Luka 12:21 - Sơ̆p Hlabơar Nơ̆r 'Bok Kei-Dei

²¹ Kră Yang Yêsu khan dơ̆ng thoi âu: “Tơdrong âu wă pơtih gia kơ dôm lu bơngai hăt kơ mŭk tơmam ala teh, ưh kơ wă tơchĕng gah tơdrong 'Bok Kei-Dei.”

Luka 12:21 Iomraidhean Croise

Tơdrông Pơđơk 13:7

Đei mơ'nah pơrŏ pơm mơdrŏng, mă-lei ưh kơ đei kiơ. Đei mơ'nah pơm dơnuh hin, mă-lei đei mŭk tơmam lơ.

Hôsia 10:1

Bơngai Isơrael sơ̆ thoi minh tơnơm hơmu hơdrih 'lơ̆ng, plei sư trem. Lăp plei sư rai trem lơ, lu sư kư̆m pơdơ̆ng chơnang soi rai lơ; kiơ̆ thoi lu sư chăt rai lơ rai mơdrŏng lăm char sư, lu sư pơm rup yang rai lơ thoi noh mơ̆n.

Habakuk 2:9

Răm-'băm tơpă kơ lu bơngai bu jang sa ưh kơ tơpăt chă lơi kơ hnam dơnŏ kơdih akâu, wă pơm tơpu tơ kơpal kơjung, wă kơ klaih đơ̆ng ti lu bơngai pơm kơnê̆.

Luka 12:33

Tĕch tơmam iĕm na tơgŭm lu bơngai dơnuh hin, na iĕm gô đei jên mă huay kơ hiong hiach oei 'măn lê̆ kơ iĕm tơ plĕnh ti. Tơ ei ưh kơ đei bơngai bu mă gơh tơtông iŏk dơ̆ng ôh. Tơ ei mua kư̆m ưh kơ gơh reh ngơ̆r tơmam iĕm mơ̆n.

Luka 16:11

Dah iĕm ưh kơ pơm tơpăt tơdrong wei-lăng mŭk tơmam ala teh âu, lei 'Bok Kei-Dei kư̆m ưh kơ wă ăn kơ iĕm wei-lăng mŭk tơmam tơ kơpal plĕnh ti mơ̆n.

Luka 6:24

“Mă-lei lu iĕm mă mơdrŏng dang ei, ning-mônh iĕm pơmat-tat dêh. Lu iĕm hiôk dang ei đĕch, ning-mônh iĕm ưh pă hiôk boih.

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

II Kor 6:10

Đe lăng nhôn đei tơdrong sơ'ngon, mă-lei nhôn hiôk chơt ling-lang; đe lăng nhôn bơngai dơnuh, mă-lei đei lơ bơngai mơdrŏng yua kơ nhôn; đe lăng nhôn hoh-hoy kơbĭ đei kiơ, mă-lei nhôn đei tôm tơdrong tơmam.

I Tim 6:9

Lu bơngai wă chă mơdrŏng, yang Satan gô pơhlŭ sư, na sư 'maih chă tơdrong âu, tơdrong to, tơdrong kư̆ kă, tơdrong ưh kơ 'lơ̆ng kơ sư, na sư gô đei răm 'Bok Kei-Dei phak.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.

Tơdrông Tơ'bôh 2:9

‘Inh băt mơ̆n đe hil areh păng pơm kơnê̆ kơ iĕm. Inh băt mơ̆n iĕm bơngai dơnuh, mă-lei iĕm mơdrŏng tơdrong 'Bok Kei-Dei. Đei mơ'nah pơjăm pơjuă iĕm Inh kư̆m băt. Lu sư chă khan kơdih khan lu sư bơngai Juđê, mă tơpă ưh kơ bơngai Juđê ôh, lu sư hơlĕnh đĕch; lu sư khŭl yang Satan.