Luka 12:19 - Sơ̆p Hlabơar Nơ̆r 'Bok Kei-Dei

¹⁹ Lăp inh pơm đang boih, inh wă khan kơ inh kơdih thoi âu: Inh đei mŭk drăm lơ wă 'măn lê̆ kơ đunh sơnăm. Inh pơdơh bĕ, sŏng sa nhă đak phĭ mah rơkah rơkai, hiôk boih inh.’

Luka 12:19 Iomraidhean Croise

Jop 14:1

Kon bơngai đơ̆ng bơngai drŏ-kăn rơneh, arih 'nao tŏ sĕt năr đĕch ră, mă-lei 'bĕnh kơ tơdrong pơmat-tat.

Horiso 49:18

Mă khan kơplah oei arih sư đei pŭn hiôk.k Đe pơư kơ sư đei 'bôh jang sa mơdrŏng,

Horiso 62:10

'Nĕ gơnang kơ kĕ pơjuă đe. 'Nĕ gơnang hơmĕng kơ tơtông klĕ, Mă đei mŭk tơmam lơ, 'nĕ kơ hơđơ̆ng kơ noh.

Tơdrông Pơđơk 10:2

Mŭk tơmam đei đơ̆ng pơm kư̆ kă ưh kơ yua kiơ; Mă-lei đei tơdrong tơpăt gơh klaih đơ̆ng lôch.

Tơdrông Pơđơk 14:24

Môk pơtao kơ lu bơngai hơgei noh tơdrong mơdrŏng. Mă-lei tơdrong kơhlôh lu bơngai kơwao oei kơtul.

Tơdrông Pơđơk 18:11

Mŭk tơmam bơngai mơdrŏng, jing pơlei tih kơjăp kơdih akâu sư. Sư khan thoi dur kơjung kơjăp pĕng tăp kơ sư.

Tơdrông Pơđơk 23:5

Măt ih nŏng kơ lăng 'bloh tơ mơdrŏng hă? Ưh pă đei boih! Yua kơ sư đĭ chăt pơnăr păr tŏk tơ plĕnh thoi sem kring.

Tơdrông Pơđơk 27:1

'Nĕ pơư kơ năr dơning, Yua kơ ih ưh kơ băt năr dơning sư jing liơ.

Bôk Bơthô 11:9

Ơ lu bơngai hơmuh hơmŏng iĕm hiôk chơt bĕ kơplah oei hơdruh tơdăm, 'nă hal bĕ kơplah oei 'lơ̆p, yak kiơ̆ bĕ thoi jơhngơ̆m ih dui ba, kiơ̆ kơ măt ih lăng, mă-lei iĕm athei băt dôm tơdrong iĕm pơm noh, Kră Yang 'Bok Kei-Dei gô wă sek tơlang kiơ̆ tơdrong noh.

Bôk Bơthô 2:24

Tơdrong 'lơ̆ng hloh mă kon bơngai gơh pơm noh sŏng sa, nhă đak păng chơt hiôk lăm tơdrong jang. Inh 'bôh boih tơdrong noh Kră Yang 'Bok Kei-Dei ăn.

Êsai 22:13

Mă-lei lăng to lăm lu iĕm đei tơdrong chơt hiôk kư̆ kă 'bet sa rơmo, 'buh sa triu, sa 'nhĕm, et tơdrô: “Et sa bĕ yua kơ dơning bơ̆n gô lôch!”

Êsai 5:11

Răm-'băm dêh kơ bơngai bu mă đơ̆ng hrôih, drôih chơchă tơdrô, pơgŏk kơ tơdrô dĭng măng, dĭng tơdrô soh chhông lu sư!

Êsai 5:8

Răm-'băm dêh kơ lu iĕm bơngai mă pơm hnam thim hnam nai dơ̆ng, păng choh chŭn thim chŭn nai dơ̆ng, na jing pă đei teh 'bơ̆t yơ rơhơi dơ̆ng, păng lu iĕm jing oei adrô̆ lăm dêh char.”

Êsai 56:12

Lu sư khan: “Năm bĕ, inh gô iŏk tơdrô, bĕ bơ̆n et tơdrô kơtang mơ̆ng kơ wă; Năr dơning kư̆m gô lei-lăi thoi năr 'nâu, et sa rai tih hloh dơ̆ng.

Hôsia 12:8

Lu bơngai Êphraim pơang akâu kơdih khan: Sĭt tơpă Inh jing bơngai mơdrŏng, inh đei mŭk lơ. Lăm đĭ dôm tơdrong jang mă Inh pơm ưh kơ đe 'bôh minh tơdrong jang kiơ khan yoch kơnê̆.

Am 6:13

Lu iĕm bơngai mă chơt hiôk đei blah iŏk pơlei Lôdêbar,a păng khan: Lu nhôn yua jơhngơ̆m pran kơdih na đei iŏk boih pơlei Kanaim;b

Habakuk 1:16

Yua kơ thoi noh, sư soi sơmah kơ hơnhuăl sư păng soh nhang pơgang 'bâu phu kơ jal sư, yua kơ đơ̆ng jal noh na lu sư đei phĭ bek 'lơ̆ng sŏng sa rơkah rơkai.

