr bơ̆n gơh jang, iĕm athei năm tơ âu ming akâu iĕm lăm tơdrâu năr ei đĕch. Iĕm ưh kơ gơh ming akâu iĕm lăm năr pơdơh Sa'bat ôh.”

Luka 13:14 Iomraidhean Croise

Le 20:9

Iĕm athei pơm đĭ tơdrong jang kơdih lăm tơdrâu năr.

Le 23:12

Lăm rim giĕng ih athei bơ̆jang lăm tơdrâu năr, sơmă truh kơ năr mă tơpơh athei pơdơh, wă kơ rơmo păng aseh iĕ ih gơh pơdơh mơ̆n; hăm kon đĭch đam drŏ-kăn păng bơngai tơmoi gơh pơdơh jơhngơ̆m rơhơi.

Êsêkiên 20:12

Inh ăn boih kơ lu sư năr giĕng Sa'bat wă pơm tơdra tŏk-bŏk lu sư hăm Inh, wă kơ lu sư băt Inh boih Kră Yang pơm kơ lu sư rơgoh.

Êsêkiên 34:21

Lu iĕm yua kơiĕng păng hơngiĕng na tŭn, iŏk hơke tơ̆m lu triu tơrăn dĭng mah lu sư jing tơklah tơklang.

Lêwi 23:3

Đe gô bơ̆jang lăm tơdrâu năr; mă-lei năr tơpơh, noh năr Sa'bat, năr đe pơdơh wă khan năr akŭm kơkuh 'lơ̆ng rơgoh. 'Nĕ kơ bơ̆jang kiơ; noh năr Sa'bat kơ Kră Yang tơ lăm jơ̆p-jang anih lu iĕm.

Mathiơ 12:2

Lu bơngai Pharisi 'bôh thoi noh na khan kơ Yêsu: “Ih lăng, lu bơngai pơhrăm păng Ih pơm ưh kơ trŏ lăm năr pơdơh, năr pơdơh khan jang.”

Markôs 5:22

Tơ ei đei minh 'nu kră wei-lăng hnam akŭm đe Juđê lăm pơlei kiơ̆ ei, sư năm tơ Yêsu. Anăn sư Jairut. Lăp sư truh tơ Yêsu 'bok ei 'nap 'bơ̆t anăp Sư.

Luka 6:11

Na lu 'bok thây păng lu bơngai Pharisi ei areh tơpă kơ Yêsu păng pơđâu chă tơdrong wă pơm kơ Yêsu.

Luka 6:7

Na lu thây bơtho tơdrong juăt đe Juđê păng lu bơngai Pharisi răp lăng Yêsu hăm ming pơklaih sư dah ưh kơplah lăm năr pơdơh Sa'bat. Dah sư pơklaih bơngai ti kue noh lei lu sư wă jô̆ kơ Yêsu bơngai yoch yua kơ lu sư khan lăm năr pơdơh Sa'bat ưh kơ gơh jang păng ưh kơ gơh pơklaih bơngai jĭ jăn ôh.

Luka 8:41

Đei minh 'nu bơngai năm tơ Yêsu. Sư ei bơngai kră wei-lăng hnam akŭm đe Juđê lăm pơlei kiơ̆ ei. Anăn sư Jairut. Sư 'nap 'bơ̆t jơ̆ng Yêsu na apinh Yêsu năm tơ hnam sư,

Jang 13:15

Đang kơ đe đŏk hla bơar tơdrong juăt 'Bok Kei-Dei pơkă păng tơdrong bơngai pơtruh nơ̆r 'Bok Kei-Dei boih, na lu kră wei-lăng lăm hnam akŭm lu đe Juđê khan kơ bre sư: “Ơ bre 'nhŏng oh, tơdah biĕm đei tơdrong wă bơtho kơ kon pơlei pơla, bơtho bĕ.”

Jang 18:17

Lu kon pơlei pơla ưh kơ khŭl Juđê rôp minh 'nu lăm khŭl Juđê ei anăn sư Sôten. Sư kră hnam akŭm bơngai Juđê. Lu sư teh hloi Sôten 'bơ̆t anăp lu kră sek tơlang. Na Galiôn sư ưh kơ tang găn ôh.

Jang 18:8

Kripơ kră wei-lăng hnam akŭm bơngai Juđê, sư tam mă lui kơ Kră Yang Yêsu na đơ̆ng Pôl bơtho sư, na sư păng đĭ-đăng hnam dơnŏ sư kư̆m lui mơ̆n. Kư̆m đei lơ bơngai nai dơ̆ng lăm Pơlei Kôrintô mơ̆ng Pôl bơtho lu sư, na lu sư lui hloi kơ Kră Yang Yêsu păng iŏk 'batem.

Rom 10:2

Inh băt mơ̆n lu sư adrin kiơ̆ tơdrong 'Bok Kei-Dei; mă-lei inh hli kơ lu sư kiơ̆ ưh kơ 'blep thoi 'Bok Kei-Dei wă.

Both 5:13

Iĕm athei bơ̆jang lăm tơdrâu năr đĕch;