Luka 11:44 - Sơ̆p Hlabơar Nơ̆r 'Bok Kei-Dei

⁴⁴ Ning-mônh iĕm pơmat-tat dêh. Iĕm dang lĕ bơsat juơ, đe ưh kơ băt na đe juă 'bơm kơpal noh. Đe lăng iĕm tơ 'ngoaih thoi lĕ kơ 'lơ̆ng ră, mă-lei lăm to iĕm kơnê̆.”

Luka 11:44 Iomraidhean Croise

Horiso 5:9

Yua kơ lăm 'bơ̆r lu sư ưh kơ đei tơdrong tơpă; Jơhngơ̆m lu sư tă kơnê̆ ngăl. Hơlŏng lu sư thoi bơsat tơpơih Hơpiĕt lu sư 'bĕnh hăm tơdrong pơdăr.

Êsêkiên 39:15

Mưh lu sư chă dăr 'bôh lu kơting, 'măn lê̆ minh 'bôt, lu sư gô pơdơ̆ng minh tơmam kiơ wă tơdra dĭng truh lu bơngai 'bŭ lu kơting noh tơ lăm pŭng-lŭng thŭng Hamon Gôk.

Hôsia 9:8

'Bok khan lê̆ adrol jơ̆ bơngai wei-lăng bơngai wei Êphraim Kră Yang 'Bok Kei-Dei athei; Iĕm pơm kơ 'Bok khan lê̆ adrol thoi hơnhuăl đe wŏk rôp sem păr oei jơ̆p kơ trong sư, kư̆m hil areh kơ sư lăm hnam Kră Yang 'Bok Kei-Dei sư.

Jo 19:16

Tơ bri brah, bơngai bu hơtŭt 'bơm kơ bơngai lôch kơ đao gưm đe 'bet, dah akâu bơngai lôch, kơting bơngai lôch dah bơsat, gô jing 'mê̆-'mach lăm tơpơh năr,

Mathiơ 13:32

Mă-lei lăp đe rei boih sư chăt kơjung hloh kơ đĭ-đăng lu hla 'nhot nai. Sư chăt kơjung atŏ kơ 'long nai mơ̆n na sem gơh pơm tơpu tơ dơng sư.”

Jang 23:3

Pôl pơma kơ 'bok soi tơm ei khan: “Ih athei đe tap inh, na 'Bok Kei-Dei gô tap ih mơ̆n, ih bơngai 'bơ̆r đak klak ŭnh. Ih sek tơlang tơdrong inh kiơ̆ kơ tơdrong juăt bơ̆n ră, mă-lei ih athei đe tap inh; ih pơm thoi noh ưh kơ trŏ kơ tơdrong juăt bơ̆n ôh. 'Noh ih dơ̆ng pơm yoch kơ tơdrong juăt bơ̆n.”