Luka 12:18

Sư khan: ‘Inh wă yuih pơk 'ba inh so âu, na pơm ming plơ̆ng mă tih hloh dơ̆ng. Klaih kơ noh na inh tah akŭm đĭ-đăng mŭk tơmam păng 'ba inh.

Luka 16:19

Yêsu khan dơ̆ng thoi âu: “Sơ̆ đei minh 'nu bơngai mơdrŏng, sư juăt kơ hrŭk ao 'lơ̆ng rŏ păng sŏng sa jơnap ling-lang.

Luka 21:34

“Na kơplah iĕm oei arih dang ei, iĕm athei kơchăng kơdih 'nĕ kơ nŏng kơ et sik, hli kơ suai. Păng 'nĕ pă hăt kơ tơdrong ala teh, hli kơ năr noh truh kơplah iĕm ưh kơ kơchăng, tabơla haih pă tam thoi bơngai 'leh 'năk. Na tơdrong noh wă truh tơ jơ̆p-jang teh đak ning-mônh kư̆m thoi noh mơ̆n.

I Kor 15:32

Inh đei tơdrong gleh truh kơ inh tơ Pơlei Êphêsô dang lĕ inh tơblah păng sem bri. Dah inh adrin tơblah păng sư, mă-lei inh ưh kơ tơchĕng tơdrong inh gô iung arih ning-mônh, lei tơdrong inh adrin 'noh ưh kơ đei yua kiơ kơ inh ôh. Dah 'Bok Kei-Dei ưh kơ tơiung arih lu bơngai bơ̆n đơ̆ng lôch, lei bơ̆n kuă kơ kiơ kơ sa et phĭ mah rơkah rơkai chă tơdrong hiôk ling-lang, yua kơ bơ̆n wă lôch hiong hiơt thoi ei?

Philip 3:19

Lu sư pơm thoi noh, ning-mônh 'Bok Kei-Dei phak pơmat lu sư dêh. Lu sư 'mêm kơ klak lu sư, rŏ kơ klak yŏng na pơm thoi noh. Lu sư chă pơang kơ đe kiơ̆ tơdrong mă đe mơlâu. Đon lu sư tơchĕng ling-lang gah tơdrong ala teh.

I Tim 5:6

Dah đei drŏ-kăn adro pơm đi chă mơdro akâu sư kơ lu bơngai drŏ-nglo, mă sư oei arih ră mă-lei lăng sư dang lĕ kơ lôch đĕch 'noh.

I Tim 6:17

Ih khan kơ lu bơngai mơdrŏng 'nĕ pơang akâu kơdih păng khan kơ sư 'nĕ gơnang kơ mŭk măk sư mơdrŏng. Athei sư tơchĕng gơnang kơ 'Bok Kei-Dei đĕch gơh tơgŭm sư. Tơdrong mơdrŏng ưh kơ kơjăp nhoi ôh. 'Bok Kei-Dei hơlăng, Sư ăn kơ bơ̆n tôm tơdrong bơ̆n kăl yua wă kơ bơ̆n chơt hiôk.

II Tim 3:4

Năr ei kơnh đei lơ bơngai plơ̆ plĕch kơ đe. Sư bơngai kư̆ kă. Sư 'maih pơhuơ̆ akâu wă chă ngôi đĕch, sư ưh kơ băt 'mêm kơ 'Bok Kei-Dei.

Ya 5:5

Iĕm oei tơ ala teh âu hiôk jơnap tơpă. Sŏng sa phĭ mah rơkah rơkai bek lơluĭnh thoi rơmo, na đe wă rơih rơmo bek noh boih 'buh sa.

I Pet 4:3

Kơplah iĕm tam mă lui sơ̆, iĕm pơm lơ boih tơdrong kơnê̆. Na dang ei 'nĕ pă pơm thoi lu bơngai sơmăt lăp đon; lu sư hưch hanh pơm tôm tơdrong kơnê̆ kư̆ kă, et sik suai, sa dư, pơm kư̆ kă lăm năr sư sa et tih kơkuh kơ rup yang sư.

Tơdrông Tơ'bôh 18:7

Sư pơma pơang akâu dang yơ, hưch hanh kơ mŭk tơmam 'lơ̆ng rŏ dang yơ, sư gô pŭ tơdrong pơmat, tơdrong ơh sơ'ngon kư̆m dang noh. Sư tơchĕng lăm to sư khan: ‘Inh pơm yă pơtao pơgơ̆r đe ling-lang, Inh ưh kơ sĭ yă adro, na liơ inh gơh ơh sơ'ngon?’

I Sam 30:16

Bơngai Êyiptơ chông ba lu sư năm truh. Lu sư 'bôh kon pơlei Amalek jơ̆p-jang kơ teh, et sa, chơt hiôk, yua kơ lu sư tơgar iŏk lơ tơmam đơ̆ng lăm dêh Philistin păng lăm dêh Juđa.