Luka 12:48 - Sơ̆p Hlabơar Nơ̆r 'Bok Kei-Dei

⁴⁸ Dôm lu đĭch đam mă ưh kơ băt kơ nơ̆r yŏng sư ată, na ưh kơ pơm kiơ̆, yŏng sư kư̆m gô tôn teh mơ̆n, mă-lei lăp lăp 'biơ̆. Bơngai bu yŏng sư ăn jang tih hloh kơ đe, bơngai noh, dah sư ưh kơ chu, yŏng sư gô phak sư kơtang hloh kơ đe.

Luka 12:48 Iomraidhean Croise

Lêwi 5:17

Tơdah bu mă pơm glăi minh tơdrong lăm dôm lu nơ̆r tơtă Kră Yang khă kuă ăn kơ pơm, mă khan sư ưh kơ băt ôh kơ tơdrong noh, lei bơngai noh kư̆m yoch bơih păng gô pŭ iŏk tơdrong yoch sư.

Jo 15:27

Tơdah đei minh 'nu glăi hơch 'bơm pơm yoch, sư athei pơyơ̆r minh pôm bơbe akăn truh minh sơnăm pơm tơmam soi huai tơdrong yoch;

Mathiơ 13:12

Bơngai bu hlôh, 'Bok Kei-Dei gô pơthim ăn kơ sư hlôh hloh kơ noh na sư gô hlôh tơpă. Bơngai bu ưh kơ wă mơ̆ng, bơngai noh rai hiong dôm tơdrong sư hlôh.

Mathiơ 23:14

Ơ lu thây bơtho đe Juđê păng lu bơngai kiơ̆ tơdrong Pharisi, ning-mônh iĕm pơmat-tat dêh yua kơ iĕm bơngai 'bơ̆r đak klak ŭnh. Iĕm chă pơgŏ iŏk tơmam lu drŏ-kăn adro păng pơm pơrŏ akâu krao khan kơ 'Bok Kei-Dei đunh wă kơ đe jô̆ iĕm khan bơngai 'lơ̆ng. Iĕm pơm thoi noh, ning-mônh 'Bok Kei-Dei phak iĕm hloh kơ lu bơngai nai.

Luka 12:41

Na Pêtrôs khan: “Ơ 'Bok, Ih pơtih gia noh kơ nhôn đĕch dah Ih pơtih gia noh kơ đĭ-đăng bơngai?”

Luka 12:49

“Dang ei Inh jur dang lĕ wă soh teh âu, na Inh ưh kơ hiôk tơ̆p truh ŭnh sa.

Luka 16:2

Na bơngai mơdrŏng ei krao sư na khan: ‘Đe khan kơ ih đei tơdrong, na mă inh krao ih tơ âu. Inh wă kơ ih jô̆ đĭ dôm tơmam inh, inh ưh pă ăn kơ ih jang pơm đam kơiĕng inh boih.’

Yo 15:22

“Dah Inh ưh kơ năm bơtho lu sư lei lu sư ưh kơ hil kơ Inh ôh. Mă-lei dang ei lu sư hil kơ Inh păng kuă kơ lui kơ tơdrong Inh bơtho na lu sư chă tơdrong yoch tơpă.

Jang 17:30

Sơ̆ Kră Yang 'Bok Kei-Dei huay kơ jô̆ kơ kon bơngai yua kơ kon bơngai ưh kơ băt kơ Sư. Mă-lei dang ei Sư athei đĭ-đăng bơngai jơ̆p kơ teh đak tơbral dôm tơdrong yoch sư kơdih,

Both 25:2

Dah bơngai pơm yoch trŏ kơ teh tôn, kră sek tơlang athei bơngai noh 'bĭch kơmŭ brum tơ teh, teh tôn bơngai noh 'bơ̆t anăp sư hơdôm wơ̆t kiơ̆ kơ tơdrong yoch bơngai noh pơm;

I Tim 1:11

Tơdrong 'lơ̆ng tơpăt noh tơdrong 'nao 'lơ̆ng 'Bok Kei-Dei. 'Bok Kei-Dei ăn kơ inh bơtho tơdrong 'nao 'lơ̆ng Sư. Sư boih mă hiôk-hian ling-lang. Sư Kră Yang tih hloh.

I Tim 1:13

Mă inh pơma kơnê̆ kơ Sư sơ̆, inh pơjăm Sư păng pơm kơnê̆ kơ lu bơngai lui kơ Sư, mă-lei Sư rơih iŏk inh mơ̆n. 'Bok Kei-Dei mơnat kơ inh sơ̆ kơlih kơ inh tam mă lui kơ Kră Yang Yêsu, na inh ưh kơ tơtĭnh dôm tơdrong 'noh kơnê̆.

I Tim 6:20

Ơ Timôthê, ih athei wei dôm lu nơ̆r inh pơkă kơ ih âu hŏ păng ih 'nĕ ăn kơ đe tơplih nơ̆r pơma âu. Păng ih 'nĕ kơ năm mơ̆ng lu bơngai năm bơtho tơdrong 'Bok Kei-Dei mơ̆n mă ưh kơ trŏ yua kơ sư bơtho ưh kơ trŏ thoi bơ̆n ôh. Lu sư bơtho ưh kơ lei-lăi, sư bơtho kư̆ kă đĕch, mă-lei sư khan sư bơtho trŏ tơpă.

Ya 3:1

Ơ lu 'nhŏng oh, iĕm 'nĕ ăn lu buăl bơ̆n pơm 'bok bơtho tơdrong 'Bok Kei-Dei lơ dêh hŏ. Iĕm băt boih lu nhôn 'bok bơtho iĕm, dah lu nhôn ưh kơ bơtho khan kơ iĕm pơm mă 'blep trŏ, ning-mônh 'Bok Kei-Dei sek tơlang lu nhôn hloh loi kơ lu bơngai nai.