Luka 11:49 - Sơ̆p Hlabơar Nơ̆r 'Bok Kei-Dei

⁴⁹ Thoi noh na 'Bok Kei-Dei mă hơgei tôm tơdrong khan thoi âu: ‘Inh gô wơh lu bơngai pơtruh nơ̆r Inh păng lu bơngai jơ̆ng 'bang Inh năm bơtho lu sư, na 'blep kơ lu sư areh pơm kơnê̆ kơ lu sư phŏ kư̆m pơlôch.’

Luka 11:49 Iomraidhean Croise

Je 7:25

Iŏk đơ̆ng năr 'bok yă iĕm lĕch đơ̆ng dêh Êyiptơ truh tơ dang ei, Inh oei chơ̆n wơh đĭch đam Inh, lu bơngai khan lê̆ adrol năm tơ lu sư.

Mathiơ 22:6

Lu mơ'nah dơ̆ng rôp lu bơngai jang kơ 'bok pơtao năm krao lu sư ei, blei hiap păng pơlôch hloi.

Luka 11:48

Lu 'bok iĕm sơ̆ pơlôch lu sư na iĕm dang ei pơm hơmet ming bơsat lu sư dơ̆ng. Thoi noh iĕm kư̆m băt kơ 'bok iĕm pơlôch lu sư mơ̆n sơ̆ păng iĕm dang khan lu 'bok iĕm sơ̆ pơlôch lu sư khan trŏ.

Luka 24:47

Na đe gô bơtho đơ̆ng Pơlei Jêrusalem truh tơ jơ̆p kơ teh đak athei đĭ-đăng khŭl bơngai tơbral kơdih tơdrong yoch na 'Bok Kei-Dei gô pơklaih yoch lu sư, yua kơ Inh lôch tang lu sư.

Yo 16:2

Ning-mônh lu sư gô pơpuh iĕm đơ̆ng hnam akŭm lu sư. Ning-mônh mơ̆n lu sư khan pơlôch iĕm khan trŏ kơ 'Bok Kei-Dei wă.

Jang 1:8

Mă-lei lăp Yang Bơhngol 'Lơ̆ng jur oei păng iĕm, iĕm gô đei jơhngơ̆m pran năm bơtho tơdrong Inh tơ Pơlei Jêrusalem, jơ̆p kơ dêh char Juđê păng dêh Samari, đơ̆ng noh jơ̆p kơ teh đak.”

Jang 11:27

Hơtai ei đei lu bơngai đơ̆ng Pơlei Jêrusalem năm tơ Pơlei Antiôs. Lu sư bơngai pơtruh nơ̆r 'Bok Kei-Dei.

Jang 22:20

Hơtai đe pơlôch Êtien, bơngai bơtho Tơdrong 'Nao 'Lơ̆ng Ih, inh kư̆m tơ ei mơ̆n; inh wă kơ đe pơlôch Êtien păng inh wei-lăng ao lu bơngai pơlôch sư.’

Jang 7:57

Na lu đe ei kơtơ̆ng Êtien pơma thoi noh, lu sư pơma 'bơ̆r re chĭt đon hloi,

Jang 8:3

Mă-lei Sôl pơm kơnê̆ kơ lu bơngai lui wă kơ lu sư hiong răm. Sư năm jơ̆p jơ̆p mơ̆t tơ hnam đe, rôp lu bơngai lui kơ Yêsu, bơngai drŏ-nglo drŏ-kăn, tah hloi lu sư lăm hnam phak.

I Kor 1:24

Mă-lei gah bơ̆n mă 'Bok Kei-Dei rơih iŏk boih, mă bơngai Juđê mă bơngai nai, tơdrong Yêsu Krist lôch tơ 'long pơglang 'noh, bơ̆n băt tơdrong Yêsu Krist tơgŭm bơ̆n tôch bơneh tơpă păng 'Bok Kei-Dei mơsêh mơyang tơpă, hơgei tôm tơdrong, na Sư mah ăn Yêsu lôch tang bơ̆n.

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

Êphêsô 4:11

Na jô̆ gah tơdrong Sư asong kơ lu bơngai mă Sư 'mêm, Sư asong ăn tơdrong jang Sư, mơ'nah pơm jơ̆ng 'bang Sư, mơ'nah chă pơtruh nơ̆r Sư, mơ'nah pơm 'bok bơtho năm chă bơtho đe, mơ'nah pơm 'bok bơtho wei-lăng lu bơngai lui kơtă pơlei.

Kôlôsê 2:3

Yua kơ bơ̆n lui kơ Yêsu Krist, na Yêsu Krist tơbăt ăn kơ bơ̆n tôm tơdrong noh mă tam mă tơbăt kơ đe đơ̆ng sơ̆.

Tơdrông Tơ'bôh 16:6

yua kơ lu sư pơlôch tuh pham lu kon Ih, păng lu bơngai pơtruh nơ̆r Ih, na dang ei Ih pơkăl ăn kơ lu sư huch pham 'noh trŏ tơpă.”

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”