Luka 12:17 - Sơ̆p Hlabơar Nơ̆r 'Bok Kei-Dei

¹⁷ Na tơ'ngla sư tơchĕng kơdih khan: ‘Inh wă pơm thoi yơ kih, anih mong 'ba ưh kơ mah thoi âu?’

Luka 12:17 Iomraidhean Croise

Bôk Bơthô 11:2

Ih athei chă asong kơ tơpơh 'nu, tơhngam 'nu, truh tơ lơ bơngai, yua ưh kơ băt năr ayơ gô đei tơdrong truh kơ ih.

Êsai 58:7

Hăm trŏ kơ ih athei asong tơmam sa kơ lu bơngai pơngot rơwĕt, chông ba lu bơngai dơnuh hin ưh kơ đei hnam wih tơ lăm hnam iĕm kơdih, lăp iĕm 'bôh bơngai akâu hoh athei pơhrŭk ăn, păng 'nĕ kơ weh muh măt ưh kơ lăng lu 'nhŏng oh minh sĕch akar lu iĕm kơdih, dah kiơ?

Mathiơ 16:7

Lu bơngai pơhrăm păng Sư ưh kơ hlôh tơdrong Sư pơma na lu sư tơkhan dih băl: “Sư pơma thoi noh băt Sư jô̆ kơ bơ̆n hiơt kơ chĕp 'bĕng mi kơlĕ.”

Mathiơ 5:42

Bu apinh tơmam iĕm, iĕm athei asong; bu apinh mơng, iĕm athei ăn 'bônh.

Luka 10:25

Đei minh 'nu 'bok thây bơtho tơdrong juăt đe Juđê iung jet pơlong lăng Yêsu thoi âu: “Ơ 'Bok Thây, inh pơm thoi yơ wă kơ arih ling-lang?”

Luka 11:41

Iĕm athei asong ăn kơ lu bơngai dơnuh hin tơmam sa iĕm lăm pơnhan noh na 'Bok Kei-Dei kư̆m lăng tôm tơdrong iĕm rơgoh 'lơ̆ng ngăl.

Luka 12:16

Klaih kơ noh sư khan kơ đe thoi âu wă pơtih gia kơ tơdrong 'noh hei: “Minh 'nu bơngai đei mir să, trŏ bơyan 'ba, sư đei 'ba lơ tơpă.

Luka 12:18

Sư khan: ‘Inh wă yuih pơk 'ba inh so âu, na pơm ming plơ̆ng mă tih hloh dơ̆ng. Klaih kơ noh na inh tah akŭm đĭ-đăng mŭk tơmam păng 'ba inh.

Luka 12:22

Na Yêsu khan kơ lu bơngai pơhrăm păng Sư: “Yua kơ thoi noh na Inh wă khan kơ iĕm: 'Nĕ tơchĕng gah tơmam sŏng sa, 'nĕ kơ tơchĕng kơ hơbĕn ao hrŭk.

Luka 12:29

“Iĕm 'nĕ pă tơchĕng khan: Bơ̆n wă sa kiơ, nhă kiơ? Iĕm 'nĕ kơ mah hăt kơ tơdrong noh.

Luka 12:33

Tĕch tơmam iĕm na tơgŭm lu bơngai dơnuh hin, na iĕm gô đei jên mă huay kơ hiong hiach oei 'măn lê̆ kơ iĕm tơ plĕnh ti. Tơ ei ưh kơ đei bơngai bu mă gơh tơtông iŏk dơ̆ng ôh. Tơ ei mua kư̆m ưh kơ gơh reh ngơ̆r tơmam iĕm mơ̆n.

Luka 16:3

Na đam kơiĕng sư ei tơchĕng lăm to khan: ‘Yŏng inh wă pơpuh inh boih, na inh wă jang tơdrong kiơ dơ̆ng? Inh choh mir kư̆m ưh kơ kĕ ôh. Inh kư̆m mơlâu kơ chă apinh sa đơ̆ng đe mơ̆n.

Luka 16:9

“Na Inh khan kơ iĕm thoi âu: Jên boih tơmam ala teh âu đĕch mă-lei iĕm gơh yua jên mơ̆n wă tơgŭm bơngai dơnuh hin, na lăp jên iĕm ưh pă yua boih ning-mônh, iĕm gô đei bôl buăl lơ sơng iŏk iĕm tơ plĕnh ti.

Luka 18:22

Yêsu kơtơ̆ng thoi noh na Sư khan: “Ih răk ưh kơ tôm oei pă minh tơdrong. Ih athei tĕch đĭ mŭk tơmam ih chă asong kơ lu bơngai dơnuh hin, na kiơ̆ Inh hloi. Thoi noh na ih gô đei mŭk tơmam tơ kơpal plĕnh ti ning-mônh.”

Luka 19:17

Na yŏng sư khan: ‘Ơ dăm, ih jang kơ inh 'lơ̆ng tơpă. Ih ưh kơ lê̆ ôh dôm tơdrong jang inh. Yua kơ ih jang 'lơ̆ng, na mă khan tơdrong jang ih iĕ, inh gô ăn kơ ih jang tơdrong tih 'biơ̆, pơjao ăn kơ ih wei-lăng lăm mơjĭt tŏ pơlei.’

Luka 3:11

Na Yôhan khan dơ̆ng: “Dah bơngai bu đei 'bar blah ao lei sư athei asong minh blah ao sư kơ lu bơngai mă hoh kơ đei. Dah bơngai bu đei tơmam sa rơkah, lei sư athei chă asong kơ đe lei-lăi mơ̆n.”

Jang 16:30

Na sư tơlĕch bre Pôl păng Silas tơ 'ngoaih păng jet bre sư: “Ơ bre 'bok, pơm liơ inh gơh klaih đơ̆ng tơdrong yoch?”

Jang 2:37

Kơtơ̆ng tơdrong 'noh boih, lu kon tơring mơn lăm jơhngơ̆m sư na jet Pêtrôs hăm lu bôl sư khan: “Ơ 'nhŏng oh, nhôn athei pơm lơliơ wă klaih đơ̆ng tơdrong yoch?”

Rom 12:13

Tơduă bơ̆n bơngai lui 'nĕ kơ kret băl tơmam, tơmoi truh athei băt kơ sơng iŏk tơ hnam.

I Tim 6:17

Ih khan kơ lu bơngai mơdrŏng 'nĕ pơang akâu kơdih păng khan kơ sư 'nĕ gơnang kơ mŭk măk sư mơdrŏng. Athei sư tơchĕng gơnang kơ 'Bok Kei-Dei đĕch gơh tơgŭm sư. Tơdrong mơdrŏng ưh kơ kơjăp nhoi ôh. 'Bok Kei-Dei hơlăng, Sư ăn kơ bơ̆n tôm tơdrong bơ̆n kăl yua wă kơ bơ̆n chơt hiôk.

I Yo 3:16

Bơ̆n băt boih Kră Yang Yêsu Krist 'mêm mơnat kơ bơ̆n tơpă yua kơ Sư ăn akâu Sư kơdih lôch yua kơ bơ̆n. Thoi noh bơ̆n athei ăn akâu bơ̆n kơdih lôch yua kơ 'nhŏng oh bơ̆n mơ̆n.