Luka 13:12 - Sơ̆p Hlabơar Nơ̆r 'Bok Kei-Dei

¹² Lăp Yêsu 'bôh bơngai drŏ-kăn ei, Sư khan: “Ơ yă, Inh pơklaih ih boih.”

Luka 13:12 Iomraidhean Croise

Horiso 107:20

Sư tơlĕch nơ̆r păng pơklaih jĭ lu sư, Sư dui hơtŏk lu sư đơ̆ng sơlŭng bơsat.

Êsai 65:1

Lu bơngai mă ưh kơlah krao apinh Inh, na Inh pơdah akâu kơ lu sư bơih. Lu bơngai mă ưh kơlah chơchă Inh na tơ'bơ̆p Inh bơih. Inh khan hăm minh adrĕch adrung kon pơlei nai ưh kơ đei krao chă anăn Inh: “Inh tơ âu, Inh tơ âu!”

Jôel 3:10

Iŏk bĕ pla 'nhik pơm đao gưm, iŏk săng kô pơm tơbăk. Lu bơngai tơrăn athei khan bĕ thoi âu: ‘Inh âu pran kơtang!’

Mathiơ 4:23

Yêsu năm jơ̆p-jang kơ dêh Galilê bơtho đe tơ lăm hnam akŭm đe Juđê gah tơdrong 'nao 'lơ̆ng 'Bok Kei-Dei wă pơgơ̆r bơ̆n păng Sư pơklaih rah dôm tơdrong jĭ jăn kon pơlei pơla pơmat-tat.

Mathiơ 8:16

Lăp 'năr mơ̆t adrơ̆m kơsơ̆ ei đei lơ bơngai năm ba lu bơngai yang kơnê̆ mơ̆t pơm kơ sư wơnh. Na Yêsu pơma kơ lu yang kơnê̆ lăp minh nơ̆r đĕch, mă-lei lu yang kơnê̆ lĕch jăk hloi đơ̆ng akâu lu bơngai noh. Păng Sư kư̆m pơklaih dôm lu bơngai jĭ jăn nai.

Luka 13:11

Lăm hnam akŭm ei đei minh 'nu drŏ-kăn yang mơ̆t pơm kơ sư jĭ đĭ mơjĭt-tơhngam sơnăm boih, na sư jing kơdŭ grŏn pơm kơ sư pă gơh dơ̆ng tơpăt.

Luka 13:13

Đơ̆ng noh Yêsu pel hloi akâu sư na kơtă ei 'mrah jing gơh dơ̆ng tơpăt hloi. Na sư hloi pơma pơư pơang 'Bok Kei-Dei.

Luka 13:16

Na bơngai drŏ-kăn âu, sư kư̆m kon sâu Abraham thoi bơ̆n mơ̆n, mă-lei yang Satan dang kron sư ki mơjĭt-tơhngam sơnăm boih. Na Inh wă tơlĕch sư lăm năr pơdơh kư̆m trŏ tơpă.”