Luka 13:11 - Sơ̆p Hlabơar Nơ̆r 'Bok Kei-Dei

¹¹ Lăm hnam akŭm ei đei minh 'nu drŏ-kăn yang mơ̆t pơm kơ sư jĭ đĭ mơjĭt-tơhngam sơnăm boih, na sư jing kơdŭ grŏn pơm kơ sư pă gơh dơ̆ng tơpăt.

Luka 13:11 Iomraidhean Croise

Jop 2:7

Thoi noh Satan weh đơ̆ng anăp Kră Yang, na sư pơm pơmat hloi Jop đei tơ'boch đuh đơ̆ng tơpang jơ̆ng truh tơ kơ̆l.

Horiso 145:14

Kră Yang, dŏng tơiung lu bơngai pơ̆k huŏng. Păng pơdơ̆ng tơpăt lu bơngai gu kơdŭ.

Horiso 146:8

Kră Yang pơih ăn kơ lu bơngai măt tol gơh hơdah. Kră Yang 'bơ̆ tơpăt lu bơngai kơdŭ grŏn, Kră Yang 'mêm kơ lu bơngai tơpăt;

Horiso 38:6

Inh drap kŭp kơ̆l tơ teh; Prăt năr inh yak lăm ơh sơ'ngon,

Horiso 42:5

Ơ bơhngol inh, yua kơ kiơ ih rơdu klai păng rŭng răng lăm akâu inh. Chang hơmĕng bĕ kơ Kră Yang 'Bok Kei-Dei, Inh oei bơnê ư-ang kơ Sư. Kră Yang 'Bok Kei-Dei Tơ'ngla dŏng pơklaih inh.

Horiso 6:2

Ơ Kră Yang, apinh Ih mơnat kơ inh, yua kơ inh rơdu tơrăn; Ơ Kră Yang, pơklaih inh, yua kơ kơting inh tơtơ̆.

Mathiơ 4:23

Yêsu năm jơ̆p-jang kơ dêh Galilê bơtho đe tơ lăm hnam akŭm đe Juđê gah tơdrong 'nao 'lơ̆ng 'Bok Kei-Dei wă pơgơ̆r bơ̆n păng Sư pơklaih rah dôm tơdrong jĭ jăn kon pơlei pơla pơmat-tat.

Markôs 9:21

Yêsu jet 'Bă sư: “Sư thoi âu tam đunh ưh?” 'Bă sư khan: “Đơ̆ng sư oei iĕ sơ̆.

Luka 13:12

Lăp Yêsu 'bôh bơngai drŏ-kăn ei, Sư khan: “Ơ yă, Inh pơklaih ih boih.”

Luka 13:16

Na bơngai drŏ-kăn âu, sư kư̆m kon sâu Abraham thoi bơ̆n mơ̆n, mă-lei yang Satan dang kron sư ki mơjĭt-tơhngam sơnăm boih. Na Inh wă tơlĕch sư lăm năr pơdơh kư̆m trŏ tơpă.”

Luka 21:28

Lăp iĕm pơtơm 'bôh dôm tơdrong noh hei na iĕm hiôk chơt, yua kơ 'Bok Kei-Dei wă dŏng pơklaih iĕm boih.”

Luka 8:2

Na kư̆m đei lu drŏ-kăn năm hơdai lu sư mơ̆n. Lu drŏ-kăn noh sơ̆ đơ̆ng đêl Yêsu pơklaih lơ tơdrong jĭ lu sư, kư̆m đei pơpuh lu yang kơnê̆ đơ̆ng lu sư mơ̆n. Lu đe noh anăn lu sư: Mari đơ̆ng Pơlei Mađơla. Bơngai noh sơ̆ Yêsu pơpuh tơpơh tŏ yang kơnê̆ đơ̆ng sư.

Luka 8:27

Lăp Yêsu jur đơ̆ng thŏng-nan Sư tơ'bơ̆p hloi minh 'nu bơngai pơlei noh, bơngai yang mơ̆t. Sư pă lah hrŭk hơbĕn ao boih. Sư pă wă oei tơ hnam boih, sư oei tơ bơsat đĕch.

Luka 8:43

Đei minh 'nu bơngai drŏ-kăn tuh pham mơjĭt-'bar sơnăm boih. Sư apah đe ming akâu sư tĕch đĭ mŭk tơmam sư ră mă-lei ưh kơ klaih ôh.

Jang 3:2

Đei minh 'nu bơngai hơwen hơwo đơ̆ng nge, đơ̆ng mĕ sư tơpŭ. Rim năr đei bơngai năm tung ba sư tơ hnam akŭm 'Bok Kei-Dei tơm tơoei sư 'bơ̆t 'măng tơm. 'Măng tơm ei đe anăn 'Măng Tơm 'Lơ̆ng Rŏ. Na bơngai hơwen hơwo ei apinh jên lu bơngai năm akŭm.

Jang 4:22

Bơngai đêl hơwen hơwo ei sư hloh puăn-jĭt sơnăm boih.