Luka 12:7 - Sơ̆p Hlabơar Nơ̆r 'Bok Kei-Dei

⁷ Mă sŏk bơ̆n 'Bok Kei-Dei kư̆m jô̆ băt tôm. Thoi noh na iĕm 'nĕ kơ hli. 'Bok Kei-Dei 'mêm kơ iĕm hloh kơ sư 'mêm kơ sem rĕch.

Luka 12:7 Iomraidhean Croise

II Sam 14:11

Drŏ-kăn ei khan dơ̆ng: “Apinh pơtao krao apinh Kră Yang 'Bok Kei-Dei ih găn wă kơ lu bơngai pơm 'mong huay kơ iung kơting ưh pă pơrăm păng pơlôch kon drŏ-nglo inh.” Pơtao tơl: “Inh pao anăn Kră Yang arih ling-lang na pơkă khan, minh ioi sŏk đơ̆ng kơ̆l kon drŏ-nglo ih gô ưh kơ đei hơlŭng tơ teh!”

Jop 35:11

Sư ăn kơ lu bơ̆n đei đon hơgei hloh kơ lu sem brem, Ăn kơ lu bơ̆n gơh hơgei hloh kơ lu sem păr.”

Horiso 8:6

Ih jao ăn kơ kon bơngai pơgơ̆r wei-lăng dôm tơmam đơ̆ng tơpang ti Ih pơjing, ăn kơ lu kon sem, tơmam chu đep tơ ala jơ̆ng kon bơngai.

Mathiơ 12:12

Minh kơ̆l bơngai kăl hloh kơ minh pôm triu; thoi noh na tơdrong juăt bơ̆n mă lăm năr pơdơh Sa'bat gơh tơgŭm pơklaih bơngai jĭ jăn.”

Mathiơ 6:26

Iĕm lăng lu sem păr, sư ưh kơ đei pơtăm 'ba, ưh kơ đei kĕch 'măn lê̆ tơ kŭ ôh, mă-lei 'Bă bơ̆n mă oei tơ plĕnh ti kư̆m hiĕm 'me sư mơ̆n. Pơma kiơ kơ iĕm, 'Bă bơ̆n tơ plĕnh ti Sư 'mêm kơ iĕm hloh kơ lu sem păr tơpă.

Luka 21:18

Mă-lei gah tơdrong arih ling-lang, iĕm ưh kơ hiong kiơ ôh, mă khan minh dăng sŏk kư̆m ưh kơ hiong mơ̆n.

Jang 27:34

Na dang ei inh wă kơ bơ̆n sŏng sa wă kơ bơ̆n pran huay kơ rơmơ̆n. Iĕm 'nĕ pă mah hli dêh hŏ, inh băt ưh kơ đei bu jĭ kiơ ôh.”

I Sam 14:45

Mă-lei kon pơlei tơl Sôl khan: Ưh ôh! Jônathan jơ̆ bơngai pơm ăn boih kơ bơngai Isơrael kĕ jei dang 'noh, liơ mă gơh trŏ kơ lôch? Tơdrong 'noh ưh kơ gơh! Nhôn apinh Kră Yang arih na pơm kơdranh kơ bơ̆n pơkă khan mă minh ioi sŏk kơpal kơ̆l sư kư̆m ưh kơ đei hơlŭng tơ teh; sư mă gơh kĕ jei năr âu noh đơ̆ng Kră Yang 'Bok Kei-Dei tơgŭm sư. Thoi noh kon pơlei dŏng Jônathan klaih đơ̆ng tơdrong wă pơlôch.