Luka 12:26 - Sơ̆p Hlabơar Nơ̆r 'Bok Kei-Dei

²⁶ Tơ̆ng iĕm nŏng kơ tơchĕng dang noh ră mă-lei ưh kơ tơgŭm iĕm arih đunh 'biơ̆ hơya minh năr, lei iĕm mah nŏng kơ kiơ kơ tơchĕng gah tơdrong nai dơ̆ng.

Luka 12:26 Iomraidhean Croise

Horiso 39:6

Tơpă rim 'nu yak năm, thoi lĕ kơ yơ̆p. Sư bơ̆jang gleh lap, tơdrong kơ đei. Bơngai mă mong mŭk tơmam, mă-lei ưh kơ băt bu wă iŏk yua.

Bôk Bơthô 7:13

Lăng bĕ tơdrong jang Kră Yang 'Bok Kei-Dei. Tơmam kiơ sư gŭt pơđŏng yŏng kiơ kĕ 'bơ̆ tơpăt.

Mathiơ 6:25

“Yua kơ thoi noh na Inh wă khan kơ iĕm, 'nĕ tơchĕng kơ tơmam sŏng sa, 'nĕ tơchĕng kơ hơbĕn ao hrŭk. 'Bok Kei-Dei gơh pơjing iĕm arih, Sư kư̆m băt ăn kơ iĕm tơmam sa mơ̆n, Sư kư̆m băt ăn kơ iĕm hơbĕn ao hrŭk mơ̆n.

Luka 12:25

Iĕm tơchĕng dêh gah tơdrong arih, mă iĕm nŏng tơchĕng dang yơ gah tơdrong arih noh ră, kư̆m ưh kơ đei yua tơgŭm iĕm arih đunh 'biơ̆ hơya minh năr ôh.

Luka 12:27

Iĕm lăng lu pơkao 'nhĕt tơ bri brah. Sư ưh kơ bơ̆jang, sư ưh kơ tanh sĭt hơbĕn ao sư kơdih ôh, mă-lei bơ̆n lăng sư 'lơ̆ng dêh. Inh khan kơ iĕm tơpă, pơtao Sôlômôn sơ̆ sư mơdrŏng tih tơpă mă-lei hơbĕn ao sư ưh kơ mah 'lơ̆ng tơ̆l dang pơkao 'nhĕt bri brah ôh.

Luka 12:29

“Iĕm 'nĕ pă tơchĕng khan: Bơ̆n wă sa kiơ, nhă kiơ? Iĕm 'nĕ kơ mah hăt kơ tơdrong noh.

I Pet 5:7

Bơ̆n athei pơjao kơ Sư dôm tơdrong bơ̆n sơ'ngon jơ̆l hăt phăt-ol, yua kơ Sư wei-lăng bơ̆n.